NINDAT KEP TUHAN NICUKTI NYA 4:23 - ALLAH NIHYET MEM TUNGWATU NYA

²³ Gima rino ma jingon sok kep jenti ser nhyema jingon prion ser gi preu di tuhan preu ei mem je au. Ma jibit nicuk jeti nya ba, jibon kwar di jikuk je bak nya hi bou jinda him au.

NINDAT KEP TUHAN NICUKTI NYA 4:23 ပူးပေါင်းရင်းမြစ်များ

NIBOU NDIG NYA GI NICAN 17:38

Ma jibbwe ser mun di Dani kin jeni ipreu kep yam tut nipou su au.

NIBOHON MBEN ISRAEL GI NIGOM 16:15

tuhan yok ngon kep Nide gi preu di preu ei mem nye. Nipreu eisi dima bon ninyeng bijo ninno bijo kikau.

NEHEI LEUSI 23:13

Ma jiyok ngon kep Ditde nicuk jeti nya hagom. Ma jikuk je bijahara bak ngkiai ide nung di ikuk yok bak nya au. Harin dima jindat kep nung dima ninyenga.”

YESAYA 24:5

Nirom mikui dihyeisi dini tug hon timiei nya di itunggwei Allah nicukti nya di iba Nide nidimig sutti nya bikek ba, ingkek ndok tut Nide nipreu ei mem yokti nya cem bijo ninno bijo kikau.

YEREMIA 31:22

Je di jingon gom tut Da bi e, jihig jingon eisi kikau buug ei apig bu i? Dipai tes mun di nijep-jau bu ei dihyeisi dini tu. Mun dima rino no di pinai gwam coi no di sop.”

YEHEZKIEL 16:59

tuhan Di Ninyeng Jei Bibor pai “Midibibon na bit leu ade nibon munti nya. Lewo aba angha bak ade nehengti ba, abitunggwei Ditde nipreu ei mem nati cem.

YEHEZKIEL 8:10

Gima rino dicoi kak dimbou bidingat lo, hi kilis bidem wou nyeng hagom kin mindhe-ndhe di ipigig sut nindigsi nya ei dring tig di ninsi dimati. Ba, ibikilis kwar di mben Israel ikuk yok bak nya cem ei dring tig dimati.

MALEAKHI 4:4

Ma jiyok ngon kep Ditde awak di Musa ningginau jeti nya. Ma jikan kep dicuk noti nya kin niggai serti nya di diyai binoni ei Nungug Sinai leu binhyepo mben Israel yahagom ibit.

MBEN ISRAEL IMBUT-MBUT NYEN 15:39

Sinsun bou mbu dima ne mun nibiyok ngon kep ri. Bikwop mpe di jingat gima yok lene ma jiyok ngon kep dicuk jeti nya hagom ba, jiyai igbit. Tug hon nisinati dima mijibbwe ser Dani leu ba, jibit jenti jingon kanti kin jingon pri kepti nya bi.

MATIUS 24:4

Yesus buhup “Ma jitindei ser tungwatu nya leu binhyepo hi ris bije bibindei ba, jisrawir au.

LUKAS 12:15

Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

LUKAS 21:8

Noni buhup “Ma jitindei ser tungwatu nya leu binhyepo hi ris bije bijisrawir au. Lewo tungwatu nya imang bibor iba dinyeng bipai sut yonti bipia yoni ne Da rin cem tto bou dem tu cem. Noro ma jibit ighyet au.

NINDAT KEP TUHAN NICUKTI NYA 16:22

Lene ma jitas dihim tig mem gima jibikuk je bak cem au. Lewo jide tuhan Allah kou sut niyai munti dima.

NINDAT KEP TUHAN NICUKTI NYA 27:15

Suar keret Lewi nya itri tut ‘Ma tuhan sigion yo di iba tig kin biei kin ngkimom nitu bibon kwar ba, ikuk yok bak niku lewo tuhan ningon mpo tut nikuk yo bak kwarti nya!’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 27:9

Niabiati bu lene Musa ya tut imam Lewi nya leu api pai bak mben Israel yahagom “Disut bat jen, ma jiyok jitingou kep dihyet ba, jiyok ngon kep! Njap di ammani jide tuhan Allah bindei ba, jinok Nide limwa nya.

NINDAT KEP TUHAN NICUKTI NYA 29:25

Lene nibuhupti pai nok gini ‘Lewo yoni ipigau idigup bat-idigai bat nya ide tuhan Allah de gi preu di Noni bon bit yoni mpe di Noni buwak yok kwei leu minu Mesir.

NINDAT KEP TUHAN NICUKTI NYA 31:20

Midibie tut yok ba, micoi ug ei minu di bon ninnumti di kei bibor dima bit leu nok dipreu ei mem idigup bat idigai bat nyati. Yoni migyem kep njita ninyeng hagom nok gi dem mem yok apino mibong kei migwam kei ei sirima. Noro jei bi lene yoni mingkwei hanyen leu Da ba, mikuk yok bak nung nya. Yoni mirok Da ei itta leu api mikrau kep mun po dipreu ei mem yok pima cem bi.

NINDAT KEP TUHAN NICUKTI NYA 4:25

Tirigi jibong kei jigwam kei ei minu dima wer ninno ba, jibon jimunggwom bat nya kin jignyon bat-jidrot bat nya tu lene ma jibon sisar tug hon gima jibon kwar di jikuk je bak hi bou jinda him au. Mun dima ne sisar ei tuhan niyai him rin lene mibindei ba, ningon sibui sut je.

NINDAT KEP TUHAN NICUKTI NYA 4:9

Ma jiyok ngon kep mun di jingat bou jiyai him kikau ug bipek jiyaijo ningwig honti lene ma jingon prion ser au. Ma jitri tut mun dima yok hagom bak jimunggwom bat nya kin jignyon bat-jidrot bat nya.

NINDAT KEP TUHAN NICUKTI NYA 5:2

Ide tuhan Allah bon gi preu gom ei Nungug Sinai,

NINDAT KEP TUHAN NICUKTI NYA 6:12

ma jingon sok kep jenti leu binhyepo jingon prion ser tuhan po teu je bijingwes ngun leu mben Mesir di yuubon je nok awak pima au.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

YOSUA 23:11

Gima rino ma jiyok ngon kep jide tuhan Allah ba, jingon ngakei Noni.

YOSUA 23:16

gino jitunggwei gi preu di jide tuhan Allah yai bije. Gino jibit bi lo, jikuk je bijinggei sut nung di ngkiai nya ikuk yok bak lene tuhan migga jeni bikes hukum ei jeni dip leu api jigom ngat migwam ei minu di kei di Noni yai bije dini bu bi.”