NINDAT KEP TUHAN NICUKTI NYA 6:2 - ALLAH NIHYET MEM TUNGWATU NYA

² Ma jeni kin jide nintun him yamti di bram yam nya jahagom jikon tuhan di nok jide Allah ninyeng kikau ug bipek jiyaijo ningwig honti. Ma jibit Nide nicukti di ditri tut bije tu leu binhyepo jide njap jei bibor ei minu dima.

NINDAT KEP TUHAN NICUKTI NYA 6:2 ပူးပေါင်းရင်းမြစ်များ

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

NITRITI 22:12

Lene tuhan nihyet tibim ei malaikati dima nuhui him bipai “Ma akes anda leu apmot lene angget noni au. Nogindini dikan tut bipia akuk na biDa ba, apwoi dingona. Lewo angon tak kep apmot gom ngat dima leu Da bi.”

NIBOU NDIG NYA GI NIGOM 8:40

Leu binhyepo Ade limwa nya ibit ahyet tirigi ibong kei igwam kei ei minu di ayai bak idigup bat-idigai bat nya dini kikau.

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

MAZMUR 128:1

Doia nikui ug ei Mbigdip Sion. No di ningon gom tut Allah bidimig niyaijoti bibit Allah nicukti ningon nggei-hi-nggei.

MAZMUR 91:16

Disindui sut ba, igyaijo jei bibor biditeu yok leu ide sisar cem.

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

NEHEI LEUSI 20:20

Lene Musa buhup “Dwai! Mijittin tut au! Allah juk kwei bingon je bipingok jingonti leu binhyepo jibit nihyet kikau lene mijibon sisar tut Noni bi.”

NIPINGOK NINGONTI 16:6

Allah mikos ser ade sisar gino angon gom tut Noni. Noni micuon igyaisi leu binhyepo mun di kinei bibor cut igkep yok bi.

NIPINGOK NINGONTI 3:16

Ningon kiti bindei ba, nijam di ayaijo wer jei bibor lene anyeng tut ndigban nindig bibor ba, ayai anyeng jei bibor cem.

NIPINGOK NINGONTI 9:11

Ningon kiti mibindei ba, ade njap jei bibor.

NIBA NINGON SRIP HUKTI 12:13

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

YEHEZKIEL 20:19

Jide tuhan Allah riDani. Ma jibit Ditde niggai serti nya kin dicukti nya.

LUKAS 12:5

Suar jittin tut tou i? Dindo Noni bije. Ma jittin tut Allah lewo niabiati Noni kimukep tungwatu nya leu lene Noni sindem mem gima com yonti njem titut yam ug ei hum njengti. Ma jiyok ngon kep bipia suar jittin tut Noni.

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 11:9

Lene mijibong ei minu di bon dihyei suti di nnum kei cem di tuhan preu ei mem jidigup bat-jidigai bat nya kin yo di intun yoni him di bram yamti nya bijo ninno.

NINDAT KEP TUHAN NICUKTI NYA 13:4

Ma jitti kin tuhan di nok jide Allah bijiba jibou coi mem Noni ba, jibit nihyet cem jiyok ngon kep nicuk jeti nya cem jikuk je bak Noni cem jingon gom tut Noni cem.

NINDAT KEP TUHAN NICUKTI NYA 15:5

gino jipwoi tuhan ningon ba, jiba jingon di gom bibit mun nyeng hagom di ditri tut bije njap di ammani gom-gom sindam.

NINDAT KEP TUHAN NICUKTI NYA 22:7

Ma jikam ha mien nya noro ma jisindui sut nipmem bidimba ug. Leu binhyepo jibong kei jigwam kei ba, jide njap jei.

NINDAT KEP TUHAN NICUKTI NYA 30:19

Nogindini dibon nituti mem gima jima niyaijo e, he jima nimai e? Nituti mem gima jima gi kei e, he jima nisigion jeti e? Njap di ammani dihig mpia-bbed him kin dihyeisi dini ikwei bingat jide nikos tutti bou igyai him. Gima rino ma jikos tut bipia jima niyaijo.

NINDAT KEP TUHAN NICUKTI NYA 30:20

Ma jingon ngakei tuhan di nok jide Allah ba, jibit nihyet ba, jingon gom tut Noni cem apino jeni kin jide nintun him yamti di bram yam nya mijibong kei mijigwam kei mem nijam di jei bibor ei minu di Noni preu ei mem jidigup bat-jidigai bat di Abraham kin Ishak kin Yakub nya tu.”

NINDAT KEP TUHAN NICUKTI NYA 4:10

Tut njap po jiya ei tuhan di nok jide Allah Noho bei ei Nungug Sinai pima. Mpe dima ne Noni cuk da bipai ‘Ma anduk ade limwa nya yahagom kwei leu binhyepo ingig itingou mem dihyet. Leu binhyepo ipwoi dingon bibit dihyet hagom kikau ug bipek igyaijo ningwig honti. Lene ma inyohou pingok imunggwom bat nya ingonti leu binhyepo yoni cem ibit dihyet.’

NINDAT KEP TUHAN NICUKTI NYA 4:40

Ma jibit Allah nicuk jeti nya di ditri tut bije njap di ammani apino jeni kin jide nintun him yamti di bram yam nya mijibong kei mijigwam kei ei minu di tuhan di nok jide Allah miyai bije nogindini ba, bijo ninno bijo kikau cem.”

NINDAT KEP TUHAN NICUKTI NYA 4:9

Ma jiyok ngon kep mun di jingat bou jiyai him kikau ug bipek jiyaijo ningwig honti lene ma jingon prion ser au. Ma jitri tut mun dima yok hagom bak jimunggwom bat nya kin jignyon bat-jidrot bat nya.

NINDAT KEP TUHAN NICUKTI NYA 5:16

Ma jikon jicig bat-jipmem bat nya inyeng ba, jinyohou yok. Gini ne jide tuhan Allah nicuk jeti rin leu binhyepo jibong kei jigwam kei ba, jide njap jei ei minu di midikwas tut je.

NINDAT KEP TUHAN NICUKTI NYA 5:33

Ma jiyai bram jide tuhan Allah nicuk jeti nya hagom leu binhyepo jibong kei jigwam kei ei minu di mijikieng kep dima.”

NINDAT KEP TUHAN NICUKTI NYA 6:1

“tuhan di nok jide Allah cuk da bipia suar dingginau je tut Nide nicukti nya. Lene hagom ndia ri. Ma jibit nihyet hagom tirigi jibong kei jigwam kei ei minu di jitin ei mem jiya bidem eisi.

NINDAT KEP TUHAN NICUKTI NYA 6:24

Lene tuhan di nok nyeni ide Allah cuk nye bipia ma ibit nicukti dini yok hagom ba, ikon Nonti ninyeng. Gino igyai hagom igbit lene Noni minyohou nye di mben Israel bibindei ba, ibong kei igwam kei.

NINDAT KEP TUHAN NICUKTI NYA 6:7

Ma jingginau jimunggwom bat nya tut hagom. Ma jisimbot kep biyam tut hagom ei jide ig kin puig sinon cem tirigi jibong kep jinghuisi bijiyai kep jide midyai nya cem.

YOSUA 4:24

Leu binhyepo tungwatu dihyeisi dini hagom mikan tut bipia tuhan sindem bibor. Tug hon nisinati dima lene mijibinggei sut Noni ninyeng bijo ninno bijo kikau.”

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.