NINDAT KEP TUHAN NICUKTI NYA 4:12 - ALLAH NIHYET MEM TUNGWATU NYA

¹² Mpe dima ne tuhan nihyet tibim kwei leu hum njengti dima ei jitingou nsi ba, jimiap nihyet noro jingat ningat bou jiyai him bi.

NINDAT KEP TUHAN NICUKTI NYA 4:12 ပူးပေါင်းရင်းမြစ်များ

NEHEI LEUSI 19:9

Lene tuhan pai bak Musa “Mbigom midihwou mbrap bit na nding ei bumbuhui di ndok biborti leu binhyepo tirigi dimbrap bit na lene dihyet mitibim ei ade limwa nya yahagom itingou nsi apino hon kep ammani kui lene yoni miba ingon com na.

NEHEI LEUSI 20:22

Lene tuhan sok nihyet bak Musa leu binhyepo noni tri tut bak mben Israel bipai “Jahagom jingat bou jiyai him bipia Da di tuhan dimbrap hwou bije leu gwamti tu.

YESAYA 30:21

Gino jikriek leu puig lene mijimiap Nihyet di tibim ei jinghim dip kwei di pai “Gini ne puig ri, Ma jibit puig dini hak.”

YESAYA 40:18

Gima rino aba Allah binai kin tou i? Akan huk Noni noyam kin tou i?

YESAYA 40:3

Tungwagom nihyet tibim bipai “Ma jitin puig di sren kei ei mpia nintiti mem tuhan nimbutti! Ma jiji kep njuisi bisur yam mem ide Allah ei iggum ndigsi!

YESAYA 40:6

Nihyet gom tibim kwei bipai “Atri tut nihyet!” Lene dihig ser noni “Miditri tut nihyet mindei i?” Lene nihyet dima cuk da “Atri tut bipia tungwatu dihyeisi dini yahagom inok minta ba, inyeng di jei nya dem kep nok mitou di nisieng jo jei bi.

MBEN ISRAEL IMBUT-MBUT NYEN 12:8

Gima rino dimbrap ei noho bei bidindo dingon kanti brei binoni lene tug hon nihyet nibiti ninda bi. Noni ngat dingat bou niyai him tu. Nggon rino jingon sir bijisrep tut Ditde awak di Musa i?”

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MATIUS 3:3

Nabi Yesaya tri tut Yohanes dini nipou su bipai, “Tungwagom nihyet tibim kwei leu iggum ndigsi bipai ‘Ma jitin puig di sren kei mem Tuhan nimbutti lene ma jiji kep ninjuisi sur yam kei.’ ”

NINDAT KEP TUHAN NICUKTI NYA 10:4

Lene tuhan pas kep Nide nicukti Simnai ei tig mma can dimati bit leu nok Noni pas kep nipou pima. Nicukti dima noyam kin nicukti di Noni tri tut bije tirigi po nihyet tibim kwei leu hum di cig-cai mem njap po jinduk yam ei nungug kiou pima. Lene Noni kes tig mma can dima ei dindati.

NINDAT KEP TUHAN NICUKTI NYA 4:11

Ma jitri bak jimunggwom bat nya tut gi jahagom jinduk yam ug ei nungug dima nikiou di hum nimmup di ndok bibor dem kep bumbuhui di ndok bibor nggai kep mun nyeng hagom ba, hum ninjeng srei bikui ug ei mpia-bbed him.

NINDAT KEP TUHAN NICUKTI NYA 4:13

Mpe dima ne Noni tri tut mun di suar jiyai kep nya leu binhyepo jibit mun po Noni preu kep je tut pima. Ma jibit Nicukti Simnai di Noni pas ei tig mma canti tu pima.

NINDAT KEP TUHAN NICUKTI NYA 4:15

“Ma jiyok ngon kep bipia tirigi po tuhan nihyet tibim kwei leu hum njengti ei Nungug Sinai ei jitingou nsi pima lene jingat Nonti ningat bou jiyai him bi.

NINDAT KEP TUHAN NICUKTI NYA 4:33

Dihig ser je bipia mben hi ingwes ngun bigyaijo niabiati imiap kwar di ikuk yok bak nihyet tibim kwei leu hum njengti dem kep nok mun di pek kep mem je tu e?

NINDAT KEP TUHAN NICUKTI NYA 4:36

Noni sindui sut je bijimiap nihyet di tibim kwei leu mpia-bbed him leu binhyepo bingginau je. Noni sindui sut je bijingat Nide hum njeng di mindur ei dihyeisi dini leu api Noni tri tut nihyet bije leu hum dima.

NINDAT KEP TUHAN NICUKTI NYA 5:22

Gini ne tuhan nicukti nya di diyai bije ei mpe di po jidem yam ei nungug pima ri. Tirigi po Noni ba nihyet di dem kep kru di cut leu hum njengti kin bumbuhui di ndok pima bitri tut nicukti dima bak jeni he lene bak hiter bi. Leu api Noni pas kep nicukti nya dima ei tig pas canti biyai sut bak dani.”

NINDAT KEP TUHAN NICUKTI NYA 5:4

tuhan joi sut mbrap bit je pijum leu hum njengti ei nungug dip pima.

NINDAT KEP TUHAN NICUKTI NYA 9:10

Lene Noni yai tig mma can po Noni pas kep nicuk nyeti nya eisi pima bida. Noni pas kep mun di Noni cuk je tut tirigi po nihyet tibim kwei leu hum ninggimau mpe di po jidem yam ei nungug nikiou pima.

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

IBRANI 12:19

kin pun mbrei di tibim kin Allah nihyet nibimbiti ri. Tirigi imiap Allah nihyet dima rino idigit tut ba, yahara ser leu binhyepo tibim kwei ei itingou nsi bu bi.