Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.
Mpe dima lene Nibou Ndig Daud kon tuhan ninyeng ei yo di imang bibor dima yoho bei bipai “tuhan Allah di nyeni nidigai Yakub kuk no bak e, dinggei sut anyeng bijo ninno bijo kikau.
Ipwoi srat di tuhan Niggai Serti Nya jo niti dima ba, ibiya bidem minu ndig hagom ei minu Yehuda bingginau limwa nya di ingat rin ei minu ndig dima tut tuhan nicukti nya.
Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.
Allah yai nikos tutti nya bak mben Israel biyai nicukti nya bak yo di intun Yakub him. Allah bidip huk idigup bat-idigai bat nya leu binhyepo ingginau imunggwom bat nya tut,
Dangkom he rino jide tuhan. Midikwas Ditde nikei-kau-keisi ndrim hi tut kwar di tungwatu nya ikuk yok bak bi sren. Midisindui sut ba, tungwatu nya inggei sut Dangkom he. Ma inggei sut kwar nya au.
Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”
tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.
No dima buhup “Ma aba angonti titut yam kin annei titut yam kin ade nisindemti titut yam kin angon kanti titut yam bingon ngakei ade Tuhan Allah. Lene ma angon ngakei yo di hiter bit leu nok angon ngakei nanti.”
Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.
Lewo Allah ne Allah gom ngat. Noni bon nituti mem mben Yahudi igyai ingon kwes kin Noni hanyen drek dip ide niba ningon com Noti. Ba, Noni bon nituti mem ngkiai nya cem ingon kwes kin Noni hanyen drek dip ide niba ningon com Noti.
Gima rino njap di ammani ma jiyok ngon kep lene ma jingon prion ser tuhan di nok Allah di ninyeng tak kep mpia-bbed him kin dihyeisi dini cem au. Lewo Allah hiter hi ningat rin bi.