NINDAT KEP TUHAN NICUKTI NYA 7:26 - ALLAH NIHYET MEM TUNGWATU NYA

²⁶ Ma jipwoi kwar dima yok ba, juug sut ug ei jide ig bei au. Leu gi nok lene mijitug ndei nisigion jeti noyam kin kwar nya di tuhan sigion tu. Suar jingon mpo tut mun dima yok hagom bijimbres jenti leu. Lewo tuhan sigion mun di dima yok hagom tu.”

NINDAT KEP TUHAN NICUKTI NYA 7:26 ပူးပေါင်းရင်းမြစ်များ

YESAYA 30:22

Mijicom jide kwar di jikuk je bak nya di jiba perak kin mas binggai nya hak binok mumpiang. Lene mijibipai biyok “Juug bihigom leu nye!”

YESAYA 41:24

Nijit ne jenti kin jiyai munti nya bon ninyeng bi ba, diwok yo di ikuk yok bije.

YEHEZKIEL 11:18

Tirigi ingkwei hanyen lene suar icom kwar di ikuk yok bak di igyai kou ningat di kinei bibor nya hagom.

YEHEZKIEL 14:7

Bikwop mpe dino mben Israel gom e, he ngkiai hi di bong timiei ei mben Israel ikieti gom mbres nonti minu ting leu Da bikuk no bak kwar nya leu api hara nabi hi mem gima pingok ningonti lene Danti midibuhup no dima nihyet.

HOSEA 14:8

Yoni mikwei hanyen ndam Da bigwam coi Da. Yoni midigek kep mpia haninyai dem kep nok trem di hei ei ninnumti kin miai ba anggur. Tungwatu nya mikon inyeng noyam kin gi ikon ba anggur ngei Libanon ninyenga.

ZAKHARIA 5:4

tuhan Di Sindem Bibor pai bipia nisigionti dima micut igkep bikwop ninggimang mun cig kin neheng ugwai-gwai tug hon Nonti ninyeng cig ide ig a. Nisigionti dima micut igkep ig dima yok kikau bitimek biwer igkum kroi kep.”

ROMA 2:22

Jitri tut bipia ma tungwatu nya icut tut hi ter nitnem au. Nggon rino jicut tut kikep hi ter nitnem i? Jingon mpo tut kwar di tungwatu nya ikuk yok bak lo, nggon rino jipos ndigban leu ig kwar dima yok kikep i?

NINDAT KEP TUHAN NICUKTI NYA 13:16

Suar jimbus timiei minu ndig dima yok ide ndigban hagom keyam bijo-jo yam dip ei biyati gom leu api jindig minu ndig dima bitut ndigban di inyeng tut nya hagom kep hum nok nibon midut mem jide tuhan Allah. Gima leu su lene suar jisindui sut mpia dima leu binhyepo nindung yem dihyei ei bijo ninno. Lene ma jiwin minu dima hanyen bu au.

NINDAT KEP TUHAN NICUKTI NYA 13:17

Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

NINDAT KEP TUHAN NICUKTI NYA 13:18

Gima hagom nok gino jibit tuhan nicuk jeti nya di ditri tut bije njap di ammani hagom ba, jipwoi ningona.”