NINDAT KEP TUHAN NICUKTI NYA 33:9 - ALLAH NIHYET MEM TUNGWATU NYA

⁹ Yoni ingon gom tut Nani nindig bibor leu gima ingon gom tut icig bat-ipmem bat nya kin ikindig bat-ikinjoi bat nya kin imunggwom bat nya yahagom. Yoni ibit acuk yokti nya ba, ingon gom tut mun po apreu ei mem yok pima.

NINDAT KEP TUHAN NICUKTI NYA 33:9 ပူးပေါင်းရင်းမြစ်များ

NITRITI 29:32

Gima rino Lea tta buhun bigwam tut nipmot lene kan “tuhan ngat igbit singon di buhun tu apino hon kep ammani kui sijjep miningon ngakei sa.” Gima rino jem nipmot ninyeng Ruben.

NIBOHON MBEN ISRAEL GI NIGOM 17:17

Noro abon mun di kei dor tunggwei gima binye tu. Apreu sut yo di mintun dani him ei nijam gima kwei cem ba, abibon da tereu nok no di ninyeng jei.

AYUB 37:24

Gima rino suar yahagom inggei sut Allah. Lene Noni ba ningha bak yo di ipai sut yonti bipia ingon ki.”

MAZMUR 119:57

tuhan e, disuar Nangkom he bidipreu ei mem Na bipia midibit Ade ningginausi nya.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

IMAM NYA IDE MIDYAI 10:6

Lene Musa pai bak Harun kin nipmot bat cin di Eleazar Itamar nya “Ma jibou jo hak ba, jirik jide sinsun rok him cem nok bindo bipia jingon ngguk tut nimai au. Gino jisrep tut dicuk jeti dini lene mijimai hak leu api tuhan ningon misibui sut nye di mben Israel yahagom ri. Noro nna ba mben Israel nindigsi nya ingon ngguk tut bipim kep yo cin di tuhan de hum yem yok dini.

IMAM NYA IDE MIDYAI 21:11

Harin dima Imam Nibou Ndig coi ug ei ig bei di nimai ngut joti a. Nok gino nicig ningat ningut kin nipmem ningat ningut rin lo, ma dideu au. Lewo bindei ba, map kui noti.

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

MATIUS 12:48

Lene Yesus buhup “Dipmem kin dikinjoi bat nya ningat nya ritou nya i?”

MATIUS 22:16

Gima rino icuk ibou poi di igya kui yok kin ibou poi di itti kin nimpung Herodes biyuug ngat Yesus. Yo dini ipai bak Yesus “Guru e, nikan tut bipia angon sren. Ba, nikan tut bipia apai mingat tut Allah ningon kanti mem tungwatu nya lene amig mbus yok bi.

LUKAS 14:26

“No di joi sut bit Da noro ningon ngakei nicig kin nipmem kin nitnem kin nimunggwom bat nya kin nikindig bat-nikinjoi bat nya kin nikwohop bat nya nindig dor njiriek ningon ngakei Dati binyohou nonti niyaisi lene bit bon Noni ya kui Da kan bi.

KORINTUS GI NICAN 5:16

Gima rino niyok niyai kep tungwatu nya bit leu tungwatu dihyeisi dini igyai kepti nya bi. Mbro nok gino niyok niyai kep Kristus bit leu tungwatu dihyeisi igyai kepti nya nipou su lo, niyai nok gima bu bi.

GALATIA 1:10

Apo diyok dingon mem gima tungwatu nya ingon kwes kin da tug hon mun di dipas dini e? E bi! Diyok dingon mem dingon kwes kin Allah. Dipwoi tungwatu nya ingon leu binhyepo ijoi sut da e? Gino dibon kikep nok gima ne dinok Kristus de awak bi.

TESALONIKA GI NIGOM 2:4

Noro nitri tut Nihyet Di Kei bikwop njap-njap bit leu Allah ningon kanti mem nye. Lewo Noni ba ningon com nye tut midyai dima bisok Nihyet Di Kei ei nyeni dip mem gima nibibrim tungwatu nya ingonti leu binhyepo inggei sut nye bi noro leu binhyepo Allah joi sut nye lewo Noni binai ningon kanti hagom.

TIMOTIUS GI NIGOM 5:21

Disok kep na ei Allah kin Kristus Yesus kin malaikati di dia-diau nya yoho bei bipia abit mun di dicuk na tut dini hagom. Ma amig mbus tungwatu nya ba, aba angon kan-kan wai au.