NINDAT KEP TUHAN NICUKTI NYA 5:33 - ALLAH NIHYET MEM TUNGWATU NYA

³³ Ma jiyai bram jide tuhan Allah nicuk jeti nya hagom leu binhyepo jibong kei jigwam kei ei minu di mijikieng kep dima.”

NINDAT KEP TUHAN NICUKTI NYA 5:33 ပူးပေါင်းရင်းမြစ်များ

NIBOU NDIG NYA GI NIGOM 3:14

Gino abit dihyet kin Ditde niggai serti nya bit leu nok acig Daud niyai kepti pima lene midibindei ba, ayaijo jei bibor cem.”

NIBOU NDIG NYA GI NICAN 17:37

Ma jibit Ditde niggai serti nya di dipas ei mem je tu. Ma jikuk je bak nung nya au.

NIBOHON MBEN ISRAEL GI NIGOM 28:8

Leu api Daud binut nihyet bu bipai “Gima rino ditde limwa jen e, nogindini dibidip huk je bibor ei ide Allah kin ide tuhan de limwa Israel jahagom di jidem yam ei dini joho bei leu binhyepo jahagom jibit ide tuhan Allah nicuk nyeti nya hagom nok gi mungkun kei. Gino jiyai nok gima lene minu di kei dini minok jide minu ninda rom kikau ba, jide nintun him yamti di bram yam nya miba yokep minu dini sindam bijo ninno bijo kikau.”

MAZMUR 119:6

Gino dingig ditingou mem Ade nicukti nya hagom lene midiyai nimmai drek dip bi.

MAZMUR 37:11

Bikwop yo di iba ibou coi mem yam miba yokep idihyei leu api iba ingon di jo nyahan bibong kei bigwam kei eisi.

MAZMUR 37:22

Yo di tuhan bindei ba, ingon nggei-hi-nggei micoi ug ei minu di Noni preu ei mem yok. Noro Noni mibindei ba, yo di itug ndei Nide nisigionti mitug midut.

MAZMUR 37:29

Yo di ingon sren nya miba yokep idihyei bibong kei bigwam kei bijo ninno bijo kikau.

MAZMUR 37:34

Ma jiyok jingon mem tuhan bijibit nihyet leu api Noni mikon jinyeng leu binhyepo jiba jekep jidihyei. Noni mihwen yo di isibut nya bingwig bou jiyai him.

MAZMUR 37:9

tuhan mibindei ba, yo di isibut nya mitug midut noro yo di iba ingon com Noni mibong kei migwam kei ei idihyei di Noni yai biyok.

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

NIPINGOK NINGONTI 3:1

Dimunggwom na e, ma angon prion ser ditde ningginau nati nya au. Ayok ngon kep ditde nipingok nati nya hagom bijo ninno bijo kikau.

YEREMIA 42:6

Nahara bak na di andigpoi ba, angat nadi bak ide tuhan Allah mem nye. Lewo nijoi sut nibit nihyet leu binhyepo niwer tungwatu. Ba, mbro nok gino Nide nicuk nyeti dima buhun e, buhun bi e, minibit.”

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

YEHEZKIEL 20:19

Jide tuhan Allah riDani. Ma jibit Ditde niggai serti nya kin dicukti nya.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

EFESUS 6:3

“Leu binhyepo jibong kei jigwam kei ba, jide njap jei ei dihyeisi dini.”

NINDAT KEP TUHAN NICUKTI NYA 10:12

“Je di mben Israel e, nogindini ma jingig jitingou mem mun di tuhan di nok jide Allah joi sut leu je. Ma jiba jibou coi mem Noni ba, jibit nicuk jeti nya ba, jingon ngakei Noni ba, jiba jingon titut biyai kep Nide midyai nya cem.

NINDAT KEP TUHAN NICUKTI NYA 11:9

Lene mijibong ei minu di bon dihyei suti di nnum kei cem di tuhan preu ei mem jidigup bat-jidigai bat nya kin yo di intun yoni him di bram yamti nya bijo ninno.

NINDAT KEP TUHAN NICUKTI NYA 12:25

Gino jibit tuhan nicuk jeti dini lene Noni mijoi sut je leu api jeni kin jide nintun him yamti di bram yam nya mijibong kei mijigwam kei.

NINDAT KEP TUHAN NICUKTI NYA 12:28

Ma jiba jingon gom bibit dicuk jeti nya hagom leu binhyepo jibon mun di igbit ba, tuhan di nok jide Allah mijoi sut je cem. Apino jeni kin jide nintun him yamti di bram yam nya mijibong kei mijigwam kei bijo ninno bijo kikau.”

NINDAT KEP TUHAN NICUKTI NYA 22:7

Ma jikam ha mien nya noro ma jisindui sut nipmem bidimba ug. Leu binhyepo jibong kei jigwam kei ba, jide njap jei.

NINDAT KEP TUHAN NICUKTI NYA 29:8

Ba, ipos yo ide minu leu yok bikwas tut keret Ruben kin keret Gad kin keret Manasye nite hi.

NINDAT KEP TUHAN NICUKTI NYA 30:16

Dicuk je njap di ammani leu binhyepo jingon ngakei tuhan di nok jide Allah ba, jibit nihyet bijiyok ngon kep nicuk jeti nya leu api mijibong kei mijigwam kei bijidigek kep mpia cem. tuhan di nok jide Allah miyai gi kei bije ei dihyei hanjop nsi di jei bi mijikieng kep.

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

NINDAT KEP TUHAN NICUKTI NYA 4:40

Ma jibit Allah nicuk jeti nya di ditri tut bije njap di ammani apino jeni kin jide nintun him yamti di bram yam nya mijibong kei mijigwam kei ei minu di tuhan di nok jide Allah miyai bije nogindini ba, bijo ninno bijo kikau cem.”

NINDAT KEP TUHAN NICUKTI NYA 5:16

Ma jikon jicig bat-jipmem bat nya inyeng ba, jinyohou yok. Gini ne jide tuhan Allah nicuk jeti rin leu binhyepo jibong kei jigwam kei ba, jide njap jei ei minu di midikwas tut je.

NINDAT KEP TUHAN NICUKTI NYA 5:29

Nna ba itin ei ingon kanti di nok gima kikau ug! Gino yoni inggei sut Da kikau bibit dicuk yokti nya hagom lene yoni kin ide di intun him yok di bram yam nya mibong kei migwam kei bijo ninno bijo kikau.

NINDAT KEP TUHAN NICUKTI NYA 6:1

“tuhan di nok jide Allah cuk da bipia suar dingginau je tut Nide nicukti nya. Lene hagom ndia ri. Ma jibit nihyet hagom tirigi jibong kei jigwam kei ei minu di jitin ei mem jiya bidem eisi.

NINDAT KEP TUHAN NICUKTI NYA 6:3

Je di mben Israel e, ma jintu kep nicukti dima yok lene ma jibit hagom! Gi nok lene mijibong kei mijigwam kei apino jide mben nya midigek kep mpia tirigi jikieng kep minu di nnum bibor dima bit leu nok tuhan di nok jidigup bat-jidigai bat nya ide Allah preu ei su.

NINDAT KEP TUHAN NICUKTI NYA 8:1

“Ma jiba jingon gom bibit tuhan nicuk jeti di ditri tut bije njap di ammani leu binhyepo jiyaijo ba, jimangti kum eisi ei minu di Noni preu ei mem jidigup bat-jidigai bat nya ba, jidigek kep mpia ba, jibong kei jigwam kei eisi.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.