NINDAT KEP TUHAN NICUKTI NYA 4:28 - ALLAH NIHYET MEM TUNGWATU NYA

²⁸ Mijikuk je bak nung di ngkiai nya ibon bou inda him nok kwar di iba biei kin tig bibon di bit bon ingat mpia bi lene imiap mun bi lene igyem njita bi lene itinip kan bi au.

NINDAT KEP TUHAN NICUKTI NYA 4:28 ပူးပေါင်းရင်းမြစ်များ

NIBOU NDIG NYA GI NICAN 17:40

Noro yo di ibong ser Samaria nya igimiap Nihyet bi ba, ikrau kep igyai kepti nya di jo habiei kwei su dima bingkiem.

YESAYA 26:14

Yo dima imai bihigom tu ba, ingwes mikiju hanyen bu bi. Lewo abindei yok bisar ba, aciu ser niyok ngon kep yokti leu tungwatu nya intin tu.

YESAYA 44:11

Ningat ne yo di ikuk yok bak kwar nya mimmai sut yonti. Neheu kep kwar cig nya inok tungwatu dihyeisi dini he. Gino jicuk yok ug ei nikei noho bei ne yoni mittin tut ba, immai sut yonti.

YESAYA 44:12

Tukan ngkimom yai ngkimom nitu ninggop gom bikes ei hum di dut biborti lene tug-tug nyen. Noni ta nibou eisi ba, nahanggwap mbilen leu api nggum binggobiau cem apino ninghuisi wei.

YESAYA 44:9

Neheu kep kwar cig nya yahagom ikinei-kinau ba, ide kwar di inggei sut nya hagom mikui-kausi he. Yo di ikuk yo bak kwar dima yahagom igyai tu ba, ingon mbum apino mimmai sut yonti.

YESAYA 45:20

tuhan pai “Je di timiei ngkiai nya di jingwes ngun e, ma jinduk yam kwei! Yo di ittei yam kui-juk nyen tut ide kwar nya bingat nadi bak ide kwar di bit bon teu yok bingwes ngun kan bi yahagom ingon mbum bibor.

YESAYA 46:7

Noni cim kwar nimbumbati nya eisi leu api tas ei nijoti ba, bit bon kwar dima son-son nyen biya ser kan bi. Gino tungwagom ngat nadi bak lene bit bon kwar buhup nihyet biteu noni leu mun di buhun di cut igkep noni kan bi.

YEREMIA 10:3

Mun di ikuk yok bak bit leu igyai kepti nya bon ninyeng bi bibor. Yuug wim biei ei bahamti leu api icuk tukan biei leu binhyepo bibon biei dima nok kwar di tungwatu nya ikuk yok bak.

YEREMIA 10:5

Kwar dima dem kep nok tungwatu di nijit bi nya di imbrap kan bi ba, imbut imig cem kan bi di itas ei miai bimen dumti. Ba, suar tungwatu nya ikon-kon nyen yok he. Gima rino ma jittin mun dima yok au. Lewo dem mem gima ibon mun di kinei sut je ba, isindem mem gima ibon mun di kei sut je cem kan bi.”

YEREMIA 10:9

Iba mas kin perak di igyai kwei leu minu Spanyol kin minu ndig Ufas birap kin kwar dima. Gima yok hagom ne mun nibon bou ninda him leu nikilis kep mun cig nya kin nikinding kep mas cig nya ri. Iba minghas di nok nghei nta di pimber kin gi sieng kei bibon kwar nya ide sinsun. Nibien kep minghas cig nya iba ingon di sok kep yonti binap sinsun dima nok mungkun kei.

YEREMIA 16:13

Gima rino midicok tut je leu minu dini bidicom je ug ei jingkiaisi di jeni kin jidigup bat-jidigai bat nya jingat bou jiyai him bigyo. Mijikuk je bak mbrei nya ide nung nya mem mmun-njap ei minu dima noro midingondut je bi.’ ”

YEHEZKIEL 20:32

Jibindei jenti ba, jinoyam kin ngkiai nya kin timiei minu hiter nya di ikuk yok bak biei kin tig. Noro jingon kanti dima mipek kep mem je bi sren.’ ”

YEHEZKIEL 20:39

tuhan Di Ninyeng Jei Bibor pai “Je di mben Israel e, nnaba jiyai mun bit leu jingon kanti. Ma jibindei mbut nibon kep sisarti hak tug hon gi juug kuk je bak kwar hak ug! Noro ma jiyok ngon kep bipia niabiati bu ne mijibit dihyet. Ma jikwas munkwas tut jide kwar di jikuk je bak dima ba, jibindei dinyeng di kwes-kwau bikinei bu au.

KISAH 19:26

Nogindia jingat bou jiyai him bijimiap ei jitingou nsi cem tut no di Paulus bitut ningginau tungwatuti. Noni tri tut bipia kwar di ikuk yo bak di tungwatu ibon bou inda him dima ne nitrowai he. Ba, noni pingok timiei minu ndig Efesus dini he ingonti bi noro pingok timiei hanjop Asia nisurti-nipekti ingonti cem ba, imang bibor itti kin noni.

KISAH 7:42

Gima rino Allah ba ningha biyok bisindui sut yok leu api ikuk yok bak ham nya ei mpia-bbed him. Gima hagom bit leu nok nabi nya ipai ei srat nyati tu bipia, ‘He je di mben Israel e, jikuk je biDa tirigi jibon midut nibui mindhe tut ninggromti mem ari bingwam ningot bitai ei iggum ndigsi pima e? E bi!

NINDAT KEP TUHAN NICUKTI NYA 28:36

tuhan micom jeni kin jide nibou ndig ug ei jingkiaisi di jeni kin jidigup bat-jidigai bat nya ikan tut bi. Ei sirima lene ngkiai nya mikuk je nok awak mem nung di ikuk yok bak di iba biei kin tig bibon.

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.

NINDAT KEP TUHAN NICUKTI NYA 29:17

Jingat mben dima ide kwar di kinei bibor di ikuk yok bak di nyeni ingat lo, igyai kou di iba biei kin tig kin perak kin mas bibon nya.

NINGAT-HI-NGAT NYA 9:20

Noro tungwatu nindigsi nya di igyai nimai tug hon mun di buhun ninyeng ningai dima bi ikiek yok leu mun di ikuk yok bak bi. Ikuk yok bak ninnei rom nya kin kwar nya kikau. Kwar dima ne iba mas kin perak kin ngkimom-tembaga kin tig kin biei bibon ba, bit bon mun dima yok ingat mpia cem imiap nihyet cem imbut imig cem kan bi.

SAMUEL GI NIGOM 26:19

Andigpoi e, ma angig atingou mem dihyet dini ug e. Gino tuhan rino cuk na di Andigpoi mem gima ahwen bit da lene Noni mibindei cut nigga dati dima tug hon mindhe di dibui bidindig ei nimbar hum dokti hak ug. Noro gino tungwatu nya rino icuk na di Andigpoi mem gima ahwen bit da lene nna ba tuhan misigion yo dima! Lewo igyai munti dima huk ade awak di dani leu tuhan de dihyei apino bitig dino dipri kwei ei dingkiaisi dini bidikuk da bak kwar ngkiai nya ide.