NINDAT KEP TUHAN NICUKTI NYA 5:10 - ALLAH NIHYET MEM TUNGWATU NYA

¹⁰ Noro midingon ngakei yo di ingon ngakei Da bibit dihyet kikau ug bipek ibou sribu-ribu di intun yok him bram yam.

NINDAT KEP TUHAN NICUKTI NYA 5:10 ပူးပေါင်းရင်းမြစ်များ

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 34:7

Dingondut tungwatu nya kikau ug bipek ide nintun him yamti di bram yam nya ibou sribu-ribu. Dikos ser ide sisar kin ide mun di igyai tunggwei nya. Noro bit bon yo di ingon mui nya mingwes ngun leu hukum kan bi. Lewo midikes hukum ei imunggwom bat nya kin ignyon bat-idrot bat nya dip kikau ug bipek ide nintun him yamti di bram yam nya nimpung gi niningai kin nibitai drek dip ide pung di intun him nya ide sisar.”

YEREMIA 32:18

Ando tut Ade ningon ngakeisi di jo kikau bak tungwatu nya ibou sribu-ribu noro akes hukum ei tungwatu nya dip drek dip ndigpoi di ide nya ide sisar. Nani ne Allah di nindig bibor ba, mimbri kui Na. Anyeng rino tuhan Di Sindem Bibor.

DANIEL 9:4

Lene dingat nadi bak tuhan di nok ditde Allah bidipai jit sisar di dide bat mben Israel nya ibon tut Noni bidipai “tuhan e, anyeng jei bibor ba, nikuk nye ei Aho bei. Angon gom tut mun di apreu ei mem nye nipou su ba, angondut yo di ingon ngakei Nani bibit Ade nicuk yokti nya.

MBEN ISRAEL IMBUT-MBUT NYEN 14:18

‘Dani ne tuhan rin ba, dingon sibui sut tungwatu nya haninyai kan bi. Noro Ditde ningon ngakeisi nindig bibor bikum eisi bu ba, dingon gom cem. Lewo dikos ser tungwatu nya ide sisar kin ide naham nimbuk kep Dati. Mbro nok gima lo, midikes hukum ei imunggwom bat nya kin ignyon bat-idrot bat nya dip kikau ug bipek yo di intun yok him gi niningai kin gi nibitai drek dip ide pung di intun him nya ide sisar.’

YOHANES 14:15

“Gino jingon ngakei Da lene jibindei mbut Ditde nicukti nya.

YOHANES 15:14

Gino jibit Ditde nicukti nya lene jinok disut bat di dingon kieti nya ri.

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

NINDAT KEP TUHAN NICUKTI NYA 4:40

Ma jibit Allah nicuk jeti nya di ditri tut bije njap di ammani apino jeni kin jide nintun him yamti di bram yam nya mijibong kei mijigwam kei ei minu di tuhan di nok jide Allah miyai bije nogindini ba, bijo ninno bijo kikau cem.”

NINDAT KEP TUHAN NICUKTI NYA 7:12

“Gino jiyok ngon kep nicukti dini yok ba, jiba jingon di gom bibit hagom lene tuhan di nok jide Allah miyok ngon kep mun di Noni preu ei mem je ba, ningon ngakei je bijo kikau buug hon nohonti bi bit leu nok gi po Noni preu ei mem jidigup bat-jidigai bat nya.

NINDAT KEP TUHAN NICUKTI NYA 7:9

Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

YOSUA 22:5

Ma jisok kep jenti ser nhyema jibit nicukti nya di Musa tri tut bije. Ma jingon ngakei jide tuhan Allah ba, jibit ningon kanti cem jibit nicuk jeti nya ba, jingon gom tut Noni cem lene ma jiba jingon titut kin jinnei titut yam bikuk je bak ba, jinok Nide awak nya.”

YOHANES GI NIGOM 1:7

Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.