NINDAT KEP TUHAN NICUKTI NYA 6:7 - ALLAH NIHYET MEM TUNGWATU NYA

⁷ Ma jingginau jimunggwom bat nya tut hagom. Ma jisimbot kep biyam tut hagom ei jide ig kin puig sinon cem tirigi jibong kep jinghuisi bijiyai kep jide midyai nya cem.

NINDAT KEP TUHAN NICUKTI NYA 6:7 ပူးပေါင်းရင်းမြစ်များ

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

AYUB 8:10

Noro ma amiap kep ndigpoi di ingon ki nya ighyet di ipai kep nipou nya. Ide ningginausi pai bina,

MAZMUR 119:13

Diba dihyet nindig bimbrap tut nicukti nya di ayai binye tu.

MAZMUR 119:46

Miditri tut Ade nicukti nya bak nibou ndig nya leu api midiyai nimmai drek dip bi.

MAZMUR 129:8

Yo di injiriek mpia dima mipigo je “Ma tuhan njei mun di kei bije, nyeni ningat nadi tindei mun di kei bak jeni cem” e? Yoni mipigo jeni nok gima bi.

MAZMUR 37:30

No di singat kei hap niji ne ba ningon ki bimbrap ba, nihyet tibim kin ningon kanti di sren-srau.

MAZMUR 71:17

Angginau da habiei dipilei kwei tu. Ba, dipui sut Ade nibon munti nya di bibon ninggap leusi kwei bipek ammani kep.

NIPINGOK NINGONTI 10:21

No di ningon kwes kei nihyet noyam kin ningat di kei di njei bak yo di imang bibor. No di ningon mbum nide ningon mbumti biyai nimai bak nonti njem.

NIPINGOK NINGONTI 15:2

No di ningon ki nihyet bindei ba, yo di hiter ijoi sut nintin kimboti noro yo di ingon mbum nya ighyet nok bu tan.

NIPINGOK NINGONTI 15:7

Yo di ingon ki nya imbrap bibit leu ide nintin kimboti noro yo di ingkek ndok nya igimbrap nok gima kan bi.

NIPINGOK NINGONTI 6:22

Ide ningginausi nya mibie tut na kak ambutti nya binyohou na tirigi abong mai bindo puig di kei bina mpe dino ayai ngkiem.

YESAYA 38:19

Yo di igyaijo nya he rino ikon anyeng bit leu nok gi dikon anyeng mem njap di ammani. tuhan e, ndigpoi nya ipui sut Ade ningon gom biborti bak imunggwom bat nya.

MALEAKHI 3:16

Lene yo di ittin tut tuhan isimbot kep biyam. Noni ngig nitingou mem yok biyok ngon kep ighyet lene pas kep yo di ikon ninyeng ba, ittin tut Noni yahagom inyeng ei srat gomti di jo Noho bei.

MATIUS 12:35

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei.

LUKAS 6:45

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei. Mun di tibim ei tungwatu nya yuhui him hagom kwei leu mun di ingon mpung tut.”

EFESUS 4:29

Gino jimbrap bit yam lene ma jiba jihyet di kinei bimbrap bit yam au. Noro ma jiba jingon di nggriu sut yam bimbrap bit yam leu binhyepo jibiwin kep yam ngonti bijibimpu yam. Tug hon nisinati dima ne jihyet misindem tut yo di imiap kep nya.

EFESUS 6:4

Munggwom cig jen e, ma jiba je yai yok bijibiyai ingon ten bingon sibui sut je drek dip au. Noro ma jiba Tuhan ningginausi nya bipingok yok ba, jinyohou yok bibou imahan ug e.

NINDAT KEP TUHAN NICUKTI NYA 11:19

Ma jiba nicukti dima bingginau jimunggwom bat nya. Jisimbot kep tut nicukti dima ei ig bei cem kak puig sinon cem tirigi jibong kep jinghuisi cem tirigi jiyai kep jide midyai cem.

NINDAT KEP TUHAN NICUKTI NYA 6:2

Ma jeni kin jide nintun him yamti di bram yam nya jahagom jikon tuhan di nok jide Allah ninyeng kikau ug bipek jiyaijo ningwig honti. Ma jibit Nide nicukti di ditri tut bije tu leu binhyepo jide njap jei bibor ei minu dima.

KOLOSE 4:6

Ma jiba nihyet di nggriu-nggrop di brim yo di imiap jihyet ingonti bitri nihyet. Ma jitindei ser yo di ihig-hig nyen ser je tut ingon kiowiti leu binhyepo jibuhup igbit biyok.

PETRUS GI NIGOM 3:15

Noro ma jikuk je bak Kristus bijikon Noni nok Tuhan ei jingonti. Ma jitin ei mem nituti dino hi mihig ser je tut jide niba ningon comti leu binhyepo jibuhup igbit.

SRAT RUT 2:12

Handei kon ba, tuhan di nye di mben Israel nikuk nye bak miba mun di kei bibor bibirop hanyen bina tut ayai munti nya hagom lewo akwei gwam coi Noni tu!”

SRAT RUT 2:4

Jei bi lene Boas nonti kwei leu Betlehem ba, ngig niyai kep nide awak nya bipigo yok bipai “Handei kon ba, tuhan sindem tut je.” Lene yo dima ipigo noni bipai “Handei kon ba, tuhan njei mun di kei bak na di Andigpoi.”

SRAT RUT 4:11

Lene yo dima yahagom isimbot dat bipai “Igbit ri. Ningat hagom bou niyai him tu. Handei kon ba, tuhan bindei ba, atnem noyam kin Rakhel kin Lea po igyai imunggwom bat nya imang bibor bak Yakub mimbrek ngan tu pima. Nnaba ma anyeng bibor ei ade bat di itig mbier tut Efrata ikieti ba, anyeng jei bibor ei Betlehem.