NINDAT KEP TUHAN NICUKTI NYA 6:13 - ALLAH NIHYET MEM TUNGWATU NYA

¹³ Ma jikon tuhan di nok jide Allah ninyeng lene ma jikuk je biNoni cem jiba neheng bipreu mun ei tug hon Noni Nongkom ninyenga.

NINDAT KEP TUHAN NICUKTI NYA 6:13 ပူးပေါင်းရင်းမြစ်များ

NITRITI 24:3

Lene ma aheng bitug hon tuhan di ninyeng tak kep mpia-bbed him kin dihyeisi dini ninyeng bipia mporo abuwak sop timiei hi leu minu Kanaan dini bak dipmot Ishak bi.

NIBOU NDIG NYA GI NICAN 17:36

Ma jikuk je bak Da di tuhan lewo Dani rino diba Ditde nisindemti di nindig bibor bibuwak je di jehei leu minu Mesir nipou pima tu. Ma jikuk je biDa. Lene ma jibon midut nindig mindhe-ndhe ei nimbar hum dokti ba, jibikuk je bak Dani he.

MAZMUR 15:4

di ningwes pri gau yo di Allah kou sut yok nya di nggei sut yo di ibit Allah nihyet di mbro nok gino buhun mem noni lo, miyai hagom bit leu nok nipreu eisi

MAZMUR 63:11

Yoni mitug ndei nimai ei pranti leu api mindhe-ndhe di niten-pos nya miyaham yok bibriug yok ningwig a.

NEHEI LEUSI 20:7

Harin dima jindat kep dinyeng ugwai-gwai a. Lewo Dani ne jide tuhan Allah rin ba, midikes hukum ei no di ba dinyeng bikek dip.

NEHEI LEUSI 23:25

Gino jikuk je bijinggei sut Da di tuhan nok jide Allah lene midinjei mun di kei nok njita di jiyem kin minyei su di jidut bak jeni ba, midicom ninggwenti nya hagom ei minu ting bibor leu je.

YESAYA 45:23

Dipreu ei mem tungwatu nya lene bit bon diluei dingonti tut kan bi. Dipai tug hon neheng kin dinyeng cem tungwatu dihyeisi dini hagom miba ibiau bicom mpia ei dimig him ba, iba yonti ighyet bipreu ei mem Da bipia yahagom ingon gom tut Da.

YESAYA 48:1

Je di jintun Yakub him e, ma jingig jitingou mem dihyet. Je di jintun keret Yehuda him di jikrau kep ninyeng Israel e, jipai bipia jiba jingon com Da di Allah Israel ba, jeheng bitug hon dinyeng lo, jiba jingon gom bipai jihyet dima yok bi.

YESAYA 65:16

Bikwop timiei minu dima gom-gom dino hara mun di kei mahara Allah di ningon gom mem gima njei mun di kei bak. Bikwop tungwagom-gom di preu ei mem hiter mipreu ei tug hon Allah di ningon gom ninyeng. Lewo mun di buhun di cut igkep yok nipou yo pima pror leu yok ba, ibbwe ser tu.”

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEREMIA 5:2

Mbro nok gino jipai bipia jikuk je bak tuhan noro jiyai igbit jipaisi dima bi.

YEREMIA 5:7

tuhan pai “Nggon rima dikos ser Ditde limwa nya ide sisar nya i? Iba inghim biDa bikuk yok bak kwar nya tu. Dikwas njita tut yok ba, igyem bindei yok noro ibon sisar nicut tut yamti ba, icem kep sop di ikrar jut nya.

IMAM NYA IDE MIDYAI 19:12

Gino jikos tut bipia jiluei jingonti tut mun di jipreu ei biyam lene ma jipreu ei biyam tug hon dinyeng hak au. Lewo jiyai munti dima mibindei bidinyeng kinei. Dani ne tuhan bidinok jide Allah ri.

MATIUS 4:10

Noro Yesus pai bu “Bilis e, aug leu Da hak ug. Lewo Allah Nihyet pai bipia ma jikuk je bak jide Allah ba, jibit Nongkom hak.”

MATIUS 5:33

“Jikan tut nicukti di sok kep idigup bat-idigai bat nya bipia harin dima jiluei jingonti tut mun di jeheng tut ei Allah Noho bei a. Noro ma jiyai igbit mun di jeheng tut hagom.

LUKAS 4:8

Yesus buhup “Allah nihyet pai ‘Ma jikuk je bak jide Allah ba, jibit Nongkom hak.’ ”

NINDAT KEP TUHAN NICUKTI NYA 10:12

“Je di mben Israel e, nogindini ma jingig jitingou mem mun di tuhan di nok jide Allah joi sut leu je. Ma jiba jibou coi mem Noni ba, jibit nicuk jeti nya ba, jingon ngakei Noni ba, jiba jingon titut biyai kep Nide midyai nya cem.

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 13:4

Ma jitti kin tuhan di nok jide Allah bijiba jibou coi mem Noni ba, jibit nihyet cem jiyok ngon kep nicuk jeti nya cem jikuk je bak Noni cem jingon gom tut Noni cem.

NINDAT KEP TUHAN NICUKTI NYA 13:5

Noro suar jihwen no di mbot kep tut mumpriem kin nabi di ibindei ba, jaham jimbuk kep tuhan di teu je bijingwes ngun leu gi jiwer awak ei minu Mesir dima. Yo dima ingon rom nindig bibor ba, iris je leu puig di tuhan ndo bije tu. Suar jihwen yo dima leu binhyepo sisar nindig bibor dima srig jikieti bu bi.

NINDAT KEP TUHAN NICUKTI NYA 5:11

Harin dima jindat dinyeng ugwai-gwai a. Lewo Dani ne jide tuhan Allah rin ba, midikes hukum ei yo di iba dinyeng bikek nya yahagom dip.

NINDAT KEP TUHAN NICUKTI NYA 5:29

Nna ba itin ei ingon kanti di nok gima kikau ug! Gino yoni inggei sut Da kikau bibit dicuk yokti nya hagom lene yoni kin ide di intun him yok di bram yam nya mibong kei migwam kei bijo ninno bijo kikau.

NINDAT KEP TUHAN NICUKTI NYA 6:2

Ma jeni kin jide nintun him yamti di bram yam nya jahagom jikon tuhan di nok jide Allah ninyeng kikau ug bipek jiyaijo ningwig honti. Ma jibit Nide nicukti di ditri tut bije tu leu binhyepo jide njap jei bibor ei minu dima.

YOSUA 2:12

Nogindini ma jeheng bitug hon Noni ninyeng bipia mijiba jingon di nggriu bibon dide bat nya bit leu nok gi dibon bije dini. Lene suar jiyai mun nyeng gom nok bindo bida di mibindei ba, diba dingon com je.

YOSUA 23:7

Gino jiyai igbit ditde nipingok jeti dima lene mijiket ei mben nya di igya ngkiem ei jikieti pimati bijingat nadi tug hon ide kwar nya inyeng bijeheng bitug hon kwar dima inyeng mijikuk je bak bijinggei sut ide kwar dima yok cem bi.

YOSUA 24:14

Lene Yosua binut nihyet bu bipai biyok “Gima rino ma jikon tuhan ninyeng nogindini. Ma jibindei ba, jingon sren ba, jingon gom cem. Ma jicom nung di jikuk je bak nya po jidigup bat-jidigai bat nya ikuk yok bak ei minu Mesopotamia kin Mesir pima hagom. Leu binhyepo jikuk je bak tuhan Nongkom.

SAMUEL GI NIGOM 20:3

Noro Daud buhup “Acig kan bipia singon ce yam bi. Gima rino noni kos tut bipia ndo ningon kanti tut da bina bi leu gima mibindei ba, angon buhun bibor. Deheng bitug hon tuhan di niyaijo ninyeng bipia dikan tut bipia diyaijo ningwig honti dideu kwei su!”

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”