NINDAT KEP TUHAN NICUKTI NYA 6:3 - ALLAH NIHYET MEM TUNGWATU NYA

³ Je di mben Israel e, ma jintu kep nicukti dima yok lene ma jibit hagom! Gi nok lene mijibong kei mijigwam kei apino jide mben nya midigek kep mpia tirigi jikieng kep minu di nnum bibor dima bit leu nok tuhan di nok jidigup bat-jidigai bat nya ide Allah preu ei su.

NINDAT KEP TUHAN NICUKTI NYA 6:3 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 28:14

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

MAZMUR 119:4

tuhan e, ayai Ade nicukti binyeni leu binhyepo niba ningon di gom bibit nicukti dima.

NEHEI LEUSI 1:7

Noro yo di intun yoni him inyeng rino mben Israel ba, idigek kep mpia bibon imunggwom bat nya imang ndig ba, ide nintun him yamti di bram yam nya ikieng kep minu Mesir nisurti-nipekti hagom.

NEHEI LEUSI 3:17

Dikos tut bipia midibuwak yok leu minu Mesir lewo mben Mesir iba isibut bico kep yok. Leu api midibie tut yok ug ei minu jep di bon ninnumti di kei bibor lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NIBA NINGON SRIP HUKTI 8:12

Mbro nok gino no di sibut bon sisar nimangti sratus gom ba, nide njap cem jei lo, dikan tut bipia no di bit Allah nihyet bikuk no biNoni mimbrek-mimbrek mporo bong kei gwam kei.

YESAYA 3:10

tuhan pai “Apai bak yo di ibit dihyet bipia yoni mingon nggei-hi-nggei ba, ibong kei igwam kei lene yahanggwap mbilen mikuisi bi lewo migyem kep ningat di ntun him.

YEREMIA 42:6

Nahara bak na di andigpoi ba, angat nadi bak ide tuhan Allah mem nye. Lewo nijoi sut nibit nihyet leu binhyepo niwer tungwatu. Ba, mbro nok gino Nide nicuk nyeti dima buhun e, buhun bi e, minibit.”

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

KISAH 7:17

Son dideu nicunti mem Allah yai mun bit leu nok Noni preu ei mem Abraham habiei su pima lene mben Israel imangti kum eisi binindig bibor ei minu Mesir.

NINDAT KEP TUHAN NICUKTI NYA 11:9

Lene mijibong ei minu di bon dihyei suti di nnum kei cem di tuhan preu ei mem jidigup bat-jidigai bat nya kin yo di intun yoni him di bram yamti nya bijo ninno.

NINDAT KEP TUHAN NICUKTI NYA 26:15

Gima rino angig ayai kep nye leu Ade gumihyep di kwes-kwau ei gwamti ba, anjei mun di kei bak Ade limwa di mben Israel cem anjei mun di kei bak minu dibon ninnumti di kei bibor di ando binye dini bit leu nok gi po apreu ei mem nyeni nidigup bat-nidigai bat nya nipou su pima.’ ”

NINDAT KEP TUHAN NICUKTI NYA 26:9

Lene abuwak nye kwei ei sirini ba, ayai dihyei di bon ninnumti di kei bibor kei binye tu.

NINDAT KEP TUHAN NICUKTI NYA 27:3

Ma jipas kep bikwop niggai serti nya gom-gom di ditri tut bije hagom ei tig dima dip. Tirigi jicoi ug ei minu di bon dihyei suti ba, nnum kei cem di jidigup bat-jidigai bat ide tuhan Allah preu sut ei mem je ba,

NINDAT KEP TUHAN NICUKTI NYA 31:20

Midibie tut yok ba, micoi ug ei minu di bon ninnumti di kei bibor dima bit leu nok dipreu ei mem idigup bat idigai bat nyati. Yoni migyem kep njita ninyeng hagom nok gi dem mem yok apino mibong kei migwam kei ei sirima. Noro jei bi lene yoni mingkwei hanyen leu Da ba, mikuk yok bak nung nya. Yoni mirok Da ei itta leu api mikrau kep mun po dipreu ei mem yok pima cem bi.

NINDAT KEP TUHAN NICUKTI NYA 4:40

Ma jibit Allah nicuk jeti nya di ditri tut bije njap di ammani apino jeni kin jide nintun him yamti di bram yam nya mijibong kei mijigwam kei ei minu di tuhan di nok jide Allah miyai bije nogindini ba, bijo ninno bijo kikau cem.”

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

NINDAT KEP TUHAN NICUKTI NYA 8:8

Minu dima bon miai gandum barli kin ba anggur ningat kin biei ara ningat kin biei delima ningat kin biei zaitun ningat kin ahwei lon ningei.