NINDAT KEP TUHAN NICUKTI NYA 4:3 - ALLAH NIHYET MEM TUNGWATU NYA

³ Jahagom jingat mun po Allah bibon ei Nungug Peor pima bou jiyai him tu. Noni hwen jide bat nya di ikuk yok bak Baal ei sirima yahagom bingwig.

NINDAT KEP TUHAN NICUKTI NYA 4:3 ပူးပေါင်းရင်းမြစ်များ

YEHEZKIEL 20:18

Noro dipingok ei pilei di ingat rin ei ikieti nya ingonti bidipai ‘Ma jibit nidimigsi nya di jidigup bat-jidigai bat nya ibon ei su nya bijiyai bram igyai kepti nya cem au. Ma jibindei ba, map kui jeti tug hon gi jikuk je bak jidigup bat-jidigai bat nya ide kwar di ikuk yok bak nya au.

HOSEA 9:10

tuhan pai “Nimbie him ngat di dittau kep mben Israel ne dingon nggei-hi-nggei bidem kep no di ttau kep ba anggur nghousi ei iggum ndigsi. Nimbie him ngat di dingat jidigup bat-jidigai bat nya ne dingon kei bidem kep no di ngat biei ara ningat gi nimbie him ngat. Noro mpe di yoni yuug krau Nungug Peor ne ikinyon ei nikuk no bak kwar Baalti. Apino map di kui kwar di ingon ngakei dimati kui yokti bu.

MBEN ISRAEL IMBUT-MBUT NYEN 26:64

Leu yo po Musa kin Harun ipas kep inyeng ei iggum ndigsi Sinai nipou pima ne hi di niyaijo yo bu bi.

MBEN ISRAEL IMBUT-MBUT NYEN 31:16

Jikan kep bipia sop dima yok rino ibit Bileam nipingok yokti bihwen limwa mben Israel ingonti leu binhyepo iba inghim bak tuhan ei Peor pima bi e? Ba, igyai munti dima bindei di nsuwer ajar pima cut igkep tuhan de limwa nya!

NINDAT KEP TUHAN NICUKTI NYA 11:7

Jit, jeni rino jingat mindur di tuhan bibon nya hagom bou jiyai him tu.”

NINDAT KEP TUHAN NICUKTI NYA 4:4

Noro je dino jingon gom tut tuhan di nok jide Allah ei mpia dima ne jiyaijo kikau kwei bipek ammani kep.

YOSUA 22:17

Apo jiyok ngon kep ide sisar po ibon ei Peor pima bi e? Mpe dima lene mbro nok gino nyeni ne tuhan de limwa nya rin lo, Noni ba nsuwer ajar bikes hukum ei nye dip. Lene ninghuisi wei di ntun him no buhun tak nye kwei bipek ammani kep yo. Apo ninghuisi wei dima dem mem nye bigyo e?