NINDAT KEP TUHAN NICUKTI NYA 4:8 - ALLAH NIHYET MEM TUNGWATU NYA

⁸ Ngkiai nya di isindem bibor nindigsi hi bon niggai serti di sren kei dem kep nok nicukti di dingginau je tut njap di ammani bi.

NINDAT KEP TUHAN NICUKTI NYA 4:8 ပူးပေါင်းရင်းမြစ်များ

NEHEMIA 9:13

Asrek kwei leu mpia-bbed him ei Nungug Sinai leu api ambrap bit Ade limwa nya ba, ayai Ade nicukti kin Ade nikos tutti kin Ade nipingok yokti di nijit-jau nya bak yoni ei sirima.

MAZMUR 119:138

Nicukti di atri tut binye nya hagom sren-srau ba, nddong kei cem.

MAZMUR 119:144

Ade nikos tutti nya hagom sren-srau kei bijo ninno bijo kikau. Ma abindei bidingon dor niti leu binhyepo diyaijo.

MAZMUR 119:160

Nihyet Ade nya hagom igbit hak. Ade nikos tutti nya hagom dem kei bijo ninno bijo kikau.

MAZMUR 119:86

Ade nicukti nya hagom dem mem gima tungwatu nya iba ingon com. Ampu da lewo ibisinggre bihwen bit da.

MAZMUR 119:96

Dingat lo, mun nyeng hagom bon nohonti noro Ade nicukti nya kei-kau ba, bon nohonti bi sren.

MAZMUR 89:14

Ade nisindemti nindig bibor bindei ba, nyeni ninggap leu bijo ninno bijo kikau!

MAZMUR 97:2

Bumbuhui kin nidinditi no jo ttai Noni. Ningon sren-srausi kin nisingat tut yamti yahati tut Nide ninyeng tak kep limwa nyati.

YESAYA 42:21

tuhan ningon bisau sut gi Noni teu tungwatu nya bingwes ngun. Gima rino Noni kon Nide nikos tutti nya bijo anai leu binhyepo Nide limwa nya inggei sut.

HOSEA 8:12

Dipas kep nipingokti mang bibor mem yok noro irok gima yok hagom lewo ikan bipia gima bitut yoni bi sren.

ROMA 3:2

I! Mun dima yok mpu mben Yahudi nindig bibor! Nimbie him ne Allah ba ningon com yok tut Nonti Nihyet di yai biyok tu.

NINDAT KEP TUHAN NICUKTI NYA 26:19

Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem. Mijinok Nide limwa di ningat-ngat nya bit leu nok Noni preu ei mem je tu.”