NINDAT KEP TUHAN NICUKTI NYA 5:4 - ALLAH NIHYET MEM TUNGWATU NYA

⁴ tuhan joi sut mbrap bit je pijum leu hum njengti ei nungug dip pima.

NINDAT KEP TUHAN NICUKTI NYA 5:4 ပူးပေါင်းရင်းမြစ်များ

NEHEI LEUSI 19:9

Lene tuhan pai bak Musa “Mbigom midihwou mbrap bit na nding ei bumbuhui di ndok biborti leu binhyepo tirigi dimbrap bit na lene dihyet mitibim ei ade limwa nya yahagom itingou nsi apino hon kep ammani kui lene yoni miba ingon com na.

NEHEI LEUSI 20:1

Lene Allah tri tut nihyet bipai,

NEHEI LEUSI 33:11

tuhan mbrap pijum bit Musa dem kep nok tungwagom mbrap bit nisut. Gima ngwig leu lene Musa ngkwei hanyen ug ei ide prak meng yati dima. Lene pinai pilei Yosua po nicig ninyeng Nun pima ya kui Musa bimpu noni. Noro noni kuk no nyahan ei tuhan De Prak Meng nsi dima ba, hei sut Musa bi.

MBEN ISRAEL IMBUT-MBUT NYEN 12:8

Gima rino dimbrap ei noho bei bidindo dingon kanti brei binoni lene tug hon nihyet nibiti ninda bi. Noni ngat dingat bou niyai him tu. Nggon rino jingon sir bijisrep tut Ditde awak di Musa i?”

MBEN ISRAEL IMBUT-MBUT NYEN 14:14

lene yoni mitri tut bak timiei minu Kanaan nya bu. Yo dima ikan tut bipia Na di tuhan angat rin ei nyeni nikieti ba, ando Nanti binye tug hon Ade bumbuhui ttou di bie tut nye mem njap ba, tug hon Ade cou hum di bie tut nye mem mmun cem tu.

NINDAT KEP TUHAN NICUKTI NYA 34:10

Nabi di noyam kin Musa hi srig mben Israel ikieti bi sren. Lewo tuhan ndo Nonti bak bimbrap hammi Musa niimaisi.

NINDAT KEP TUHAN NICUKTI NYA 4:12

Mpe dima ne tuhan nihyet tibim kwei leu hum njengti dima ei jitingou nsi ba, jimiap nihyet noro jingat ningat bou jiyai him bi.

NINDAT KEP TUHAN NICUKTI NYA 4:15

“Ma jiyok ngon kep bipia tirigi po tuhan nihyet tibim kwei leu hum njengti ei Nungug Sinai ei jitingou nsi pima lene jingat Nonti ningat bou jiyai him bi.

NINDAT KEP TUHAN NICUKTI NYA 4:33

Dihig ser je bipia mben hi ingwes ngun bigyaijo niabiati imiap kwar di ikuk yok bak nihyet tibim kwei leu hum njengti dem kep nok mun di pek kep mem je tu e?

NINDAT KEP TUHAN NICUKTI NYA 4:36

Noni sindui sut je bijimiap nihyet di tibim kwei leu mpia-bbed him leu binhyepo bingginau je. Noni sindui sut je bijingat Nide hum njeng di mindur ei dihyeisi dini leu api Noni tri tut nihyet bije leu hum dima.

NINDAT KEP TUHAN NICUKTI NYA 5:22

Gini ne tuhan nicukti nya di diyai bije ei mpe di po jidem yam ei nungug pima ri. Tirigi po Noni ba nihyet di dem kep kru di cut leu hum njengti kin bumbuhui di ndok pima bitri tut nicukti dima bak jeni he lene bak hiter bi. Leu api Noni pas kep nicukti nya dima ei tig pas canti biyai sut bak dani.”