NINDAT KEP TUHAN NICUKTI NYA 6:10 - ALLAH NIHYET MEM TUNGWATU NYA

¹⁰ “tuhan di nok jide Allah miyai dihyei hanjop nsi bitut minu nindig bibor di jiwin bi nya di mpung tut ndigban bije bit leu nok Noni preu ei mem jidigup bat-jidigai bat di Abraham kin Ishak kin Yakub nipou su.

NINDAT KEP TUHAN NICUKTI NYA 6:10 ပူးပေါင်းရင်းမြစ်များ

YOSUA 24:13

Dibindei ba, jibong kei jigwam kei ei minu di jiyai miai eisi ba, jiwin minu bi sren. Nogindini jibong ei minu dima ba, mbro nok gino jita ba anggur nikioi hi eisi bigyo lo, jipuk ningat hi bijiyem tu. Mbro nok gino jita biei zaitun nikioi hi eisi bigyo lo, jipuk ningat hi bijiyem tu.’ ”

MAZMUR 105:44

Noni yai ngkiai nya ide minu bak Nide limwa nya apino igyai ide miai nya ba, ima bou yok nok ide dihyei ninda rom,

NEHEMIA 9:25

Ade limwa nya ipos minu ndig di bon tentara nibousi di igya coi nya kin dihyei di nnum kei kin ig di mpung tut ndigban di nibok kak kin minyei bousi nya kin biei zaitun nghousi nya kin biei di ngat ningat nghousi nya kin ba anggur nghousi hagom. Igyem njita di ndei yok bit leu ingon kanti apino immau ndok. Ingon llei sut mun di kei nyeng hagom di ayai biyok tu.

MAZMUR 78:55

Noni jji timiei nya di ibong ser minu dima leu itimieisi sindam ei Nide limwa nya yoho bei. Leu api kwas minu dima tut keret mben Israel nya apino ibong ser prak meng di siceu ide di imai leu nya.

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NINDAT KEP TUHAN NICUKTI NYA 9:1

“Je di mben Israel e, njap di ammani mijisigon Minyei Yordan leu binhyepo jicoi ug ei minu di ngkiai nya ide ug ri. Ide mben nindig bibor ba, isindem bibor cem. Ide minu di iwin nya nindig krop lene ngug tig di jei bibor sur mpia-bbed him bikrop ttai hagom.

NINDAT KEP TUHAN NICUKTI NYA 19:1

“Tirigi jide tuhan Allah bindei sar mben dima yok leu jingwak him lene yai ide minu bije leu api jibong ser ide minu ndig nya kin ide ig nya ba, jibong kei jigwam kei eisi tu,

NINDAT KEP TUHAN NICUKTI NYA 31:20

Midibie tut yok ba, micoi ug ei minu di bon ninnumti di kei bibor dima bit leu nok dipreu ei mem idigup bat idigai bat nyati. Yoni migyem kep njita ninyeng hagom nok gi dem mem yok apino mibong kei migwam kei ei sirima. Noro jei bi lene yoni mingkwei hanyen leu Da ba, mikuk yok bak nung nya. Yoni mirok Da ei itta leu api mikrau kep mun po dipreu ei mem yok pima cem bi.

NINDAT KEP TUHAN NICUKTI NYA 1:8

Dani ne tuhan rin ba, dipreu sut minu dima hagom bak jidigup bat-jidigai bat di Abraham kin Ishak kin Yakub kin ide nintun him yokti di bram yam nya. Gima rino ma jicoi ba, jiya bidem minu dima hagom.’ ”

NINDAT KEP TUHAN NICUKTI NYA 6:18

Gino jiyai igbit nicuk jeti nya di kei bibor ba, sren kei cem lene mijibong kei jigwam kei leu api mijiyai nisindemti mem gima jikieng kep minu di bon ninnumti po Noni preu sut ei mem jidigup bat-jidigai bat nya pima.

NINDAT KEP TUHAN NICUKTI NYA 6:23

Noni kwek nye leu minu Mesir bibuwak nye kwei biyai minu dini hagom binye bit leu nok Noni preu sut ei mem idigup bat-idigai bat nya nipou su.

NINDAT KEP TUHAN NICUKTI NYA 8:12

Ei nidipti bu tirigi jiyem njita ninyeng hagom bindei je cem jingot jide ig di jibongti binddong kei ba,