NINDAT KEP TUHAN NICUKTI NYA 7:10 - ALLAH NIHYET MEM TUNGWATU NYA

¹⁰ Noro Noni miba nihig ningon tut bisi bikes hukum ei yo di ingon mpo tut Noni dip.

NINDAT KEP TUHAN NICUKTI NYA 7:10 ပူးပေါင်းရင်းမြစ်များ

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 34:7

Dingondut tungwatu nya kikau ug bipek ide nintun him yamti di bram yam nya ibou sribu-ribu. Dikos ser ide sisar kin ide mun di igyai tunggwei nya. Noro bit bon yo di ingon mui nya mingwes ngun leu hukum kan bi. Lewo midikes hukum ei imunggwom bat nya kin ignyon bat-idrot bat nya dip kikau ug bipek ide nintun him yamti di bram yam nya nimpung gi niningai kin nibitai drek dip ide pung di intun him nya ide sisar.”

NIPINGOK NINGONTI 11:31

Yo di ingon kwes kei mitug ndei ibuhup biyokti hanyen ei dihyeisi dini. Gima rino ma akan kep bipia no di sibut kin no di bon sisar mitug ndei hukum.

YESAYA 59:18

Noni mibirop bak Nide siceu nya bit leu ide nibon munti di ibon kep nya. Mben ngkiai di ibong bidem mios di ting nya cem yahagom mingwes ngun leu Nide hukum di kes ei yok dip bi.

YEREMIA 32:18

Ando tut Ade ningon ngakeisi di jo kikau bak tungwatu nya ibou sribu-ribu noro akes hukum ei tungwatu nya dip drek dip ndigpoi di ide nya ide sisar. Nani ne Allah di nindig bibor ba, mimbri kui Na. Anyeng rino tuhan Di Sindem Bibor.

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

MBEN ISRAEL IMBUT-MBUT NYEN 10:35

Bikwop mpe dino Brua Gi Preu sindi bie tut yok lene Musa ngat nadi bipai “tuhan e, ma akiju ba, ahwen Ade siceu nya ba, ajji yo di ingon mpo tut Na binang ningwig ug.”

MBEN ISRAEL IMBUT-MBUT NYEN 14:18

‘Dani ne tuhan rin ba, dingon sibui sut tungwatu nya haninyai kan bi. Noro Ditde ningon ngakeisi nindig bibor bikum eisi bu ba, dingon gom cem. Lewo dikos ser tungwatu nya ide sisar kin ide naham nimbuk kep Dati. Mbro nok gima lo, midikes hukum ei imunggwom bat nya kin ignyon bat-idrot bat nya dip kikau ug bipek yo di intun yok him gi niningai kin gi nibitai drek dip ide pung di intun him nya ide sisar.’

ROMA 12:19

Disut bat jen, ma jingon nggrom kep yam au. Noro ma jibet jingon mem Allah di kes hukum ei tungwatu nya dip drek dip ide sisar nya. Lewo Allah Nihyet pai “Tuhan pai bipia Noni birop biyok tug hon hukum di kes ei yok dip.”

NINDAT KEP TUHAN NICUKTI NYA 32:25

Ide siceu nya mihwen yok bingwig kak simpak ba, mun di buhun bibor micut igkep yok ei ide ig ba, ide pinjoi pilei nya kin sop pilei nya imai bingwig lene munggwom ngwoi nya kin andig-ndau nya cem misar bingwig.

NINDAT KEP TUHAN NICUKTI NYA 32:35

Noni mibirop hanyen biyok tug hon hukum di Noni mikes ei yok dip. Jei bi lene yoni misar bingwig. Ide njap ningwig honti dideu kwei su.

NINDAT KEP TUHAN NICUKTI NYA 32:41

midisien Ditde simeda di ninjeng srei leu binhyepo dikos tutti nya hagom sren-srau. Midibirop hanyen bak Ditde siceu nya leu api midikes hukum ei yo di ingon mpo tut Da dip.

NINDAT KEP TUHAN NICUKTI NYA 5:9

Harin dima jikuk je bak kwar di nok gima bijinggei sut a. Lewo Dani ne jide tuhan Allah rin ba, dem tut gima jiba Da bingon mun nyeng hi cem bi. Lewo midikes hukum ei yo di ikinei sut Dani dip kin ide nintun him yamti di bram yam nya dip bitut ignyon bat-idrot bat nya kin yo di intun yok him bram yam cem dip.

NINDAT KEP TUHAN NICUKTI NYA 7:11

Lene ma jibit tuhan di nok jide Allah nicuk jeti nya di ditri tut bije njap di ammani hagom.”

NINDAT KEP TUHAN NICUKTI NYA 7:9

Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.