NINDAT KEP TUHAN NICUKTI NYA 7:8 - ALLAH NIHYET MEM TUNGWATU NYA

⁸ Noro Noni ningon ngakei je ba, joi sut yai igbit mun di Noni preu ei mem jidigup bat-jidigai bat nya. Gima rino Noni teu je bijingwes ngun tug hon Nide nisindemti di nindig bibor lene kwek je leu nibou ndig mben Mesir di yuubon je nok nide awak nya.

NINDAT KEP TUHAN NICUKTI NYA 7:8 ပူးပေါင်းရင်းမြစ်များ

NITRITI 19:16

Noro Lot hig ningon eisi. Lene tuhan ningon nggriu sut noni apino yo cin dima ibrim noni kin nitnem kin nipmisop bat cin inda leu api yehei sut yok leu Sodom.

NITRITI 19:29

Gima rino tirigi Allah cok tut minu ndig nya ei mbang briep dima hagom bitut Lot de biyati cem bingwig lene ningon prion ser Abraham bi. Lewo Noni sindui sut Lot binang biningwes ngun leu su.

SAMUEL GI NICAN 22:20

Noni kwek da leu mun di nahanok micut igkep da lene teu da bidingwes ngun lewo noni joi sut da.

NIBOU NDIG NYA GI NIGOM 10:9

Jikwei ba, inggei sut tuhan di nok na di Andigpoi ade Allah! Noni ta na di Andigpoi ba, anok nibou ndig mem mben Israel lene gima ndo brei bipia Noni joi sut na di Andigpoi nindig bibor. Noni ngondut mben Israel kikau buug hon nohonti bi. Gima rino Noni ta na di Andigpoi ba, anok nibou ndig mem yok leu binhyepo yahagom ibit nihyet ba, ingon sren.”

NIBOHON MBEN ISRAEL GI NIGOM 16:16

Noni bon Nide gi preu dima bit Abraham nipou leu api bit Ishak cem,

NIBOHON MBEN ISRAEL GI NICAN 9:8

Jikwei ba, inggei sut tuhan di nok Na Di Andigpoi ade Allah! Noni ta Na Di Andigpoi ba, anok nibou ndig leu binhyepo aba Nonti ninyeng bitak kep mben Israel lewo Noni joi sut Na Di Andigpoi nindig bibor. Noni ta Na Di Andigpoi ba, anyeng tak kep yok lewo ningon ngakei Nide limwa mben Israel ba, joi sut gima nyohou yok kikau. Apino kon Na Di Andigpoi ba, anok ide nibou ndig leu binhyepo yahagom ibit nihyet ba, ingon sren.”

MAZMUR 105:42

Noni yok ngon kep gi preu di kwes-kwau di Noni preu ei mem Nide awak di Abraham.

MAZMUR 44:3

Nanti rino ajji ngkiai nya leu itimieisi leu api ayai ide dihyei di inda rom dima bak Ade limwa nya apino ibong ser minu dima. Abindei ba, mben ngkiai hiter nya yuum mun di buhun noro asindui sut Ade limwa nya ba, idigek kep mpia.

MAZMUR 44:4

Ade limwa nya inda rom dihyei dima bigyati tug hon ide singau simeda bi. Iba yonti ide nisindemti cem boom kep ide siceu nya bi. Noro igyai bigyati tug hon Na di tuhan Ade nisindemti kin Ade nipigati di bindo tut gima Angat rin bit yok lewo ajoi sut Ade limwa nya.

NEHEI LEUSI 13:14

Gino jipmot bat nya ingon kiowi tut nibon midut dini bihig ser je tut ei nidipti bu lene jibuhup biyok bipia tuhan buwak nye bingwes ngun leu minu Mesir tug hon Nide nisindemti di nindig bibor lewo mben Mesir yuubon nye nok awak ei sirima nipou su.

NEHEI LEUSI 13:3

Lene Musa pai bak mben Israel “Ma jiyok ngon kep njap di ammani nok njap dino jimbut bijingwes ngun leu mben Mesir nya di yuubon je nok awak. Lewo njap di ammani ne tuhan buwak je leu minu dima tug hon Nide nisindemti di nindig bibor. Gima rino ma jiyem roti di dwoi mem njap dini au.

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

YESAYA 43:4

Dingat dingwes ei jeti. Jibon jinyeng ei diyai him ba, dingon ngakei je cem. Gima rino ditri timiei ngkiai nya leu binhyepo dibiluei je bu ba, diba keret dihyeisi dini biluei jiyaisi.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

YEREMIA 31:3

dindo Danti biyok leu minu ting. Je di mben Israel e, dingon ngakei je habiei ei nimbie him kikau kwei bipek ammani kep. Gima rino midingon ngakei je kikau.

YEHEZKIEL 36:22

Gima rino ma atri tut Da di tuhan Di Dinyeng Jei Bibor dihyet di disok ei na dip bak mben Israel di nibimbiti pai ‘Midiyai mun nyeng gom lo, mun dima nok bindo mem je di mben Israel bi noro nok mun di bindo tut dinyeng di kwes-kwau di jibimangkrei bijico kep bidem jingkiaisi hagom tu.

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

ZEFANYA 3:17

Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

MALEAKHI 1:2

tuhan pai bak Nide limwa nya “Dingon ngakei je kikau.” Noro ibuhup bihig ser Noni “Notou ando angon ngakei nyeti binye i?” tuhan buhup “Esau ne Yakub nikindig ri. Dingon ngakei Yakub kin yo di intun noni him.

MATIUS 11:26

Arig e, gima igbit rin lewo hagom bit leu akos tutti.

LUKAS 1:55

Tuhan ningon prion ser mun di Noni preu ei mem yok bi ba, ningon nggriu sut Abraham kin nide nintun him di bram yamti nya kikau.”

ROMA 11:28

Mben Yahudi ikou sut Nihyet Di Kei apino iba nitok bak Allah. Igyai munti dini bon nikwesti mem je di ngkiai nya. Noro Allah ningon ngakei mben Yahudi drek dip ide pung di intun him nya lewo Noni dimig yok ei nipou su.

NINDAT KEP TUHAN NICUKTI NYA 1:8

Dani ne tuhan rin ba, dipreu sut minu dima hagom bak jidigup bat-jidigai bat di Abraham kin Ishak kin Yakub kin ide nintun him yokti di bram yam nya. Gima rino ma jicoi ba, jiya bidem minu dima hagom.’ ”

NINDAT KEP TUHAN NICUKTI NYA 10:15

Noro ningon ngakei jidigup bat-jidigai bat nya nindig bibor ba, dimig je leu mben nindigsi nya hagom ba, jinok Nide limwa nya kikau kwei bipek ammani kep.

NINDAT KEP TUHAN NICUKTI NYA 23:6

Ma jimpu mben dima ba, jibindei ba, ibong kei igwam kei cem tirigi je di mben Israel jingat rin ei dihyei ninjek dip dini au.

NINDAT KEP TUHAN NICUKTI NYA 33:3

Noni ningon ngakei Nide limwa nya biya srak ko hagau yo di ninyeng tak kep yok. Gima rino ikuk nye ei nimig him ba, ibit nicuk nyeti nya.

NINDAT KEP TUHAN NICUKTI NYA 4:20

Noro Noni teu je bijingwes ngun leu minu Mesir di nok mpia po jiyai jinghuisi wei nindig bibor eisi pima tu. Lene Noni buwak je kwei ei minu dini bibon je nok Nide limwa nya kikau kwei bipek ammani kep.

NINDAT KEP TUHAN NICUKTI NYA 4:34

Dihig ser je bipia kwar di tungwatu nya ikuk yok bak hi sindem mem gima ug dimig mben gom leu mben nindigsi nya ikieti ei ba, ninyeng tak kep yok e? Noro tuhan di nok jide Allah dimig jeni ei leu mben Mesir ikieti tu. Noni ribindei dino nsuwer ajar kin pran cut igkep yok. Noni bon mun di mindur nya kin bindo nya kin mun di bindei dino tungwatu nya ingon ttin bibor tug hon Nide nisindemti di nindig bibor bou jiyai him tu.

NINDAT KEP TUHAN NICUKTI NYA 4:37

Noni dimig je ei su lewo ningon ngakei jidigup bat-jidigai bat nya leu api buwak je bijingwes ngun leu minu Mesir tug hon Nide nisindemti di nindig bibor.

NINDAT KEP TUHAN NICUKTI NYA 5:6

tuhan tri tut ‘Dani ne jide tuhan Allah di teu je bijingwes ngun leu minu Mesir mpia po yuubon je nok awak eisi pima ri.

YOHANES GI NIGOM 4:19

Ingon ngakei yam lewo Allah ningon ngakei nye bibie.

SAMUEL GI NIGOM 12:22

Allah preu ei mem je tug hon neheng bipia Noni mikes je ei bi sren. Lewo Noni dimig jeni ei bijinok Nide limwa nya.