NINDAT KEP TUHAN NICUKTI NYA 4:6 - ALLAH NIHYET MEM TUNGWATU NYA

⁶ Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

NINDAT KEP TUHAN NICUKTI NYA 4:6 ပူးပေါင်းရင်းမြစ်များ

NIBOU NDIG NYA GI NIGOM 4:34

Nibou ndig nya bidem dihyeisi dini hagom imiap tut Salomo ningon kiti apino ipinak tungwatu nya bikwei ngat noni leu binhyepo ingig itingou mem ningon kiti di tibim ei nuhui him.

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

MAZMUR 19:7

Mpia njap kinyon ei nimbutti leu nipriti kikau ug ei nikimbasti. Bit bon mun nyeng hi ku no leu niwamti kan bi.

MAZMUR 19:8

tuhan nikos tutti nya ne kei-kau-kei ba, sindem tut nye. Nyeni iba ingon com tuhan nicukti nya di bindei yo di ingon mbum nya igyai ingon di ki biluei bu.

NIPINGOK NINGONTI 1:4

Nipingok tungwatuti nya dini yok mibindei ba, yo di kindi ingon bou nya igyai ningon kiti lene pinjoi pilei nya igyai ningon tekti leu binhyepo ikan-kan nyenti mahan nok no di mahan tu.

NIPINGOK NINGONTI 1:5

Tug hon nipingok tungwatuti nya dini yok mibindei ba, yo di ingon ki nya mikum ei ide ningon kiti lene bie tut yo di ipikor nya cem.

NIPINGOK NINGONTI 1:7

Gino tungwatu nya ijoi sut ningon kiti di nijit lene ma ikuk yok bak tuhan bittin tut Noni bibie ug e. Lewo yo di ingkek ndok nya irok ningon kiti ba, ikou sut gino hi ngginau yok.

NIPINGOK NINGONTI 14:34

Ningon srenti kin ningon singatti kon mben inyeng bikei noro sisar bindei mben inyeng kinei.

NIPINGOK NINGONTI 14:8

No di ningon ki ningon dorti tut nisinati mem gima yai kep niyai munti nya noro no di ningon mbum ne nide ningon mbumti ris mun ei nonti dip.

YESAYA 42:21

tuhan ningon bisau sut gi Noni teu tungwatu nya bingwes ngun. Gima rino Noni kon Nide nikos tutti nya bijo anai leu binhyepo Nide limwa nya inggei sut.

YEREMIA 8:9

Yo di ingon ki ei jikieti mitug ndei nimmai sut yonti. Ibou buwei ba, ibiam bon drek dip. Ikou sut Ditde nipingok ingonti apino ningon ki-kut mindei rino jo bit yok i?

YEHEZKIEL 5:5

tuhan di ninyeng jei bibor pai “Angat i! Gini ne minu ndig Yerusalem ri. Dikes minu ndig dini ei dihyeisi nahacan ngatti lene ngkiai ide minu di ibongti nok minu ninda rom jo ttai minu ndig Yerusalem.

DANIEL 1:20

Bikwop mpe dino nibou ndig ningon kiowi niti tut mun nyeng hi bihig ser yok ba, hig pus yok tut lene ibou bitai dima iba ingon di ki kin iji di ngkiem bibuhup mbisimnai dor njiriek yo di nung kui yok kin guru nya di igya kui nibou ndig ide nipingok noti yahagom ei minu Babel.

DANIEL 4:9

“Na di Beltsazar di anyeng tak kep yo di ingon ki nya e, acem. Dikan tut bipia angon mpung tut Allah ninnei ba, angon dorti tut mimun hagom cem. Ma angig atingou mem ditde mumpriem leu api apai igbit mumpriem dima ningat bida.

HOSEA 8:12

Dipas kep nipingokti mang bibor mem yok noro irok gima yok hagom lewo ikan bipia gima bitut yoni bi sren.

MALEAKHI 3:12

Leu api ngkiai nya yahagom mitri tut biyam bipia jingon llei bibor lewo jide minu dima bon mpia di kei bibor kei mem tungwatu nya di ingot ide ig eisi.”

NINDAT KEP TUHAN NICUKTI NYA 29:9

Gima rino ma jiba jingon di gom bibit gi preu dini titut yam leu binhyepo ningat di kei mintun midyai di jibrim jingkek tut him.

NINDAT KEP TUHAN NICUKTI NYA 32:46

noni pai biyok “Suar jibit dicuk jeti di ditri tut bije njap di ammani hagom. Ma jingginau jimunggwom bat nya tut tuhan nicuk jeti nya hagom leu binhyepo iba ingon gom bibit nihyet.

NINDAT KEP TUHAN NICUKTI NYA 32:47

Nicuk jeti nya dima nok nihyet bu tan bi. Noro hagom mibindei ba, jiyaijo. Gino jibit hagom lene mijiyaijo jei bibor ei minu di sindi mijicoi ba, jiyai bijiyati ei Minyei Yordan nite dima ug.”

2 TIMOTIUS GI NICAN 3:15

Ma ayok ngon kep bipia tirigi amien kikau kwei bipek ammani kep ne akrau kep Allah nihyet. Ba, nihyet dima sindem mem gima biyai angon di dorti leu binhyepo ayai niteu leu sisarti kin niyaijo nijep tug hon ade niba ningon com Kristus Yesusti.

YAKOBUS 3:13

Gino no di ningon ki cem nintin kimbou cem srig jikieti lene ma noni ndo bindo tut gima tug hon niyaijoti di kei bibor kin niyai munti di kei bibor nya. Ma niba nibou coisi kin ningon kiti ndo bindo tut niyai munti nya.