NINDAT KEP TUHAN NICUKTI NYA 4:40 - ALLAH NIHYET MEM TUNGWATU NYA

⁴⁰ Ma jibit Allah nicuk jeti nya di ditri tut bije njap di ammani apino jeni kin jide nintun him yamti di bram yam nya mijibong kei mijigwam kei ei minu di tuhan di nok jide Allah miyai bije nogindini ba, bijo ninno bijo kikau cem.”

NINDAT KEP TUHAN NICUKTI NYA 4:40 ပူးပေါင်းရင်းမြစ်များ

MAZMUR 105:45

leu binhyepo Nide limwa nya mibit Nide niggai serti nya bice tut Nide nicuk yokti nya cem. Jikwei ba, inggei sut tuhan!

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

NEHEI LEUSI 23:26

Bikwop jitnem bat di inghop nya misrek kinei ei jide minu dini bi sren. Jitnem bat nya mipijet bi sren. Midibindei ba, jide njap jei bibor.

NIBA NINGON SRIP HUKTI 8:12

Mbro nok gino no di sibut bon sisar nimangti sratus gom ba, nide njap cem jei lo, dikan tut bipia no di bit Allah nihyet bikuk no biNoni mimbrek-mimbrek mporo bong kei gwam kei.

YESAYA 65:20

Munggwom ngwoi nya mimai ujau bu bi ba, andigpoi nya ide njap ug ei ari bingwam mang bibor. Tungwatu nya mipai sut yo di ide njap ug ei ari bingwam sratus gom bipia inok pilei he yo. Ba, ikan bipia yo di imai urung nya ne yo di imai drek dip hukum di dikes ei yok dip ri.

YEREMIA 11:4

Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

YEREMIA 35:18

Leu api dipai bak Rekhab ninsi de nya bipia tuhan Di Sindem Bibor di Allah Israel pai “Jibit Yonadab di jide pung di jintun him nihyet bijibit nicuk jeti nya ba, jibindei mbut gima hagom tu.

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

YEREMIA 7:7

Gino jinggek tut jiyaijoti di kinei bibor leu lene midisindui sut ba, jibong ei jide minu di diyai bak jidigup bat-jidigai bat nya dini bijo ninno bijo kikau.

IMAM NYA IDE MIDYAI 22:31

tuhan pai “Ma jibit dicuk jeti nya. Dani ne tuhan ri.

MBEN ISRAEL IMBUT-MBUT NYEN 10:29

Lene Musa bon nidohoi Hobab di nicig ninyeng Rehuel leu Midian. Gima rino Musa pai binoni “Nyeni minimbut ug ei minu di tuhan preu ei mem nye bipia miyai bak nyeni. tuhan preu sut ei mem nye di mben Israel bipia minjei mun di kei binye. Gima rino ma abit nye ba, nani cem ayai mun dikei dima bit nye.”

YOHANES 14:15

“Gino jingon ngakei Da lene jibindei mbut Ditde nicukti nya.

EFESUS 6:3

“Leu binhyepo jibong kei jigwam kei ba, jide njap jei ei dihyeisi dini.”

NINDAT KEP TUHAN NICUKTI NYA 11:9

Lene mijibong ei minu di bon dihyei suti di nnum kei cem di tuhan preu ei mem jidigup bat-jidigai bat nya kin yo di intun yoni him di bram yamti nya bijo ninno.

NINDAT KEP TUHAN NICUKTI NYA 12:25

Gino jibit tuhan nicuk jeti dini lene Noni mijoi sut je leu api jeni kin jide nintun him yamti di bram yam nya mijibong kei mijigwam kei.

NINDAT KEP TUHAN NICUKTI NYA 12:28

Ma jiba jingon gom bibit dicuk jeti nya hagom leu binhyepo jibon mun di igbit ba, tuhan di nok jide Allah mijoi sut je cem. Apino jeni kin jide nintun him yamti di bram yam nya mijibong kei mijigwam kei bijo ninno bijo kikau.”

NINDAT KEP TUHAN NICUKTI NYA 22:7

Ma jikam ha mien nya noro ma jisindui sut nipmem bidimba ug. Leu binhyepo jibong kei jigwam kei ba, jide njap jei.

NINDAT KEP TUHAN NICUKTI NYA 25:15

Noro ma jikrau kep kilo di jibinai nibuhunti kin meter di jibinai nijeisi di igbit nya leu binhyepo jide njap jei ei minu di jide tuhan Allah miyai bak jeni.

NINDAT KEP TUHAN NICUKTI NYA 32:47

Nicuk jeti nya dima nok nihyet bu tan bi. Noro hagom mibindei ba, jiyaijo. Gino jibit hagom lene mijiyaijo jei bibor ei minu di sindi mijicoi ba, jiyai bijiyati ei Minyei Yordan nite dima ug.”

NINDAT KEP TUHAN NICUKTI NYA 33:25

Iba ngkimom nitu bibon dimbou di itu ei ngug tig di bikrop ttai ide minu nya hagom cem. Leu binhyepo mun di kinei micut igkep yok bi ba, ibong kei igwam kei kikau.”

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

NINDAT KEP TUHAN NICUKTI NYA 4:2

Ma jiba jide nicukti bikum eisi ba, jikus hi bijicom ei au. Noro ma jibit tuhan di nok jide Allah nicukti di ditri tut bije hagom.

NINDAT KEP TUHAN NICUKTI NYA 4:5

Dingginau je tut nicukti pima hagom bit leu nok tuhan di nok ditde Allah nicuk dati tu. Ma jibit nicukti dima hagom tirigi jibong kei jigwam kei ei minu di jitin ei mem jicoi eisi.

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

NINDAT KEP TUHAN NICUKTI NYA 5:10

Noro midingon ngakei yo di ingon ngakei Da bibit dihyet kikau ug bipek ibou sribu-ribu di intun yok him bram yam.

NINDAT KEP TUHAN NICUKTI NYA 5:16

Ma jikon jicig bat-jipmem bat nya inyeng ba, jinyohou yok. Gini ne jide tuhan Allah nicuk jeti rin leu binhyepo jibong kei jigwam kei ba, jide njap jei ei minu di midikwas tut je.

NINDAT KEP TUHAN NICUKTI NYA 5:29

Nna ba itin ei ingon kanti di nok gima kikau ug! Gino yoni inggei sut Da kikau bibit dicuk yokti nya hagom lene yoni kin ide di intun him yok di bram yam nya mibong kei migwam kei bijo ninno bijo kikau.

NINDAT KEP TUHAN NICUKTI NYA 5:33

Ma jiyai bram jide tuhan Allah nicuk jeti nya hagom leu binhyepo jibong kei jigwam kei ei minu di mijikieng kep dima.”

NINDAT KEP TUHAN NICUKTI NYA 6:18

Gino jiyai igbit nicuk jeti nya di kei bibor ba, sren kei cem lene mijibong kei jigwam kei leu api mijiyai nisindemti mem gima jikieng kep minu di bon ninnumti po Noni preu sut ei mem jidigup bat-jidigai bat nya pima.

NINDAT KEP TUHAN NICUKTI NYA 6:3

Je di mben Israel e, ma jintu kep nicukti dima yok lene ma jibit hagom! Gi nok lene mijibong kei mijigwam kei apino jide mben nya midigek kep mpia tirigi jikieng kep minu di nnum bibor dima bit leu nok tuhan di nok jidigup bat-jidigai bat nya ide Allah preu ei su.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.