NINDAT KEP TUHAN NICUKTI NYA 4:20 - ALLAH NIHYET MEM TUNGWATU NYA

²⁰ Noro Noni teu je bijingwes ngun leu minu Mesir di nok mpia po jiyai jinghuisi wei nindig bibor eisi pima tu. Lene Noni buwak je kwei ei minu dini bibon je nok Nide limwa nya kikau kwei bipek ammani kep.

NINDAT KEP TUHAN NICUKTI NYA 4:20 ပူးပေါင်းရင်းမြစ်များ

NIBOU NDIG NYA GI NIGOM 8:51

Lewo yoni ne Ade limwa nya po abuwak yok kwei leu mben Mesir po ihwen bit yok pima ide minu ri.

MAZMUR 135:4

Noni dimig yo di intun Yakub him ei mem Nonti bikon mben Israel bou No nok Nide.

MAZMUR 28:9

tuhan e, ateu Ade limwa nya leu binhyepo ingwes ngun. Anjei mun di kei biyok. Ma Nanti anok gembala mem yok ba, anyohou yok bijo ninno bijo kikau.

MAZMUR 33:12

Mben dino ikuk yok bak tuhan nok ide Allah ne ingon nggei-hi-nggei. Mben di Noni dimig ei nok nide limwa nya tu ingon nggei-hi-nggei!

NEHEI LEUSI 1:13

Lene iba imbuk co kep yok bihwen bit yok nindig bibor.

NEHEI LEUSI 1:14

Apino mben Israel igyaijoti buhun bibor. Suar igyai midyai dino ingot ig proyek nya ba, igyai miai nya cem lo, mben Mesir ingondut yok kan bi.

NEHEI LEUSI 34:9

Lene noni pai “tuhan e, Gino ajoi sut da lene abit nye di mben Israel kak nimbutti nya. Jo nibreisi bipia Ade limwa nya ingkek ndok noro ma akos ser nyende mun di kinei kin nyende sisar leu api asindui sut nye bininok Ade limwa nya.”

NEHEI LEUSI 6:7

Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

YESAYA 30:6

tuhan tri tut nihyet tut mindhe-ndhe nya di ibong ei iggum ndigsi ndam nite bei mpia nibiho bipai “Yo di igya hacan pima ikak puig ug ei nikineisi ba, ei sirima ne singa kin wou piet kin naga di bon ninyehei ilus-lus nyen. Yo di igya hacan igyai ide mun di nibok kak bibor bak ngkiai di bit bon impu yok kan bi.

YESAYA 48:10

Diba ninghuisi wei di noyam kin hum bibingon je noyam kin perak di tukan kwen ei humti bibindei ba, pimbai kei.

YEREMIA 11:4

Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

DANIEL 3:26

Leu api Nebukadnezar ug ya kui mihyeti di itu ei tong nsi di hum cig-cai eisi dima bahara “Sadrakh kin Mesakh kin Abednego e, jo nibreisi mem da bipia jeni ne awak mem Allah Di Ninyeng Jei Bibor ri! Jibipbur bijehei kwei leu hum di cig-cai dima!” Lene yehei leu tong nsi hak ug.

EFESUS 1:11

Allah bindei ba, mun di hagom pek kep mem tungwatu nya bit leu Nonti ningon kanti kin nikos tutti. Noni dimig nye habiei ei nimbie him bibindei ba, inok Nide limwa nya tug hon ide ninok gom kin Kristusti ba, niyaisi dini ntun ningon kanti him.

EFESUS 1:18

Handei kon ba, Allah bindei ba, jintin kimbou ba, Nide nipigati piga digai jingonti leu binhyepo jingon dorti tut mun di jiba jingon com Noni tut tirigi Noni dimig je bijiyok jingon mem mun di kei bibor nya di Allah preu ei mem Nide limwa nya ba,

NINDAT KEP TUHAN NICUKTI NYA 14:2

Jide tuhan Allah ninyeng tak kep je. Noni mbus jengkom bijinok Nide limwa nya leu mben nindigsi di ingat rin ei dihyei njek dip dini hagom.”

NINDAT KEP TUHAN NICUKTI NYA 26:18

Gima rino Noni sindui sut je bijinok Nide limwa nya bit leu nok Noni preu ei mem je tu. Lene Noni cuk je leu binhyepo jibit nicuk jeti nya hagom.

NINDAT KEP TUHAN NICUKTI NYA 32:9

Noro Noni dimig Yakub de nintun him yamti di bram yam nya ba, inok Nide limwa nya.

NINDAT KEP TUHAN NICUKTI NYA 7:6

Ma jiyai gini hagom igbit lewo tuhan di nok jide Allah ninyeng tak kep je. Noni dimig je leu mben dihyeisi dini hagom leu binhyepo jinok Nide mben di ningon kieti.

NINDAT KEP TUHAN NICUKTI NYA 9:26

Lene dingat nadi tindei je bidipai “tuhan Di Ninyeng Jei Bibor e, ma acok tut Ade limwa nya po ateu yok bingwes ngun ba, abuwak yok kwei leu minu Mesir tug hon Ade nisindemti di nindig bibor pima au.

NINDAT KEP TUHAN NICUKTI NYA 9:29

tuhan e, ma ayok ngon kep bipia yo dini ne mben gom di adimig ei binok Ade limwa nya leu api aba Ade nisindemti di nindig bibor bibuwak yok kwei leu minu Mesir ri.”

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.