NINDAT KEP TUHAN NICUKTI NYA 4:30 - ALLAH NIHYET MEM TUNGWATU NYA

³⁰ Tirigino mun dima yok hagom pek kep mem je apino mun di buhun bibor cut igkep je lene mijingkwei hanyen ndam tuhan di nok jide Allah lene mijibit nihyet.

NINDAT KEP TUHAN NICUKTI NYA 4:30 ပူးပေါင်းရင်းမြစ်များ

NITRITI 49:1

Lene Yakub nduk nipmot bat nya yahagom kwei bipai biyok “Jikwei ya kui da bidimbot kep tut mun di mipek kep mem je ei nidipti bu.

NEHEMIA 1:9

Ne gino jikiek je bijitti kin Da hanyen bu bijibit dicuk jeti nya ne mbro nok gino dijji je ug ei minu nohon keti lo, midibuwak je hanyen kwei ei minu di didimig ei mem tungwatu nya ikuk yok biDa eisi.

MAZMUR 107:13

Tirigi ingon buhun bibor ne ingat nadi bak tuhan leu api Noni teu yok bingwes ngun leu mun di buhun tak yok.

MAZMUR 107:6

Tirigi ingon buhun bibor lene ingat nadi bak tuhan leu api Noni teu yok bingwes ngun leu mun di buhun tak yok.

MAZMUR 18:6

Mun di suwok ei minu nimai nya ide yon ttai da. Minu nimai nya ide di nok kau mbrei jo doho bei.

MAZMUR 59:16

isror binggok njita nyen. Gino igyem njita bindei yok bi lene igyau.

NEHEI LEUSI 18:8

Lene Musa pui kep hukum di mindur nya di tuhan kes ei Firaun kin nide limwa nya dip tirigi po Noni buwak mben Israel bingwes ngun leu minu Mesir pima. Ba, pui sut mun po buhun tak yok kak puig sinon kin notou tuhan teu yok bingwes ngun leu mun di cut igkep yok hagom pima.

YESAYA 1:19

Gino jibit dihyet ne mijiyem kep ningat di kei hagom di hei ei jide minu dima.

YEREMIA 23:20

Nigga biborti dima mingwig hon nohonti bi bibou Noni yai hagom bit leu ningon kanti bidem ug e. Mun dini yok mijo nibreisi mem Nide limwa nya ei nidipti bu.”

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

NIBWOS-BWOS NYENTI 3:40

Jikwei ba, imbus nyenti ingonti bingat igyai munti nya leu ba, ittin ser ide sisar di ibon tut tuhan Allah ei gwamti.

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

ZAKHARIA 6:15

Tungwatu nya mikwei leu ting bibor bimpu yo di iwin Ditde Ig. Mpe dino iwin Ig dima biput lene mijo nibreisi mem yok bipia Da di tuhan Di Disindem Bibor dipinak na di nabi ndam yok. Mun dini yok hagom mipek kep mem yok gino ibit ide tuhan Allah nicukti di dicuk yok tut nok mungkun kei.”

MBEN ISRAEL IMBUT-MBUT NYEN 24:20

Nok lene Bileam ngat-hi-ngat bingat mben Amalek leu api tri tut Allah ningon kanti gom kin bu bipai, “Mben Amalek isindem bibor dor njiriek keret nindigsi nya yahagom nipou su noro yahagom imai bingwig hon bijo ninno bijo kikau.”

KISAH 26:20

Ditri tut nihyet bak tungwatu nya bipia suar ittin ser ide sisar lene iba ingon com Allah ba, iba igyai munti nya cem bindo brei bipia ittin ser ide sisar. Ditri tut nihyet dini ei minu ndig Damsyik nipou leu api ei minu ndig Yerusalem lene bidem hanjop Yudea cem ba, kikau ug bipek ngkiai nya.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

NINDAT KEP TUHAN NICUKTI NYA 30:10

Noro suar jibit nihyet ba, jiyok ngon kep nicuk jeti nya di dipas kep ei Nide srat nicukti hagom. Suar jiba jingon titut bikwei hanyen ndam Noni.

NINDAT KEP TUHAN NICUKTI NYA 30:2

Gino jeni kin jide nintun him yamti di bram yam nya jikwei kuk je hanyen bak tuhan di nok jide Allah bijiba jingon titut bibit nicuk jeti nya di ditri tut bije njap di ammani lene,

NINDAT KEP TUHAN NICUKTI NYA 31:17

Gino igyai hagom nok lene dingon misibui sut yok ba, midikes yok ei apino yoni micut bak ide siceu nya bingwig. Mun di buhun mang bibor micut igkep yok apino mijo nibreisi mem yok bipia itug ndei mun di buhun dima hagom drek dip gi Da di tuhan di dinok ide Allah dingat rin ei ikieti bu bi.

NINDAT KEP TUHAN NICUKTI NYA 31:21

Apino mun di buhun mang bibor micut igkep yok. Noro yoni mipai doia bibikiek mun di bindo tut igyai munti nya. Jit! Nogindini nipou tirigi dibie tut yok ug ei minu po dipreu ei mem yok tu pima bigyo ne dikan tut ingon kanti nya.”

NINDAT KEP TUHAN NICUKTI NYA 31:29

Dikan tut bipia niabiati dimai leu yok tu lene mben Israel mikum ei ide mun di mbukti ba, ikou sut dipingok yokti nya cem. Gima rino mun di buhun mang bibor micut igkep yok ei nidipti bu lewo ibindei ba, tuhan ningon sibui sut yok drek dip gi ipigau hanjop bigyai kep igyai munti nya di Noni cuon ser tu.”

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.