NINDAT KEP TUHAN NICUKTI NYA 5:27 - ALLAH NIHYET MEM TUNGWATU NYA

²⁷ Gima rino Musa e, ma angkwei hanyen ba, amiap kep mun nyeng hagom di ide tuhan Allah mipai binye leu api akwei tri tut mun nyeng di Noni sok ei nani dip hanyen binyeni. Lene minimiap kep ahyet binibit Nide nisok ei na dip dima hagom.’

NINDAT KEP TUHAN NICUKTI NYA 5:27 ပူးပေါင်းရင်းမြစ်များ

NEHEI LEUSI 18:20

Suar angginau yok tut Allah nicuk yokti nya ba, apingok ingonti tut igyai munti di kei bibor cem di igbit cem.

NEHEI LEUSI 19:8

Lene mben Israel ikon ighyet nok gi gom bibuhup “Nahagom nice tut binibit tuhan nihyet hagom.” Lene Musa ndat kep ibuhupti hanyen bak tuhan.

NEHEI LEUSI 20:18

Tirigi yo dima imiap kru di nisu bong kin pun mbrei di nimbi bong kin kigyei di ninjeng srei kin hum mmup di brou kui leu nungug dima lene yahagom ittin tut nindig bibor binghuisi mpig sut. Lene yoom yonti bigya minu ting.

NEHEI LEUSI 20:19

Lene ipai bak Musa “Gino ambrap bit nye lene minintu kep ahyet. Noro ma Allah mbrap pijum bit nye au lewo minimai.”

NEHEI LEUSI 24:3

Lene Musa ug tri tut tuhan nicukti kin nikos tutti nya hagom bak nide limwa nya apino yahagom ibuhup nihyet nok gi gom bipai “Minibit leu nok tuhan nicuk nyeti hagom hak ug.”

YEREMIA 42:5

Lene ipai bida “Gino niyai mun ba, nibibit tuhan nicukti nya hagom di na di andigpoi apai sut binye bi lene tuhan di ningon sren biningon gom tut nye cem mingat gima yok hagom bou niyai him.

YEREMIA 42:6

Nahara bak na di andigpoi ba, angat nadi bak ide tuhan Allah mem nye. Lewo nijoi sut nibit nihyet leu binhyepo niwer tungwatu. Ba, mbro nok gino Nide nicuk nyeti dima buhun e, buhun bi e, minibit.”

NINDAT KEP TUHAN NICUKTI NYA 5:26

Tungwa hi di miap Allah Di Niyaijo mbrap kwei leu hum njengti no niyaijo yo e?

NINDAT KEP TUHAN NICUKTI NYA 5:28

Lene mpe di po tuhan miap jihyet pima lene pai bida ‘Dimiap mun di ade limwa nya yahara nani tut tu ba, ipaisi dima ne igbit ri.

IBRANI 12:19

kin pun mbrei di tibim kin Allah nihyet nibimbiti ri. Tirigi imiap Allah nihyet dima rino idigit tut ba, yahara ser leu binhyepo tibim kwei ei itingou nsi bu bi.

YOSUA 24:24

Lene nide limwa nya ibuhup “Minikuk nye bak tuhan di nok nyeni ide Allah ba, minibit Nide nicuk nyeti.”