NINDAT KEP TUHAN NICUKTI NYA 7:6 - ALLAH NIHYET MEM TUNGWATU NYA

⁶ Ma jiyai gini hagom igbit lewo tuhan di nok jide Allah ninyeng tak kep je. Noni dimig je leu mben dihyeisi dini hagom leu binhyepo jinok Nide mben di ningon kieti.

NINDAT KEP TUHAN NICUKTI NYA 7:6 ပူးပေါင်းရင်းမြစ်များ

NIBOU NDIG NYA GI NIGOM 3:8

Disrig yo di adimig yok ei ba, inok Ade limwa nya. Lene bit bon tungwatu nya ikwop imangti kan bi.

EZRA 9:2

Pinai Yahudi nya iwak sop mben ngkiai apino map kui tuhan de limwa pijum nya tu. Yo di ibon mun dima nimbie him ngat hak rino nibou mben Israel kin yo di inyeng jei nya.

MAZMUR 114:2

lene tuhan yai hanjop Yehuda nok Nide mpia di kwes lene yai Israel nok Nide dihyei hanjop nsi di ninyeng tak kep.

MAZMUR 135:4

Noni dimig yo di intun Yakub him ei mem Nonti bikon mben Israel bou No nok Nide.

MAZMUR 50:5

Noni pai “Jinduk Ditde limwa nya di ikrau kep ide gi preu bit Da bingkiem tug hon midut di ibon ei nimbar hum dokti nya yahagom bidem yam.”

NEHEI LEUSI 6:7

Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

YESAYA 41:8

Noro je di mben Israel e, jinok Ditde awak nya ba, didimig je ei nok Ditde limwa nya tug hon gi jintun Abraham di disut him.

YESAYA 41:9

Dibuwak je kwei leu minu nohon keti kin minu ting bibor ba, dipai bije ‘Jinok Ditde awak nya. Bit bon dikou sut yo di didimig yok ei su nya kan bi.’

YESAYA 6:13

Mbro nok gino tungwagom leu ibou simnai bong ser nide ig bimbut bi lo, noni cem mitug midut. Noro noni minok asar ninjem di iwim lo, ningwam jo nijoti. Ningwam dima ndo tut nijam di nidipti bu tirigi Ditde limwa di igyaisi jo nya minok nitriti mem Ditde limwa di ingon kwes hanyen bu.”

YESAYA 62:12

Tungwatu nya mijem inyeng ‘Limwa Di Ingon Kwes’ kin ‘Limwa Di tuhan Teu Yok Di Ingwes Ngun’ cem. Yoni mijem minu ndig Yerusalem ninyeng ‘Minu Ndig Di tuhan Ngondut kin Minu Ndig Di tuhan Kes Ei Bi’.

YEREMIA 2:3

Je di mben Israel e, dinyeng tut je mem Dangkom. Jinok dingon him ngat bidingon mbris tut je cem. Dikes hukum ei yo di ihwen bit je nya yahagom dip. Da di tuhan disimbot dat tu.”

YEHEZKIEL 20:5

Atri tut dihyet di dipai biyok. Tirigi didimig mben Israel ei lene dipreu ei mem yok. Dindo Danti biyok ei minu Mesir bidibipai biyok bipia ‘Dani ne ide tuhan Allah ri.’

IMAM NYA IDE MIDYAI 20:24

Dipreu kep jeni tut minu di bon ninnumti di kei bibor dima tu. Ba, diyai dihyei dima bije ba, jima bou je nok jide. Dani ne tuhan ba, jide Allah rin ba, didimig jeni bijo ter leu ngkiai nya ikieti.

IMAM NYA IDE MIDYAI 20:26

Didimig jeni leu mben hiter nya ikieti leu binhyepo dijem je bou Da nok Ditde. Suar jingon kwes lewo Dani ne tuhan rin ba, dikwes-kwau.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

MALEAKHI 3:17

tuhan Di Sindem Bibor pai “Yo dima ne Ditde limwa nya ri. Dinyeng tut yok mem njap di dikos tut ei mem yok tu. Dingondut yok dem kep andigpoi di ngondut nipmot di ba nibou coi mem noni.

KISAH 13:17

Mben Israel ide Allah dimig ide pung di intun him nya leu api bindei ba, ibong ingkiaisi ei minu Mesir bidigek bibor. Leu api Noni ba nisindemti di nindig bibor bibuwak yok kwei leu minu dima.

ROMA 9:4

Yoni ripo intun mben Israel him tug hon Allah nidimig yok eisi ba, inok Nide limwa nya cem. Noni nek yok nok nipmot bat nya bindo nisindemti biyok cem. Allah kin yoni ipreu ei mem yam tug hon Puig Yahudi niggai serti ba, ikan tut nisinati mem gima ikuk yok biNoni mungkun kei cem. Igyai Nide nipreu ei mem yokti leu Noni ba,

NINDAT KEP TUHAN NICUKTI NYA 14:2

Jide tuhan Allah ninyeng tak kep je. Noni mbus jengkom bijinok Nide limwa nya leu mben nindigsi di ingat rin ei dihyei njek dip dini hagom.”

NINDAT KEP TUHAN NICUKTI NYA 14:21

Tut mindhe di nonti mai lene ma jiyem ninghui au. Noro ma jisindui sut ba, ngkiai nya di ibong timiei ei jikieti igyem mindhe dima ninghui a. Jitri nok mikwau bak ngkiai nya di ikwei cem kep je. Noro jeni ne limwa di jide tuhan Allah dimig pijum ei mem Nonti ri. Gino jikwen domba pmot ninghui e, he kambir pmot ninghui e, lene ma jiba nipmem nido ngei bikwen ei yeng gomti au.”

NINDAT KEP TUHAN NICUKTI NYA 26:18

Gima rino Noni sindui sut je bijinok Nide limwa nya bit leu nok Noni preu ei mem je tu. Lene Noni cuk je leu binhyepo jibit nicuk jeti nya hagom.

NINDAT KEP TUHAN NICUKTI NYA 26:19

Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem. Mijinok Nide limwa di ningat-ngat nya bit leu nok Noni preu ei mem je tu.”

NINDAT KEP TUHAN NICUKTI NYA 28:9

Gino jibit jide tuhan Allah nihyet bijiyai igbit nicuk jeti nya hagom lene Noni mibindei ba, jinok Nongkom Nide limwa nya bit leu nok gi po preu ei mem je pima tu.

NINDAT KEP TUHAN NICUKTI NYA 33:3

Noni ningon ngakei Nide limwa nya biya srak ko hagau yo di ninyeng tak kep yok. Gima rino ikuk nye ei nimig him ba, ibit nicuk nyeti nya.

NINDAT KEP TUHAN NICUKTI NYA 4:20

Noro Noni teu je bijingwes ngun leu minu Mesir di nok mpia po jiyai jinghuisi wei nindig bibor eisi pima tu. Lene Noni buwak je kwei ei minu dini bibon je nok Nide limwa nya kikau kwei bipek ammani kep.

NINDAT KEP TUHAN NICUKTI NYA 4:37

Noni dimig je ei su lewo ningon ngakei jidigup bat-jidigai bat nya leu api buwak je bijingwes ngun leu minu Mesir tug hon Nide nisindemti di nindig bibor.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

PETRUS GI NICAN 2:5

Allah sindui sut tungwatu nya ei dihyei timieiti bingwes ngun cem bi. Noro bindei ba, minyei su nindig bibor bikot yo di isibut nya yahagom. Nuh nongkom kin ibou muhwindacan hi kin bu ingwes ngun. Noni tri nihyet bak tungwatu nya leu binhyepo igyai munti bindei ba Allah joi sut yok.

PETRUS GI NICAN 2:9

Gima rino Allah kan tut nisinati mem gima teu yo di ingon sren nya ba, ingwes ngun leu mun di buhun tak yok. Ba, Noni kan tut nisinati mem gima om kep yo di isibut nya bibou Njap di Noni kes hukum ei yok dip midem ug e.

SAMUEL GI NIGOM 12:22

Allah preu ei mem je tug hon neheng bipia Noni mikes je ei bi sren. Lewo Noni dimig jeni ei bijinok Nide limwa nya.