NINDAT KEP TUHAN NICUKTI NYA 4:26 - ALLAH NIHYET MEM TUNGWATU NYA

²⁶ Gino jibit dihyet bi lene mpia-bbed him kin dihyeisi dini mitou kep je nok tungwagom di mipai brei sut jiyai munti nya lene jei bi mijipror hak leu minu di jibong kei jigwam kei eisi ei Minyei Yordan nite dima ug ug ri. Mijibong ser minu dima mem nituti poi he leu api tuhan mibindei ba, jimai bijingwig.

NINDAT KEP TUHAN NICUKTI NYA 4:26 ပူးပေါင်းရင်းမြစ်များ

NITRITI 19:13

Lewo minicok tut minu ndig dini ningwig ug ri. Timiei minu ndig dini inghapti di kinei bibor tibim ei tuhan nitingou nsi tu ba, Noni cuk nye kwei leu binhyepo nicok tut Sodom bihigom.”

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YEREMIA 16:13

Gima rino midicok tut je leu minu dini bidicom je ug ei jingkiaisi di jeni kin jidigup bat-jidigai bat nya jingat bou jiyai him bigyo. Mijikuk je bak mbrei nya ide nung nya mem mmun-njap ei minu dima noro midingondut je bi.’ ”

YEREMIA 2:12

Gima rino mpia-bbed him e, ma augwa-kwei ba, anggap leu cem adigit tut cem!

YEREMIA 22:29

Minu tde ug o, ma angig atingou mem mun di tuhan pai bije,

YEREMIA 32:24

Mben Babel ingot ig ninggilai nut yam bijo anai mem ibiyon ttai minu ndig nya mem gima ibiyai minu ndig dini bigyati tu. Ba, ikinyon ei nihwenti cem tu. Pran kin ninggum kin nsuwer ajar mibindei ba, minu ndig dini cut ei indati. Angat bipia mun di asimbot dat nya hagom pek kep bijo nibreisi tu.

YEREMIA 44:22

tuhan om ningonti tut gi ngat jibon munti di kinei kin gi suwok dima bu bi tu. Gima rino nogindini jitimieisi timek tu. Tungwatu ibong ser bu bi noro iba minu dima ninyeng bisigion yam. Yo di ingat gima yok nya igyai ttin ningat tu.

YEREMIA 6:19

Dihyei ni e, ma ayok ngon kep! Ditde limwa nya ijoi sut Ditde nipingok yokti nya bibit dihyet bi. Gima rino midiyok nisinsiou ei yokti drek dip ide niyok nihyet mem yamti nya.

YEHEZKIEL 33:28

Midibindei ba, itimieisi dima noyam kin iggum ndigsi kin ha ngunti leu api ide nisindemti di ingon jei sut mingwig hon nohonti. Nungug him ei minu Israel minok baham nitindurti di mpia mbum-bra apino bit bon hi tin puig di bikwam ug eisi bu kan bi.

YEHEZKIEL 36:4

Gima rino nungug nya kin mbigdip nya kin minyei pmot nya kin mbang briep nya kin minu ndig di wer ig kum kroi di ide timiei nya ikes bijo ei tu nya kin ngkiai nya di ibong ttai nya di ipos ndigban leu yok biba ighyet bicig yok cem e, ma jingig jitingou mem nihyet di tuhan Di Ninyeng Jei Bibor pai bije.”

IMAM NYA IDE MIDYAI 18:28

Gino jibindei map kui jide dihyei dimati lene tuhan mirok je bijji je leu jide dihyei cem noyam kin timiei minu Kanaan po rok yok bijji yok leu ide dihyei pima.

MIKHA 1:2

Je di ngkiai nya ei dihyeisi dini hagom e, ma jingig jitingou mem dihyet! Je di jibong ei dihyei dini nisurti-nipekti e, ma jimiap kep dihyet! tuhan Di Ninyeng Jei Bibor mikwei nok no di ngat mun nyeng hagom bou niyai him bipai kep jahagom! Ma jimiap kep nihyet di tibim kwei leu Nide Ig di kwes-kwau ei gwamti.

MIKHA 6:2

Mbigdip nya kin dihyeisi dini nikiou nya e, ma jingig jitingou mem tuhan nihyet di pai kep mben Israelti! Lewo Noni mipai kep mben Israel ei nikei noho bei biwit huk yok drek dip.

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

NINDAT KEP TUHAN NICUKTI NYA 11:17

Leu gino jinjiriek tuhan nicuk jeti dima lene Noni migga jeni bibindei but biget mem jide dihyei bi ba, jide dihyei mingak-cai apino njita di jindim eisi nya mingat ningat bi. Mbro nok gino dihyei di Noni yai bije dima nnum kei lo, jei bi lene mijimai hak eisi.

NINDAT KEP TUHAN NICUKTI NYA 28:20

Gino jibon sisar di kinei ba, jirok tuhan ei cem lene mun di buhun micut igkep je ba, nibou buweisi mikieng kep je kin jide midyai hagom nggruk bibor cem. Apino hagom mibindei sar jeni bibor hak ei nijam di jei bi.

NINDAT KEP TUHAN NICUKTI NYA 28:22

tuhan mibindei ba, ninggwenti di kieng kep tungwatu nya yahagom micut igkep jeni ba, jidwoi-dwoi nyen ba, jingkek dut bibor cem. Noni mibindei ba, ngei ndung cut bihwen mun di hagom bi ngak-cai cem hou di bindei ngkiong mun nyeng hagom mihwen jide gandum di ningat ntun him tu hagom bikinei bingwig. Mun di buhun bibor dima yok micut igkep je kikau ba, jibisar kep.

NINDAT KEP TUHAN NICUKTI NYA 28:45

Mun di buhun dima yok hagom micut igkep je lene miwaisi kep je kikau ba, juug bisar ug. Lewo jibit jide tuhan Allah nihyet ba, jibon igbit niggai serti nya di Noni tri tut bije bi.

NINDAT KEP TUHAN NICUKTI NYA 28:61

tuhan mibindei ba, ninggwenti nya ninyeng mang bibor kin nsuwer ajar di ipas kep ei Srat tuhan Nikos Tutti Nya dini bi micut igkep je. Leu api ninggwenti dima yok mibindei sar jeni.

NINDAT KEP TUHAN NICUKTI NYA 29:28

tuhan nigga biborti kum eisi nindig bibor. Lene ba nigga biborti dima bohom mben Israel leu itimieisi ba, com yok nok awak ug ei ingkiaisi apino ingat rin ei sirima kikau kwei bipek ammani kep.’

NINDAT KEP TUHAN NICUKTI NYA 31:28

Gima rino ma jinduk jide nibou mben nya kin yo di inyeng jei nya yahagom kwei bigya ei doho bei leu binhyepo dindat kep dihyet pini hagom ei itingou nsi. Leu binhyepo mpia-bbed him kin dihyeisi dini mitou kep yok nok tungwagom di mipai brei tut igyai munti nya.

NINDAT KEP TUHAN NICUKTI NYA 32:1

“Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet.

NINDAT KEP TUHAN NICUKTI NYA 7:4

Leu binhyepo yoni miris jimunggwom bat nya leu tuhan ndam nung di yo dima ikuk yok bak nya au. Gino mun dima cut igkep je lene tuhan ningon misibui sut je leu api Noni mihwen je bijingwig.

NINDAT KEP TUHAN NICUKTI NYA 8:19

Ma jingon prion ser tuhan di nok jide Allah ba, jikuk je bak nung nya bijibon jenti nok awak mem nung nya cem au. Disok kep je njap di ammani bipia gino jiyai nok gima lene tuhan mikes hukum ei je dip bijimai bijingwig.

NINDAT KEP TUHAN NICUKTI NYA 8:20

Gino jibit tuhan di nok jide Allah nicuk jeti nya bi lene Noni mihwen je bijingwig dem kep nok ngkiai nya di Noni hwen yok bingwig tirigi jikieng kep ide minu dima.”

YOSUA 23:16

gino jitunggwei gi preu di jide tuhan Allah yai bije. Gino jibit bi lo, jikuk je bijinggei sut nung di ngkiai nya ikuk yok bak lene tuhan migga jeni bikes hukum ei jeni dip leu api jigom ngat migwam ei minu di kei di Noni yai bije dini bu bi.”

YOSUA 24:20

jikes Noni leu ba, jikuk je bak nung nya dima kan bi. Mbro nok gino Noni yai gi kei bije nipou su lo, Noni mikou sut je bikes hukum ei je dip kikau bibou jahagom jimai bijingwig ug e.”