Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NINDAT KEP TUHAN NICUKTI NYA 7:24 - ALLAH NIHYET MEM TUNGWATU NYA

24 Noni mikes ide nibou ndig nya ei jindati. Tirigi jihwen yok bingwig lene ide limwa nya mingon prion ser yok. Bit bon jide siceu nya igya ngkiem ser je kan bi lewo mijihwen yahagom bingwig.

အခန်းကိုကြည့်ပါ။ ကော်ပီ




NINDAT KEP TUHAN NICUKTI NYA 7:24
26 ပူးပေါင်းရင်းမြစ်များ  

Lewo anyeng tak kep yok noyam kin nikei di ningon gom. Ba, ambrap gau da tut ditde munhyet tu.


Lene tuhan pai bak Musa “Ma apas kep tut jide nibindei timek mben Amalekti pima hagom ei srat gomti leu binhyepo mben Israel ikan kep kikau. Lene apai bak Yosua bipia midicok tut mben Amalek yahagom bingwig.”


Tungwatu nya mikan kep yo di ingon kwes kei nya ide nibon munti nya ba, ibbwe ser yok bi. Noro ibbwe ser no di sibut haninyai hak.


Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.


Je di limwa nya e, suar jipai sut biyok bipia kwar ngot di ipai tes mpia-bbed him kin dihyeisi dini kan bi dima yok ne mibindei sar yok ug ri. Yoni misar leu dihyei ninjek dip dini bihigom ri.)


Midikes hukum ei timiei minu ndig Yerusalem kin minu Yehuda titut yam dip. Midicok tut yo di ikuk yok bak Baal niken-ken nya yahagom leu mpia dima yok. Apino tungwatu nya ibbwe ser imam nya di igyai midyai mem Baal nya krebou hak.


E bi! Igyai nisindemti mem gima ibindei cut mun nyeng hagom bihigom tug hon No di ningon ngakei nye!


Noro jikwei ba, ipai sigyo bak Allah lewo Noni yai nisindemti binye leu binhyepo ibindei timek siceu nya yahagom tug hon ide Tuhan Yesus Kristus!


Jide tuhan Allah mibindei ba, timiei nya bidem minu dima hagom mittin tut jeni nindig bibor bit leu nok gi po Noni preu ei mem jeni nipou su pima. Apino bit bon tungwagom mibigen ser je kan bi.


Gima rino tirigi jide tuhan Allah yai minu dima bije bijingwes ngun leu jide siceu di ibong ttai je yahagom inda nsi lene suar jibindei sar mben Amalek dima yahagom imai bingwig leu binhyepo tungwatu nya igyok ngon kep yoni bu bi sren. Ma jibbwe ser dicuk jeti dini au.”


tuhan mikos ser no dima niyai munti di kinei dima bi. Noro noni mitug ndei tuhan nigga biborti di kui mpia ba, mun nyeng di buhun bibor di ipas kep ei srat diniti micut igkep noni kikau bibou tuhan icok tut noni bihigom ug e.


Ma abigen ser dingon kanti gom dini au. Mbigom midicok tut yahagom bingwig ug rin leu binhyepo tungwatu dihyeisi dini mibbwe ser yok bihigom. Lene midibindei ba, nani kin yo di intun nani him jahagom mijinok mben nindig bibor ba, sindem bibor cem bijiya luei yohoti.’


Noro mijingat bou jiyai him bipia tuhan di nok jide Allah miya bibie joho njap di ammani ba, Noni minok hum di cig-cai. Noni mihwen yok bingwig sindam tirigi jikieng kep ide minu. Apino mijijji yok ba, mijihwen yok bingwig haninyai bit leu nok Noni preu ei mem je tu.


Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.


Lene irim tig di ibinggam ser hak mihyeti dima nuhui leu ba, ikri nibou ndig minu ndig Yerusalem kin nibou ndig Hebron kin nibou ndig Yarmut kin nibou ndig Lakhis kin nibou ndig Eglon yahagom kwei ba,


Yosua bindei ba, timiei minu dima yahagom titut yam icut bak noni ba, ninyeng tak kep hagom bitut nibou ndig nya ei nungug him kin minu ndig ei ninda dip di srei nya nite bei mpia nipriti kin minu ndig ei nungug kiou nite bei mpia nicutti kin minu ndig ei iggum ndigsi nite bei mpia nibiho cem hagom. Yosua nya isindui sut tungwagom cem biniyaijo ei bi. Noro igyai nimai bak yahagom. Ba, gima bit leu tuhan Allah Israel nicukti ri.


Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.


Lewo tuhan pai bak Yosua “Ma attin tut yok au. Dikos tut bipia yo dima yahagom micut bak jeni ug ri. Bit bon ade siceu hi ningwes ngun kan bi.”


Minu dima nibresti jo bei mpia nibiho ei Nungug Gundul di dideu minu Edom kikau ug ei nite bei mpia nijjai bipek kin Baal-Gad ei Mbang Briep Libanon ei Nungug Hermon nibiho. Yosua nya ikon pran bijo ninno bit nibou ndig nya ei minu dima. Noro ikat yok ba, igyai nimai bak yahagom.


tuhan nyohou mben Israel bibindei ba, ibong kei igwam kei ei minu dima nisurti-nipekti bit leu nok Noni preu ei mem idigup bat-idigai bat nya tu. Ide siceu nya hi di brim ningkek mem gima hwen yok bi. Lewo tuhan yai nisindemti bak mben Israel leu binhyepo ibindei timek siceu nya yahagom.


Jide tuhan Allah mpu je bikon pran bit jide siceu nya lene jingat notou Noni bibon yok bou jiyai him tu.


Tirigi jinjei siceu bijikon pran lene tuhan mibindei ba, mben di nindig bibor di isindem bibor cem minang leu itimieisi dini ei joho bei. Bit bon jide siceu dima hi ya ngkiem bahau mem gima bindei timek je kan bi.


Lene tuhan pai bak Yosua “Nogindini nicunti dem mem gima dikes minu ndig Yerikho kin nibou ndig kin nide tentara di ibrim ingkek nya yahagom ei andati.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ