NINDAT KEP TUHAN NICUKTI NYA 4:34 - ALLAH NIHYET MEM TUNGWATU NYA

³⁴ Dihig ser je bipia kwar di tungwatu nya ikuk yok bak hi sindem mem gima ug dimig mben gom leu mben nindigsi nya ikieti ei ba, ninyeng tak kep yok e? Noro tuhan di nok jide Allah dimig jeni ei leu mben Mesir ikieti tu. Noni ribindei dino nsuwer ajar kin pran cut igkep yok. Noni bon mun di mindur nya kin bindo nya kin mun di bindei dino tungwatu nya ingon ttin bibor tug hon Nide nisindemti di nindig bibor bou jiyai him tu.

NINDAT KEP TUHAN NICUKTI NYA 4:34 ပူးပေါင်းရင်းမြစ်များ

MAZMUR 136:12

Noni ba ninda di sindem di mimbri kui bibuwak yok leu. Nide ningon ngakeisi jo ninghig-niker.

MAZMUR 24:8

Nibou Ndig di ninyeng jei dima tou i? Noni ne tuhan di sindem bibor ba, mimbri kui ningkek bibor cem ri. Noni kon pran bit Nide siceu nya ba, bindei timek yahagom bingwig.

MAZMUR 78:12

Allah bon mindur nya bou idigup bat-idigai bat nya igyai him tirigi ingat rin ei Mbang Briep Zoan ei minu Mesir.

NEHEI LEUSI 1:9

Lene noni pai bak nide limwa nya “Buhun bibor mem nye tut mben Israel. Lewo imang bibor ba, isindem bibor dor njiriek nye cem.

NEHEI LEUSI 10:21

Lene tuhan cuk Musa bipai “Asu anda kui mpia-bbed him leu api nidinditi di dindi-kai minggai kep minu Mesir ug ri.”

NEHEI LEUSI 10:7

Lene yo di igya kui Firaun ipai binoni “Apig bu api no dima mikes hon bibindei ba, mun di buhun micut igkep nye bu bi i? Na di Andigpoi e, asindui sut mben Israel bimbut leu binhyepo ikuk yok bak tuhan di nok ide Allah hak ug. Jo nibreisi mem na di Andigpoi bipia minu Mesir hagom kinei bibor tu!”

NEHEI LEUSI 13:3

Lene Musa pai bak mben Israel “Ma jiyok ngon kep njap di ammani nok njap dino jimbut bijingwes ngun leu mben Mesir nya di yuubon je nok awak. Lewo njap di ammani ne tuhan buwak je leu minu dima tug hon Nide nisindemti di nindig bibor. Gima rino ma jiyem roti di dwoi mem njap dini au.

NEHEI LEUSI 14:30

Njap dima ne tuhan teu mben Israel leu mben Mesir indati leu api ingat nimbiam mben Mesir nya yahagom ingut di kwei piar ei minyei nipimat.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

NEHEI LEUSI 19:4

bipai “Jingat mun di Da di tuhan dibibon bak mben Mesir bou jiyai him tu. Leu api dibuwak je kwei ndam Da ei sirini tug hon Ditde nisindemti di nindig bibor dem kep nok hacam krubri di kon nipmot bat nya ei ninyehei dip.

NEHEI LEUSI 3:10

Nogindini midipinak nani ba, aug ya ei Firaun noho bei leu binhyepo ateu Ditde limwa nya bingwes ngun leu minu Mesir hak ug.”

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

NEHEI LEUSI 7:3

Noro midibindei ba, Firaun ningkek ndok ahyet. Mbro nok gino dikes mindur di buhun bibor ei mben Mesir dip lo, noni mimiap ahyet bibit kan bi.

YESAYA 51:9

tuhan e, ma akiju ba, ampu nye. Aba Ade nisindemti biteu nye biningwes ngun hak ug. Ma akiju hanyen dem kep nok gi po akiju ei nijam gi nipou mpe di po abindei naga Rahab bindung ba, adat wou ndig krop di bong muk ndigsi di mai pima.

YEREMIA 21:5

Midiba Ditde nisindemti kin niggati di cig-cai cem bikon pran bit je.

YEREMIA 32:21

Aba Ade nisindemti di nindig bibor bibuwak mben Israel ba, yehei leu minu Mesir. Abon mindur kin mun di bibon ninggap leusi nya tug hon bindo di biyai ningon di ttin bibor bak ide siceu nya.

MBEN ISRAEL IMBUT-MBUT NYEN 20:16

Leu api nahara tuhan leu binhyepo Noni mikwei mpu nye. Noni buhup nyeni nihyet bipinak malaikati gom kwei leu api Noni bie tut nyeni biningwes ngun leu minu Mesir tu. Nogindini nikwei krau Kades di jo simiak ade hanjop nsi.

NINDAT KEP TUHAN NICUKTI NYA 1:30

Jide tuhan Allah mibie tut jeni ba, mikon pran mem jeni noyam kin gi nipou po jingat bou jiyai him ei minu Mesir,

NINDAT KEP TUHAN NICUKTI NYA 10:21

Ma jinggei sut Noni lewo Noni ne tuhan di nok jide Allah ri. Noni bibon mun di mindur nindig bibor kin mun di bindei ba, jinga leu Noni tut mem je bou jiyai him tu.

NINDAT KEP TUHAN NICUKTI NYA 11:2

Njap di ammani ma jiyok ngon kep mun di jipikor tut leu tuhan nisok kep jeti tug hon mun di pek kep mem je hagom. Mun di pek kep mem je dima pek kep mem jimunggwom bat nya bi. Lewo jeni rino jingat jide tuhan Allah nikei-kau-keisi kin nisindemti kin ninyeng jeisi,

NINDAT KEP TUHAN NICUKTI NYA 26:8

Lene ateu nye biningwes ngun leu minu Mesir tug hon Ade nisindemti. Abon mun di mindur kin bindo nya kin mun di bindei dino nyende siceu ingon tai-tai bou.

NINDAT KEP TUHAN NICUKTI NYA 29:3

Jingat mun di buhun bibor di cut igkep yok kin mun mindur nya kin bindo di nindig bibor di tuhan bibon nya tu.

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”

NINDAT KEP TUHAN NICUKTI NYA 34:12

Nabi di sindem nok Musa mem gima bibon mun di mindur di bindei ba, tungwatu nya ingon ttin bibor nya bou mben Israel igyai him hi bi sren.

NINDAT KEP TUHAN NICUKTI NYA 5:15

Ma jiyok ngon kep bipia nipou yo lene mben Mesir yuubon je nok awak. Leu api Da di dinok jide tuhan Allah diba nisindemti di nindig bibor bikwek jeni. Gima rino dicuk je bipia ma jibon midut nibiyok ngon kep Njap Nigwam Kep Ninghuisi a.

NINDAT KEP TUHAN NICUKTI NYA 6:21

Lene ma jibuhup ‘Gi nipou lene ninok awak mem nibou ndig mben Mesir noro tuhan teu nye biningwes ngun tug hon Nide nisindemti di nindig bibor.

NINDAT KEP TUHAN NICUKTI NYA 7:19

Ma jiyok ngon kep nsuwer ajar nya po jingat bou jiyai him pima. Lewo tuhan di nok jide Allah kwek je leu minu Mesir tug hon mun di mindur nya kin Nide nisindemti di nindig bibor tu. Lene Noni mihwen mben di jittin tut yok dini bingwig leu je bit leu nok Noni hwen mben Mesir bingwig su pima.

NINDAT KEP TUHAN NICUKTI NYA 9:29

tuhan e, ma ayok ngon kep bipia yo dini ne mben gom di adimig ei binok Ade limwa nya leu api aba Ade nisindemti di nindig bibor bibuwak yok kwei leu minu Mesir ri.”

YOSUA 24:7

lene yahara Dani leu binhyepo dimpu yok. Leu api dibindei ba, nidinditi di dindi-kai bikkin ser yoni kin tentara Mesir ikieti. Lene dibindei ba, minyei biam hanyen kwei ba, sur yam ser tentara Mesir nya apino minyei kot yok bingwig. Jahagom jikan tut mun di dibindei di cut igkep mben Mesir hagom tu. Lene jibong-bong nyen ei iggum ndigsi bijo ninno.

PETRUS GI NIGOM 5:6

Gima rino ma jikuk je nyahan bak Allah ba, ninyeng tak kep je leu api Noni mikon jinyeng dem igbit tto bou.