Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NINDAT KEP TUHAN NICUKTI NYA 7:25 - ALLAH NIHYET MEM TUNGWATU NYA

25 Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

အခန်းကိုကြည့်ပါ။ ကော်ပီ




NINDAT KEP TUHAN NICUKTI NYA 7:25
22 ပူးပေါင်းရင်းမြစ်များ  

Yosia bindei ba, inggek cou nibiyok ngon kep kwar nya kin kwar nisop Asyera hagom leu api ibindei suwok tug hon gi idis nimai njum bidem ei mpia dima.


Tirigi tentara Filistin inang leu lene ibindei cut ide kwar nya bijo ei mpia dima hak. Tirigi Daud ngat kwar dima yok lene cuk nide limwa nya ba, indig hagom kep hum hak ug.


Harin dima jingon pri kep mun di hiter nyeng tut a. Nok nide ig di bongti kin nitnem kin nide awak nya kin nide mindhe-ndhe nya kin nide keledai di noni nyeng tut nya.”


Lene noni ug yai kwar di nide limwa nya iba mas bibon noyam kin sapi pima bindig kep hum ba, jet bingwig. Api tirigi hem tu lene noni dram hagom bindung-ndiem leu api ba minyei biwir lene cuk mben Israel yahagom bidut minyei dima.


Lene Musa buhup “Dem tut gima bi. Lewo mben Mesir ingon mimpo tut nye drek dip nibon midut di nibon bou igyai him dima leu api yoni miba tig bihwen nye ba, nahagom nimai.


Mijicom jide kwar di jikuk je bak nya di jiba perak kin mas binggai nya hak binok mumpiang. Lene mijibipai biyok “Juug bihigom leu nye!”


Nijit ne jenti kin jiyai munti nya bon ninyeng bi ba, diwok yo di ikuk yok bije.


Suar noni ndig mun dima kep hum lewo nisgwati mbut nut tu. Gima rino suar hum yem bingwig ug.


Harin dima jikes Da ei bijikuk je bak kwar di jibon bou jinda him a. Harin dima jiba ngkimom nitu bibon kwar bou jinda him bijikuk je bak a. Dani ne tuhan bidinok jide Allah ri.


tungwatu nya kin mindhe-ndhe nya kin ha nya kin wau nya cem hagom. Midicok tut yo di isibut nya yahagom. Midisindui sut ba, hi ningwes ngun biniyaijo bu bi. Da di tuhan disimbot dat tu.


Suar jinggek ide nimbar hum dok nya ba, jiki ide cou tig di ipigig sut nya kukiau cem jindig ide nung mien nya di bindo tut kwar nisop Asyera kep hum cem jidram ide nung nindigsi di ikuk yok bak nya cem bingwig. Gima hagom nok leu binhyepo bit bon ikuk yok bak nung dima yok ei mpia ttou nsi nya dima hanyen bu kan bi.


Suar jimbus timiei minu ndig dima yok ide ndigban hagom keyam bijo-jo yam dip ei biyati gom leu api jindig minu ndig dima bitut ndigban di inyeng tut nya hagom kep hum nok nibon midut mem jide tuhan Allah. Gima leu su lene suar jisindui sut mpia dima leu binhyepo nindung yem dihyei ei bijo ninno. Lene ma jiwin minu dima hanyen bu au.


Ma jiba sapi kin domba di kinei bikuk je bak jide tuhan Allah au. Lewo Noni kou sut gima bibor.


Nok gima cem ma yo dima ipwoi ninghoi di iba ide nicut tut yamti bipek dima ba, yuug sut ei jide tuhan Allah de ig bibigo mun di yoni ipreu ei mem Noni tug hon neheng au. Lewo jide tuhan Allah ningon mpo tut yo di icut igkei ei mpia di ngkiai nya ikuk yok bak ide kwar nya eisi bitut ninghoi di ibipek mem yonti cem.


Suar keret Lewi nya itri tut ‘Ma tuhan sigion yo di iba tig kin biei kin ngkimom nitu bibon kwar ba, ikuk yok bak niku lewo tuhan ningon mpo tut nikuk yo bak kwarti nya!’ Lene ma limwa nya yahagom ibuhup ‘Igbit ri!’


Bikwop mben di tuhan di nok jide Allah kes ei jindati lene suar ma jihwen yahagom bingwig hak ug. Lene ma jingondut yok au. Ma jikuk je bak ide nung di yoni ikuk yok bak nya au. Leu gi nok lene mijitug ndei hukum nimai drek dip.


Gima rino ma jinggek ide nimbar hum dok nya ba, jiki ide cou tig di ipigig sut nya kukiau bijitam ide kwar mien di bindo tut kwar nisop Asyera nya cem leu api ma jindig ide kwar nindigsi di ikuk yok bak nya kep hum bingwig.


tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)


Dingat sinsun ndok di jei di kei bibor kei gom di mben Babilonia ibon bou inda him ba, mitiei perak di dem kilo can biniken cem mas nindak gom di dem kilo niken binjiriek di jo srig ndigban di nyeni nipos pima. Dingon pri kep ndigban dima yok bibor leu api dimbus ei mem danti bidiku hagom nyahan ei dihyei jou ei ditde prak meng nsi lo, mitiei perak pima jo nijou ngat.”


Ninyeng di jo ei ningwakti ne Babel Di Ninyeng Jei rin noro bon mimun di jo nding. Sop dini ne pung di sundal nya kin yo di ikrar kep yam ei dihyeisi dini yahagom intun him ri.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ