NINDAT KEP TUHAN NICUKTI NYA 5:5 - ALLAH NIHYET MEM TUNGWATU NYA

⁵ Noro jittin tut hum njengti pima apino jibrim jingkek mem gima jikui nungug dima bi. Gima rino mpe dima ne diya hacan mem jeni kin tuhan bidindat kep tuhan nihyet bak jeni.

NINDAT KEP TUHAN NICUKTI NYA 5:5 ပူးပေါင်းရင်းမြစ်များ

NITRITI 18:22

Lene ibou can ikes tuhan kin Abraham leu lene yuug kikau ndam Sodom lo, tuhan ya niyati bit Abraham.

NIBOU NDIG NYA GI NICAN 18:4

Noni ya kep mpia di tungwatu nya ikuk yok bak kwar eisi nya binggek hagom bitut kwar nidihim nya kin kwar Asyera ngot cem bingwig. Lene noni nggek wou ngkimom-tembaga di Musa bon di ibijem ninyeng Nehustan cem. Lewo mben Israel indig biei nggrai di ui-gwang kei ba, ibikuk yok bak wou dima kikau bipek nijam dima kep.

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

NEHEI LEUSI 19:16

Ug ei njap gi niningai mem mpia tekti lene kru nindig bibor nisu bong ba, kigyei ninjeng srei lene bumbuhui di ndok bibor gom tau kros ei nungug dip dima lene tungwatu nya yahagom imiap pun mbrei nibimbi nindig bibor ei itingou nsi. Gima rino yahagom inghuisi mpig sut nindig bibor tirigi igya ei ide prak meng yati nikieti.

NEHEI LEUSI 19:21

Lene tuhan pai binoni “Ma ajuk hanyen bu ba, asok kep tungwatu nya ngkiem ser nhyepo hi pigau hanjop kwei bingat Dingat bi. Leu gino injiriek lene imang bibor mimai.

NEHEI LEUSI 19:25

Gima rino Musa juk kwei ei tungwatu pima yok ikieti bitri tut nihyet biyok bit leu nok tuhan nicuk noti tu.

YEREMIA 30:21

Nibou ndig di ninyeng tak kep je nimbier mikim je di mben Israel hanyen ba, nibou ndig di ninyeng jei mem je mikiju leu jenti jikieti. Gino dihig noni kwei lene mun nyeng hi mibigen ser noni tut gima son dideu Da bi. Lewo tou rino brim ningkek bikwei ngat Da gino dihig noni kwei bi i? Mpe dima lene jinok Ditde limwa nya bidinok jide Allah. Da di tuhan disimbot dat tu.”

MBEN ISRAEL IMBUT-MBUT NYEN 16:48

Apino nsuwer ajar dima kes hon ba, Harun no ya hacan ei yo di igyaijo nya kin yo di imai su nya ikieti.

GALATIA 3:19

Gi nok lene Allah yai niggai serti dima bak mben Yahudi mem mindei i? Noni ba Puig Yahudi niggai serti bikum ei nipreu ei mem yokti leu binhyepo ndo tungwatu nya ide sisar brei biyok. Puig dima mbut kikau ug bipek no di ntun Abraham him di Allah preu ei mem Abraham nikweisi. Malaikati nya isu inda bigyai niggai serti nibokti bak tungwagom di ya hacan mem Allah kin tungwatu nya.

NINDAT KEP TUHAN NICUKTI NYA 5:27

Gima rino Musa e, ma angkwei hanyen ba, amiap kep mun nyeng hagom di ide tuhan Allah mipai binye leu api akwei tri tut mun nyeng di Noni sok ei nani dip hanyen binyeni. Lene minimiap kep ahyet binibit Nide nisok ei na dip dima hagom.’

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.