NINDAT KEP TUHAN NICUKTI NYA 4:29 - ALLAH NIHYET MEM TUNGWATU NYA

²⁹ Mpe dima ne mijinggok tut tuhan di nok jide Allah ba, gino jiba jingon di gom binggok tut Noni lene mijingat Noni.

NINDAT KEP TUHAN NICUKTI NYA 4:29 ပူးပေါင်းရင်းမြစ်များ

NIBOU NDIG NYA GI NICAN 23:3

Tirigi noni ya kui dihim gom di ipigig sut ei mem nibou ndig bipreu ei mem tuhan bipia miba ningon titut kin ninnei titut bibit tuhan nihyet kin nicuk Nide limwa nyati hagom. Lene preu ei bipia noni miyai kep midyai po nidigup bat-nidigai bat nya ipreu sut ei nipou su pima bit leu nok gi ipas ei srat niggai serti dima. Lene nide limwa nya cem ipreu sut ei mem tuhan bipia yoni mibit Nide gi preu ei mem yoti.

NIBOHON MBEN ISRAEL GI NICAN 15:12

Lene ipreu ei bak tuhan bipia yoni miba ingon kin innei titut yam bibit idigup bat-idigai bat nya ide tuhan Allah ningon kanti.

NIBOHON MBEN ISRAEL GI NICAN 15:15

Limwa nya yahagom igyai nillei noyam. Lewo iba ingon titut yam bicom ighyet tug hon neheng dima tu. Iba ingon di llei bikuk yok bak tuhan bitig dino tuhan cem joi sut yok. tuhan bindei ba, nibong kei nigwam kei kieng kep ide minu di inyeng tak kepti nya hagom.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 15:4

Noro mpe dino mun di buhun cut igkep yok lene yahara bak tuhan Allah Israel leu binhyepo mpu yok. Yahara Noni bindo ningon kanti biyok lene Noni ndo biyok.

NIBOHON MBEN ISRAEL GI NICAN 31:21

Ningat di kei ntun him mun di Nibou Ndig Hizkia bon nya hagom. Lewo ba ningon di gom kin ningon di ngakei nide tuhan Allah bibindei mbut midyai ei tuhan De Ig bibit tuhan niggai serti nya cem.

NEHEMIA 1:9

Ne gino jikiek je bijitti kin Da hanyen bu bijibit dicuk jeti nya ne mbro nok gino dijji je ug ei minu nohon keti lo, midibuwak je hanyen kwei ei minu di didimig ei mem tungwatu nya ikuk yok biDa eisi.

NEHEMIA 9:27

Gima rino asindui sut ide siceu nya bihwen yok leu api inyeng tak kep yok. Tirigi mun di buhun cut igkep Ade limwa nya lene yahara Na di Allah leu binhyepo ampu yok. Leu api abirop ighyet hanyen kwei leu gwamti. Angondut yok ba, ata nibou kin nikon pran cig nya mem gima iteu yok bingwes ngun leu ide siceu nya inda nsi.

MAZMUR 119:10

Diba dingon gom biyai hamem gi dikuk da biNati. Asindui sut ba, dikriek leu Ade nicukti au.

MAZMUR 119:145

tuhan e, diba dingon titut bahara bak Nani. Abuhup dihyet leu api midibit Ade nicukti nya.

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

MAZMUR 119:58

Diba dingon titut bahara Na leu binhyepo angon nggriu sut da ba, angondut da bit leu Ade nipreu ei mem dati.

YEREMIA 3:10

Tirigi ibon mun dima yok hagom leu su lene timiei Yehuda nya di ingon gom tut Da bi pima iba ingon can bingkwei hanyen ndam Da. Lewo ingon sren hak bi. Da di tuhan disimbot dat tu.”

YEREMIA 51:50

tuhan pai bak mben Israel di ibong ei minu Babel “Jingwes ngun leu nimai tu! Ma jikiju bijimbut nogindini hak ug! Ma jigwam-gwam nyen ei au! Mbro nok gino jingat rin ei minu ting leu jitimieisi lo, ma jiyok ngon kep jide tuhan di Dani kin minu ndig Yerusalem cem.

YEHEZKIEL 6:9

ibong ei ingkiaisi. Tirigi igwam ei ingkiaisi lene yoni migyok ngon kep Da bingon huk niti bipia dikes hukum ei yok dip ba, dibinim kep yok cem drek dip gi ingon gom tut Dani bi ba, iba inghim biDa lene iba kwar di ikuk yok bak nya biluei Da cem. Leu api ingon him wei sut yonti njem hanyen tut mun nyeng hagom di kinei bibor kin gi suwok bibor di ibon tu nya.

YOEL 2:12

tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

AMOS 5:4

tuhan pai bak mben Israel “Ma jingkwei hanyen ndam Da leu api mijiyai niyaijo.

NINDAT KEP TUHAN NICUKTI NYA 10:12

“Je di mben Israel e, nogindini ma jingig jitingou mem mun di tuhan di nok jide Allah joi sut leu je. Ma jiba jibou coi mem Noni ba, jibit nicuk jeti nya ba, jingon ngakei Noni ba, jiba jingon titut biyai kep Nide midyai nya cem.

NINDAT KEP TUHAN NICUKTI NYA 11:13

Gima rino ma jibit nicukti nya di ditri tut bijeni njap di ammani. Ma jingon ngakei jide tuhan Allah lene ma jiba jingon titut kin jinnei titut bikuk je bak Noni.

NINDAT KEP TUHAN NICUKTI NYA 26:16

“Njap di ammani tuhan di nok jide Allah cuk je bipia suar jibit Nide nicukti nya hagom. Gima rino ma jiba jingon gom kin jingon titut bibit hagom.

NINDAT KEP TUHAN NICUKTI NYA 30:10

Noro suar jibit nihyet ba, jiyok ngon kep nicuk jeti nya di dipas kep ei Nide srat nicukti hagom. Suar jiba jingon titut bikwei hanyen ndam Noni.

NINDAT KEP TUHAN NICUKTI NYA 6:5

Ma jiba jingonti titut kin jinnei titut kin jide nisindemti titut bingon ngakei tuhan di nok jide Allah.

YOSUA 22:5

Ma jisok kep jenti ser nhyema jibit nicukti nya di Musa tri tut bije. Ma jingon ngakei jide tuhan Allah ba, jibit ningon kanti cem jibit nicuk jeti nya ba, jingon gom tut Noni cem lene ma jiba jingon titut kin jinnei titut yam bikuk je bak ba, jinok Nide awak nya.”

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”