Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NINDAT KEP TUHAN NICUKTI NYA 7:21 - ALLAH NIHYET MEM TUNGWATU NYA

21 Gima rino ma jittin tut mben dima yok au. tuhan di nok jide Allah ningat rin bit je. Noni ne Allah di sindem bibor di bindei ba, tungwatu nya idigit tut Noni ri.

အခန်းကိုကြည့်ပါ။ ကော်ပီ




NINDAT KEP TUHAN NICUKTI NYA 7:21
35 ပူးပေါင်းရင်းမြစ်များ  

Nisindemti di ningat rin bit noni ne tungwatu nya he. Noro nisindemti di ningat rin bit nyeni ne tuhan Allah rin ba, Noni mimpu nyeni bikon pran bit nibou ndig mben Asyur kin nide tentara nya gau nye.” Tirigi limwa nya imiap ide nibou ndig nihyet dima lene itug ndei mimbri di kui ingkek noyam.


bidipai “tuhan Allah di anyeng jei ei gwamti e, anyeng di jei bibor bindei ba, nittin tut Na tirigi nikuk nye ei Aho bei. Angon gom cem ayai hagom bit leu nok apreu ei mem yo di ingon ngakei Nani bibit ahyet cem.


Tirigi dingat lo, limwa nya ingon bos-bos nyen lene dipai biyok kin ide nibou nya “Ma jittin tut ide siceu nya au. Jiyok ngon kep bipia Tuhan sindem bibor lene ma jibrim jingkek bijinyohou jisut bat timiei minu dini kin jimunggwom bat nya kin jitnem bat nya yahagom bitut ig jide nya cem hagom.”


Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!


Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.


Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”


Minyei pmot hi biam bibindei ba, tungwatu nya di ikuk yok bak Allah ei Nide minu ndig ingon llei bibor. Minu ndig dima ne mpia di Allah Di Ninyeng Jei Bibor bong ser ri.


No rinaha ei minu ndig dima apino bit bon nide siceu nya ibindei sar bi sren ug a. Noni mikiju bimpu nide limwa nya bikwop njap tekti.


Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.


Jahagom e, ma jiba jingon di llei bibor bittem jinda. Ma jiba nimbos-hi-mbos binggei sut Allah tug hon doia nya!


Ma jitri tut Allah de nisindemti di nindig bibor di bitak kep Israel. Nide nisindemti kui sur mpia-bbed him.


Ninnei di ikwes-kwau nya di igya bikrop ttai Na ikon anyeng ba, inghuisi mpig sut Na.


Lewo tuhan ne Allah di ninyeng jei bibor ri. Noni sindem bibor bininyeng tak kep kwar nya yahagom.


Midikwei bong bit mben Israel leu binhyepo ikuk yok biDa leu api midinok ide Allah.


Lene dingat nadi bak tuhan di nok ditde Allah bidipai jit sisar di dide bat mben Israel nya ibon tut Noni bidipai “tuhan e, anyeng jei bibor ba, nikuk nye ei Aho bei. Angon gom tut mun di apreu ei mem nye nipou su ba, angondut yo di ingon ngakei Nani bibit Ade nicuk yokti nya.


lene yoni mitri tut bak timiei minu Kanaan nya bu. Yo dima ikan tut bipia Na di tuhan angat rin ei nyeni nikieti ba, ando Nanti binye tug hon Ade bumbuhui ttou di bie tut nye mem njap ba, tug hon Ade cou hum di bie tut nye mem mmun cem tu.


Ma jimbut ug ei minu dima au. Lewo tuhan ningat rin bit je bi. Mbigom jide siceu nya mibindei timek je ug ri.


Noro ma jaham jimbuk kep tuhan ba, jingon digit tut timiei minu dima au. Krop kei mem gima nyeni ihwen yok bingwig lewo tuhan ningat rin ei nyeni ikieti ba, Noni co kep yo dima ide kwar di ikuk yok bak bingwig leu su. Gima rino ma jingon digit tut yok au.”


Lene yahagom yuug ngat Musa kin Harun bipai biyok “Musa e, cobi! Ayai hon tiri! tuhan ninyeng tak kep limwa mben Israel yahagom pijum ba, Noni ningat rin ei nyeni yahagom ikieti. Noro nggon rino ayai anyeng jei dor njiriek tuhan de limwa nindigsi nya i?”


Lene tuhan pai bak Musa “Ma attin tut noni au. Midimpu nani lene midibindei ba, abindei timek noni kin nide tentara nya kin nide limwa nya ei minu dima hagom cem. Ma abibon noni noyam kin gi po abibon Nibou Ndig Sihon di ninyeng tak kep minu ndig Hesybon pima.”


Dingat bou diyai him bipia Yakub mitug ndei mun di mbuk ei nidipti bu bi ba, mun di buhun mibuhun tak mben Israel bi. tuhan di nok ide Allah ningat rin bit yok. Yahagom isimbot dat bipia tuhan ne Nibou Ndig mem yo ri!


Mpe hi ne bumbuhui ttou jo nijoti nai tuhan De Prak Meng mem njap poi he. Mbro nok gima lo, yoni ibong ser ide prak meng behei ba, imbut tut ide prak meng nya cem bit leu tuhan nicuk yokti.


Leu api no dima mipai jit nide sisar di jo nding ei ningon bei brei bak yo di mbusyamei nya lene bikuk no bak Allah bipai “Jit-jit Allah ningat rin srig jikieti.”


tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.


“Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.


Lene ma nibou pima yok ihig nisen pima kwei bipingok ningonti. Gino kou sut gi wak kibom dima lene,


Gino igyai hagom nok lene dingon misibui sut yok ba, midikes yok ei apino yoni micut bak ide siceu nya bingwig. Mun di buhun mang bibor micut igkep yok apino mijo nibreisi mem yok bipia itug ndei mun di buhun dima hagom drek dip gi Da di tuhan di dinok ide Allah dingat rin ei ikieti bu bi.


Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,


Lene tuhan pai bak Yosua “Anduk ade tentara nya yahagom kwei lene anjei sut yok ug ei minu ndig Ai. Ma jingon mbut-mbut nyen ba, jidigit tut yok au! Midibindei ba, jibindei timek nibou ndig minu ndig Ai kin nide limwa nya ug ri. Leu api ma ayai nide minu ndig kin nide minu mien nya ba, ayati.


Tou rimiteu nye ba, ingwes ngun leu yo dima ide kwar di ikuk yok bak di isindem bibor dima i? Ide kwar di ikuk yok bak dima yok ikon pran bit tentara Mesir ei iggum ndigsi pima bibindei ba, itimek tu!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ