NINDAT KEP TUHAN NICUKTI NYA 5:12 - ALLAH NIHYET MEM TUNGWATU NYA

¹² Ma jipiga Njap Nigwam Kep Ninghuisi ei ba, jitug hon njap dima nok njap di kwes bit leu nok Da di dinok jide tuhan Allah dicuk je tut tu.

NINDAT KEP TUHAN NICUKTI NYA 5:12 ပူးပေါင်းရင်းမြစ်များ

NEHEMIA 13:15

Ei nijam dima cem dingat lo, limwa Yehuda nya igyai midyai nipot ba anggur ngei ei Njap Nigwam Kep Ninghuisi ba, ibihi bu ikon gandum kin ba anggur ngei kin ba anggur ngat kin biei ara ningat kin ndigban nindigsi nya ei ide keledai ninghim dip bibittei hagom ug ei minu ndig Yerusalem cem. Diggai ser yok leu binhyepo itri mun-bipek ndiyok ei minu ndig Yerusalem mem Njap Nigwam Kep Ninghuisi au.

NEHEI LEUSI 16:23

Lene noni pai biyok “Suar jipiga njap di hyep binok njap di kwes-kwau bit leu nok tuhan nicuk jeti tu. Njap di ammani ne ma jikang njita ba, jikwen hi bit leu jingon kanti. Lene jibet nindigsi ei mem njap di hyep bu.”

NEHEI LEUSI 16:30

Gima rino mben Israel igyai kep midyai nya mem njap gi nimuhwindacan bi sren.

NEHEI LEUSI 31:13

bak mben Israel bipai “Ma jidimig jide njap gi nimuhwindacan ei leu binhyepo jigwam kep jinghuisi bit leu nok dicuk jeti tu. Njap dima ne njap nibiyok ngon kep ei mben Israel kin Dani nikieti bijo ninno bijo kikau ri. Leu binhyepo mijo nibreisi mem je bipia Dani ne tuhan rin ba, dinyeng tak kep je bijinok Ditde limwa nya.

NEHEI LEUSI 31:15

Ma jiyai kep jide midyai mem njap nitindur muhwindagom noro njap gi nimuhwindacan dima ne njap ndig rin ba, didimig njap dima ei mem Dani. Tungwa tou rino gwam kep ninghuisi bi noro yai kep midyai mem njap dima mitug ndei hukum nimai.

YESAYA 56:6

tuhan pai bak ngkiai nya di icoi bit tuhan de limwa nya imangti kin yo di ingon ngakei tuhan kin yo di ikuk yok biNoni kin yo di ikrau kep Njap Nigwam Kep Ninghuisi kin yo di iba ingon gom bikrau kep Nide gi preu ei mem yokti cem,

YESAYA 58:13

tuhan pai “Ma jahati tut Njap Nigwam Kep Ninghuisi nok njap di kwes-kwau. Ma jinyohou dimig mun di bitut jenti mem njap dima au. Jibindei ba, njap dima bon ninyeng mem je. Ma jinggei sut tuhan de njap dima tug hon gi jimbut ei minu ting cem jiyai kep jide midyai nya cem jimbrap tut mun di ugwai-gwai nya cem au.

YEREMIA 17:22

Ma jiyai midyai cem jittei ndigban nyeng gom cem ba, jibehei sut leu jide ig mem Njap Nigwam Kep Ninghuisi au. Ma jidimig njap dima pijum ei mem Da bit leu nok gi dicuk jidigup bat-jidigai bat nya.

MARKUS 2:27

Lene Yesus pai bu “Allah ndo Njap Nigwam Kep Ninghuisi mem gima mpu tungwatu nya noro Noni bindei tungwatu nya ba, inok awak mem Njap Nigwam Kep Ninghuisi nicukti nya bi.

NINDAT KEP TUHAN NICUKTI NYA 5:13

Dikwas njap muhwindagom tut je mem gima jibiyai jide midyai nya eisi.