NINDAT KEP TUHAN NICUKTI NYA 4:39 - ALLAH NIHYET MEM TUNGWATU NYA

³⁹ Gima rino njap di ammani ma jiyok ngon kep lene ma jingon prion ser tuhan di nok Allah di ninyeng tak kep mpia-bbed him kin dihyeisi dini cem au. Lewo Allah hiter hi ningat rin bi.

NINDAT KEP TUHAN NICUKTI NYA 4:39 ပူးပေါင်းရင်းမြစ်များ

SAMUEL GI NICAN 7:22

tuhan Allah Di Anyeng Jei Bibor e, asindem bibor! Nangkom ne Allah ri! Tungwatu nya noyam kin Nani bi. Nikan tut gini lewo nimiap tut hagom nipou kwei bipek ammani kep tu.

NIBOHON MBEN ISRAEL GI NIGOM 17:20

Hi di noyam kin Nani bi. Allah rino Nangkom he. Nikan tut gima lewo itri tut binye habiei leu nipou pima kwei bipek nijam dini kep.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

NIBOHON MBEN ISRAEL GI NICAN 20:6

lene ba nihyet ndig bingat nadi bak tuhan bipai “Nidigup bat-nidigai bat nya ide tuhan Allah e, Nani ne Allah ei gwamti ba, anyeng tak kep mben di dihyeisi dini hagom. Anyeng jei bibor ba, asindem bibor cem. Ba, tungwa hi di sindem bibor mem gima bindei timek Nani kan bi.

MAZMUR 100:3

Ma jiyok ngon kep bipia tuhan ne Allah ri. Noni pai tes nye binyeng tut nye cem. Ninyeng tak kep nye ba, inok Nide limwa nya kin Nide mben di Noni nyohou.

MAZMUR 115:3

Nyeni ide Allah No rima ei gwamti. Noni yai midyai nya bit leu ningon kanti.

MAZMUR 135:6

Noni yai igbit ningon kanti ei mpia-bbed him kin dihyeisi dini kin muk ngeisi kin muk ndigsi di jut bibor cem.

NEHEI LEUSI 8:10

Lene Firaun buhup “Ma angat nadi tindei da mem njap di hyep.” Lene Musa pai binoni “Midiyai hagom bit leu nok na di Andigpoi acuk dati. Lene mijo nibreisi mem na di Andigpoi bipia tuhan di nok nyende Allah sindem bibor dor njiriek kwar di jikuk je bak ei dihyeisi dini nya.

YESAYA 1:3

Sapi kan tut niceu ba, keledai kan tut mpia ttou nsi di niceu hyen kep eisi. Noro Ditde limwa di mben Israel ikan tut ba, ingon dorti tut bi.

YESAYA 43:10

Ditde limwa jen e, jingat diyai munti nya bou jiyai him tu. Didimig je ei nok Ditde awak nya leu binhyepo jikan tut Da bijingon jo kep Da ba, jingon hukti tut Da lewo Dani ne Allah ri. Dangkom ngat he rino Allah. Leu nipou kwei bipek ammani kep ba, njap di ammani kui ug bipek ningwig honti ne Allah hiter nya hi bi.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 5:12

Nggong mbrei kin gitar kin mun di jimpig-mpig nyen kin porei nibimbiti tibim ba, ba anggur ngei pu je ei pestati lo, jiba jiyai ngat Allah de midyai kin mun di bon nya.

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

HOSEA 7:2

Wer ingon dorti tut bipia diyok ngon kep mun di kinei bibor di ibon dima yok hagom cem bi sren. Noro ide sisar ngot di ibon nya kieng kep yok apino dingat hagom mungkun kei bou diyai him.”

KORINTUS GI NIGOM 8:4

Tut munhyet niyem mikwau di ipigig ser ei mem ide kwar ne ikan tut bipia kwar bon ninyeng bindo tut mun di ningat rin bi. Ikan tut bipia Allah gom ngat he ba, hiter ningat rin bi sren.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

NINDAT KEP TUHAN NICUKTI NYA 32:12

tuhan Nongkom bie tut Nide limwa nya lo, kwar di ikuk yok bak hi mpu yok bi.

NINDAT KEP TUHAN NICUKTI NYA 32:29

Mun di bindei dino icut bak ide siceu nya jo nibreisi mem yok bi. Ingon kiowi tut mun di cut igkep yok tu.

NINDAT KEP TUHAN NICUKTI NYA 4:35

Allah ndo mun dini yok hagom brei bije nok mun di bindo bipia Nongkom ne Allah rin lene kwar di tungwatu nya ikuk yok bak hi ningat rin bi.

NINDAT KEP TUHAN NICUKTI NYA 6:4

Je di mben Israel e, ma jiyok ngon kep bipia tuhan Nongkom he rino ide Allah!

NINDAT KEP TUHAN NICUKTI NYA 7:9

Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.

YOSUA 2:11

Tirigi jinghapti tibim kwei ei nyeni nitingou nsi lene nittin tut je bibor. Jibindei ba, mimbri cut leu nyende mben nya. tuhan di nok jide Allah ne Allah Di Sindem Bibor ei mpia-bbed him kin dihyeisi dini cem ri.

SAMUEL GI NIGOM 2:2

Tungwatu dihyeisi dini hi di ningon kwes-kwau nok tuhan bi! Nongkom ya srak ko hagau nye.