Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NINDAT KEP TUHAN NICUKTI NYA 7:1 - ALLAH NIHYET MEM TUNGWATU NYA

1 “tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

အခန်းကိုကြည့်ပါ။ ကော်ပီ




NINDAT KEP TUHAN NICUKTI NYA 7:1
35 ပူးပေါင်းရင်းမြစ်များ  

Noni bon sisar noyam kin Nibou Ndig Yerobeam nide sisar he bi noro kum eisi bu tirigi noni wak Izebel di Nibou Ndig Etbaal leu Sidon nipmisop ba, kuk no bak kwar Baal cem.


Kanaan ne pung di mben Yebusi kin mben Amori kin mben Girgasi, kin mben Hewi kin mben Arki kin mben Sini, kin mben Arwadi kin mben Semari kin mben Hamati nya intun him ri.


Salomo ba mben Kanaan ide nintun him yamti di bram yam nya di mben Israel igiyai nimai biyok ei mpe di po icoi di igyai minu dima di igyati ei nimbie him pima bi nya bigyai midyai nibidip hukti nya. Yo dima rino mben Het kin Amori kin Feris kin Hewi kin Yebus. Lene yo di intun yok him nya inok awak kikau kwei bipek njap di ammani kep.


Tirigi ibon mun nyeng dima yok hagom biput tu lene nibou mben Israel ibou poi ikwei pai bida bipia limwa Israel nya bitut imam nya kin Lewi nya igimbres yonti leu mben ngkiai di ibong ttai yok nya bi. Ngkiai dima yok ne mben Amon kin Moab kin Mesir kin Kanaan kin Het kin Feris kin Yebus kin Amori ri. Ningat ne imam kin Lewi nya igyai bram mun di kinei-kinau di ngkiai dima yok ibon kep nya.


Ei nijam dima cem dingat lo, limwa Yahudi imang bibor di iwak sop ngkiai di mben Asdod kin Amon kin Moab nya.


Noni jji timiei nya di ibong ser minu dima leu itimieisi sindam ei Nide limwa nya yoho bei. Leu api kwas minu dima tut keret mben Israel nya apino ibong ser prak meng di siceu ide di imai leu nya.


Acok tut Ade siceu nya yahagom tug hon Ade nikei-kau-keisi tu. Angon di sibui sut yok dem kep nok hum di sror ba, yem yahagom dem kep nok hum yem gandum nintam.


Midibindei ba, jide siceu nya yahagom ingon ttin bibor. Lewo midijji mben Hewi kin mben Kanaan kin mben Het yahagom leu joho bei.


Ma jitto mun bak timiei minu dima kin ide nung di ikuk yok bak nya cem au.


Lene jice tut yo dima ipek hanjop nsi hi ei jide minu dima au. Gino ipek hanjop nittou nsi gom lene gima mibindei ba, mijikuk je bak ide nung nya ba, jibibon sisar tut Da. Leu gino jikuk je bak ide nung nya lene mijibiam bon nimai.”


Midipinak malaikati gom bibie tut je leu api midijji mben Kanaan kin mben Amori kin mben Het kin mben Feris kin mben Hewi kin mben Yebus yahagom bingwig leu minu dima.


Lene Musa ndat kep tuhan nihyet dini hagom bak mben Israel noro imiap ba, ibit nihyet bi. Lewo mben Mesir ide niba nisibut bico kep yokti pima bindei ba, ingon cut leu su.


tut ig di nisgwa nut yem. Nicukti dini yok mimbut mem nijam di mben Israel icoi ug ei minu Kanaan di tuhan yai biyok nok ide.


Mben Amalek ibong ser hanjop nsi gi bei mpia nibiho. Mben Het kin mben Yebus kin mben Amori yahagom idis yam bibong ser nungug him. Lene mben Kanaan ibong ser hanjop mukti kin Minyei Yordan nyai cem.”


Gi nipou lene jinso-nso nyen tut jimunggwom bat nya bipia timiei minu Kanaan mipos yok. Noro midibuwak jimunggwom bat dima yok ug ei minu di jikou sut pima leu binhyepo ibong eisi nok itimieisi ri.


Noni njei bitot mben ngkiai nya nitindur muhwindacan bitimek bingwig ei Kanaan leu api kwas minu dima hagom tut mben Israel leu binhyepo igyai minu dima titut yam binok ide minu ninda rom.


Tirigi jide tuhan Allah buwak je bijicoi ug ei minu di mijibong niti dima tu lene ma jibon midut nitri tut tuhan de mun di kei pimati biyam ei mbigdip Nungug Gerizim lene ma jibon midut nitri tut Nide nisigion pimati biyam ei mbigdip Nungug Ebal. (


“Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.


Noro tirigi jibindei timek minu ndig ei minu di jide tuhan Allah miyai bije lene suar jiyai nimai bak timiei di ibong ei minu ndig dima yahagom bingwig hak ug.


Midibie tut yok ba, micoi ug ei minu di bon ninnumti di kei bibor dima bit leu nok dipreu ei mem idigup bat idigai bat nyati. Yoni migyem kep njita ninyeng hagom nok gi dem mem yok apino mibong kei migwam kei ei sirima. Noro jei bi lene yoni mingkwei hanyen leu Da ba, mikuk yok bak nung nya. Yoni mirok Da ei itta leu api mikrau kep mun po dipreu ei mem yok pima cem bi.


Nonti mibie tut je leu api mihwen ngkiai nya di ibong ser minu dima bingwig leu binhyepo jikieng kep minu dima nisurti-nipekti. Lene Yosua minok nibou di bie tut je bit leu nok gi po tuhan pai binye pima.


Noni jji mben di nindig bibor ba, isindem bibor cem bingwig leu joho bei tirigi jikieng kep dihyeisi dini. Noni buwak je bijicoi ug ei ide minu bijinyeng tak kep nok jide minu kikau kwei bipek ammani kep.


“tuhan di nok jide Allah cuk da bipia suar dingginau je tut Nide nicukti nya. Lene hagom ndia ri. Ma jibit nihyet hagom tirigi jibong kei jigwam kei ei minu di jitin ei mem jiya bidem eisi.


“tuhan di nok jide Allah miyai dihyei hanjop nsi bitut minu nindig bibor di jiwin bi nya di mpung tut ndigban bije bit leu nok Noni preu ei mem jidigup bat-jidigai bat di Abraham kin Ishak kin Yakub nipou su.


Lene mijiyai nisindemti mem gima jihwen jide siceu nya bingwig bit leu nok tuhan preu ei mem je tu.


Noni kwek nye leu minu Mesir bibuwak nye kwei biyai minu dini hagom binye bit leu nok Noni preu sut ei mem idigup bat-idigai bat nya nipou su.


“Je di mben Israel e, njap di ammani mijisigon Minyei Yordan leu binhyepo jicoi ug ei minu di ngkiai nya ide ug ri. Ide mben nindig bibor ba, isindem bibor cem. Ide minu di iwin nya nindig krop lene ngug tig di jei bibor sur mpia-bbed him bikrop ttai hagom.


Noro mijingat bou jiyai him bipia tuhan di nok jide Allah miya bibie joho njap di ammani ba, Noni minok hum di cig-cai. Noni mihwen yok bingwig sindam tirigi jikieng kep ide minu. Apino mijijji yok ba, mijihwen yok bingwig haninyai bit leu nok Noni preu ei mem je tu.


Niabiati tuhan di nok jide Allah hwen mben dima bingwig leu je lene ma jikan bipia tuhan buwak nye kwei ba, nikieng kep minu dini drek dip nyende nikwes-kwausi e? Nok bi! Noni mihwen yok bingwig leu je drek dip ide nisibut biborti.


Lene noni sok nihyet bak nibou ndig mben Kanaan di ibong ei Minyei Yordan nite bei mpia nicutti kin nite bei mpia nipriti cem bak nibou ndig mben Amori kin mben Het kin mben Feris kin mben Yebus ei nungug him kin nibou ndig mben Hewi ei Mizpa di jo ei Nungug Hermon nikiou.


Ei niabiati bu lene jisigon Minyei Yordan ba, jimbut ug ei minu ndig Yerikho. Lene tentara Yerikho kin mben Amori kin mben Feris kin mben Kanaan kin mben Het kin mben Girgasi kin mben Hewi kin mben Yebus yahagom ihwen je noro dibindei ba, yoni cem icut bak jeni leu api jihwen yok bingwig.


Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ