NINDAT KEP TUHAN NICUKTI NYA 4:27 - ALLAH NIHYET MEM TUNGWATU NYA

²⁷ Noni mibindei ntek je srig ngkiai nya ikieti leu api jibou poi he mijingwes ngun.

NINDAT KEP TUHAN NICUKTI NYA 4:27 ပူးပေါင်းရင်းမြစ်များ

NITRITI 11:4

Lene ipai biyam bu “Jikwei ba, iwin minu ndig nijep bu bitut ig di ibon ninggre di jo-jo yam dip anai kui sur mpia-bbed him. Leu binhyepo ibiyai inyeng di jei ba, intek gimahap bidem dihyei nisurti-nipekti hagom bi.”

NITRITI 34:30

Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

NEHEMIA 1:3

Lene ibuhup dihyet bipai sut mun di nggruk bibor di cut igkep yo di ingwes ngun di ingkwei hanyen ug ei itimieisi drek dip ngkiai nya di ibong timiei ei minu dima di ingwes pri gau yok. Ipai bida bipia hi kinding ngug tig di bikrop ttai minu ndig Yerusalem di nggek sinsiou kin dimbou pmem di itu ei ngug tig dima bigyo. Hum yem hagom bingwig bikinei kikau kwei bipek ammani kep.

MAZMUR 106:27

Noni micom ide nintun him yamti di bram yam nya ug ei ngkiai nya ikieti lene bindei ntek yok bintek gimahap ug ei ingkiaisi.

MAZMUR 44:11

Asindui sut ba, ninang leu siceu yoho bei leu api ipos ndigban hagom bingwig leu nye.

MAZMUR 44:12

Asindui sut ba, ibui nye binimai sinsiou noyam kin domba di ikos ikimam di icom ingut sinsiou nya. Abindei ba, nintek gimahap binibong ningkiaisi.

YESAYA 17:6

Mben Israel ibou poi he mingwes ngun ba, gima noyam kin biei zaitun di ipuk ningat nya bingwig leu. Noro ningat poi he di jo igbit ninggrupti nya. Da di tuhan Allah Israel disimbot dat tu.”

YEREMIA 16:13

Gima rino midicok tut je leu minu dini bidicom je ug ei jingkiaisi di jeni kin jidigup bat-jidigai bat nya jingat bou jiyai him bigyo. Mijikuk je bak mbrei nya ide nung nya mem mmun-njap ei minu dima noro midingondut je bi.’ ”

YEHEZKIEL 11:16

Ipai nok lo, ma atri tut Ditde nisokti dini bak asut bat nya di ingat rin ei ingkiaisi bipia Dani rino dicom yok ting bibor ug ei ngkiai nya ikieti ba, dibindei bintek gimahap ug ei minu dima yok. Noro dingat rin bit yok mem nijam di ingat rin ei ingkiaisi.

YEHEZKIEL 12:15

Mpe dino dibindei bintek gimahap ug ei ngkiai nya ikieti lene yoni mikan tut bipia Dani ne tuhan ri.

YEHEZKIEL 20:23

Gima rino tirigi ingat rin ei iggum ndigsi ne diba neheng bipai kep yok bipia midibindei ntek gimahap yok bibong bidem dihyeisi dini nisurti-nipekti.

YEHEZKIEL 22:15

Midibindei ntek gimahap ade limwa nya yahagom bibong bidem minu ngkiai nya hagom bidibindei ba, abikes hon ade nibon munti di kinei bibor nya.

YEHEZKIEL 32:26

Minu ndig Mesekh kin Tubal ingat rin ei mpia dima ba, ide tentara nya ijui bigahai yonti ijui a. Yahagom ikrop ei pranti nipou tirigi igyai midut sunat bigyo. Tirigi igyaijo yo ne ibindei ba, ningon ttin biborti kiju ei dihyeisi dini.

DANIEL 9:7

tuhan e, ayai munti nya hagom igbit. Noro nye di timiei minu Yudea kin minu ndig Yerusalem kin mben Israel di abindei binintek gimahap ug ei ningkiaisi kin minu di dideu nya hagom drek dip ningon gom tut Na bisi lene gima bindei ba, nimmai sut nyenti.

HOSEA 9:17

Allah di diyai midyai mem mirok Nide limwa nya ei drek dip gi ikou sut ingig itingou mem nihyet. Yoni mimbut bibong-bong wai bidem dihyeisi dini bisrig ngkiai nya ikieti.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

ZAKHARIA 7:14

Dicok tut yok noyam kin sigau di nimig ten di cok tut yok apino bitig dino ibong ei ingkiaisi nya ug a. Leu api dihyei di nipou nnum kei dini wer mpia di ngoi-nga ba, ha he bong cem drek dip hi di bong ser dihyei dima bi.”

NINDAT KEP TUHAN NICUKTI NYA 28:36

tuhan micom jeni kin jide nibou ndig ug ei jingkiaisi di jeni kin jidigup bat-jidigai bat nya ikan tut bi. Ei sirima lene ngkiai nya mikuk je nok awak mem nung di ikuk yok bak di iba biei kin tig bibon.

NINDAT KEP TUHAN NICUKTI NYA 29:28

tuhan nigga biborti kum eisi nindig bibor. Lene ba nigga biborti dima bohom mben Israel leu itimieisi ba, com yok nok awak ug ei ingkiaisi apino ingat rin ei sirima kikau kwei bipek ammani kep.’

NINDAT KEP TUHAN NICUKTI NYA 30:3

tuhan di nok jide Allah mingondut je. Noni minduk je hanyen kwei leu jingkiaisi di Noni com je eisi leu api mibindei ba, jibong kei jigwam kei hanyen.

NINDAT KEP TUHAN NICUKTI NYA 32:26

Dibungwam mem gima dihwen yahagom bimai bingwig ser nhyema hiter igyok ngon kep yok bu bi.