NINDAT KEP TUHAN NICUKTI NYA 4:24 - ALLAH NIHYET MEM TUNGWATU NYA

²⁴ Lewo tuhan di nok jide Allah dem kep nok hum di cig-cai ba, Noni kou sut mun di jikuk je bak nya.

NINDAT KEP TUHAN NICUKTI NYA 4:24 ပူးပေါင်းရင်းမြစ်များ

NIBOU NDIG NYA GI NICAN 24:20

Gima rino tuhan ningon sibui sut timiei Yehuda kin minu ndig Yerusalem nya nindig bibor bijji yok bingwig leu niyai him.

MAZMUR 21:9

tuhan mibindei sima Nide siceu nya yahagom lene mikat yo di yahagom di ingon sibui sut Noni cem.

MAZMUR 78:58

Isrep huk Allah tug hon ide mpia di iwin mem ibikuk yok bak kwar nya. Ibindei ba, ningwak mbriu sut yok tug hon ide kwar di ikuk yok bak nya.

NEHEI LEUSI 15:7

Acok tut Ade siceu nya yahagom tug hon Ade nikei-kau-keisi tu. Angon di sibui sut yok dem kep nok hum di sror ba, yem yahagom dem kep nok hum yem gandum nintam.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 24:17

Mben Israel ingat nipigati dima nok hum di yem mbigdip.

NEHEI LEUSI 33:3

Ma jimbut ug ei minu jep di bon ninnumti di kei bibor kei. Noro Dani midingat rin bit je bi leu binhyepo dicok tut je ei puig sinon bi. Lewo jingkek ndok bibor.”

NEHEI LEUSI 34:14

Harin dima jikuk je bijinggei sut kwar nya a. Lewo Dani ne tuhan rin ba, di nok Allah di kou sut kwar nya.

YESAYA 10:17

Allah di kwes-kwau di ninyeng Nipigati Israel dem kep hum njeng di yem mun nyeng hagom bitut war nggig-nggwen nya cem bingwig hak ei njap ngom ngat.

YESAYA 30:27

tuhan de nisindemti kin ninyeng jeisi jo brei mem nye leu Nide mpia di ting tu. Hum kin hum mmup bindo tut niggati. Ba, Noni mbrap lene nihyet noyam kin hum di yem mpia.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

YESAYA 42:8

Dangkom he rino jide tuhan. Midikwas Ditde nikei-kau-keisi ndrim hi tut kwar di tungwatu nya ikuk yok bak bi sren. Midisindui sut ba, tungwatu nya inggei sut Dangkom he. Ma inggei sut kwar nya au.

AMOS 5:6

Ma jingkwei hanyen ndam tuhan leu binhyepo jiyai niyaijo. Gino jingkwei hanyen ndam Noni bi ne Noni mijuk kwei noyam kin hum di cig-cai biyem mben Israel bingwig. Bit bon timiei minu ndig Betel nya imu hum dima kan bi.

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

ZEFANYA 1:18

Bit bon yo dima ide mas kin perak di inyeng tut nya giteu yok bingwes ngun mem njap di tuhan ndo nigga biborti kan bi. tuhan de nigga biborti di nok hum di cig-cai miyem dihyeisi dini titut yam bitimek bindung-ndiem. Noni muhun tungwatu dihyeisi dini hagom innei leu insi kros.

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

MBEN ISRAEL IMBUT-MBUT NYEN 25:11

“Imam Harun nignyon Pinehas di Eleazar nipmot brim ningkek ba, nyohou dinyeng di jei bibor ei mben Israel ikieti. Apino Ditde nigga yo dima biborti kes hon tu ba, dibindei sar yok bi.

KORINTUS GI NIGOM 10:22

He ma ijoi sut Tuhan ningon kinei sut nye e, he isindem njiriek Noni e?

NINDAT KEP TUHAN NICUKTI NYA 29:20

tuhan mikos ser no dima niyai munti di kinei dima bi. Noro noni mitug ndei tuhan nigga biborti di kui mpia ba, mun nyeng di buhun bibor di ipas kep ei srat diniti micut igkep noni kikau bibou tuhan icok tut noni bihigom ug e.

NINDAT KEP TUHAN NICUKTI NYA 32:16

Gi ikuk yok bak kwar nya bindei ba, tuhan ibou dut ser yok. Gi icut ei sisarti bindei ba, ningon sibui sut yok.

NINDAT KEP TUHAN NICUKTI NYA 5:9

Harin dima jikuk je bak kwar di nok gima bijinggei sut a. Lewo Dani ne jide tuhan Allah rin ba, dem tut gima jiba Da bingon mun nyeng hi cem bi. Lewo midikes hukum ei yo di ikinei sut Dani dip kin ide nintun him yamti di bram yam nya dip bitut ignyon bat-idrot bat nya kin yo di intun yok him bram yam cem dip.

NINDAT KEP TUHAN NICUKTI NYA 6:15

Gino jikuk je bak nung nya lene tuhan di nok jide Allah ningon misibui sut je apino mijimai bijingwig. Lewo tuhan di nok jide Allah di ningat rin ei jikieti kou sut gima jikuk je bak nung nya.

NINDAT KEP TUHAN NICUKTI NYA 9:3

Noro mijingat bou jiyai him bipia tuhan di nok jide Allah miya bibie joho njap di ammani ba, Noni minok hum di cig-cai. Noni mihwen yok bingwig sindam tirigi jikieng kep ide minu. Apino mijijji yok ba, mijihwen yok bingwig haninyai bit leu nok Noni preu ei mem je tu.

IBRANI 12:29

Lewo ide Allah dem kep hum di cig-cai di bindei timek mun nyeng hagom.