NINDAT KEP TUHAN NICUKTI NYA 33:7 - ALLAH NIHYET MEM TUNGWATU NYA

⁷ Lene noni pai sut keret Yehuda bipai “tuhan e, ma angig atingou mem ighyet tirigi yahara Nani. Abindei ba, inok gom kin isut bat keret nindigsi nya. tuhan e, atti kin yok tirigi ikon pran ba, ampu yok tirigi ihwen ide siceu nya.”

NINDAT KEP TUHAN NICUKTI NYA 33:7 ပူးပေါင်းရင်းမြစ်များ

IBRANI 7:14

Tungwatu nya yahagom ikan tut bipia ide Tuhan ntun keret Yehuda him. Lo, no di nggre kin keret Yehuda hi yai midyai nok imam bi sren.

KORINTUS GI NIGOM 15:25

Suar Kristus De Ninyeng Tak Kepti mbut kikau bibou Allah bindei cut Kristus de siceu nya boom yahagom ei Kristus nimig him ug e.

LUKAS 19:27

Nogindini ma jikat ditde siceu nya di ikou sut gima dinyeng tak kep yok kwei leu api jikimukep yahagom bou diyai him hak ug!’ ”

YESAYA 9:17

Mben dima ide nibon mun kineisi yem mpia bidem kep hum di yem war nggig-nggwenti. Ninjeng dem kep hum di yem bahamti di nimmup kui di brou pimo.

MAZMUR 146:5

No di ba ningon com Yakub de Allah binok nide tuhan Allah di mpu noni ne ningon nggei-hi-nggei.

MAZMUR 21:8

Nibou ndig ba ningon com tuhan Di Ninyeng Jei ba, ningon jo nyahan lewo tuhan de ningon ngakei noti ug hon nohonti bi sren.

MAZMUR 20:2

Handei kon ba, tuhan buhup ahyet mpe dino mun di buhun buhun tak na. Handei kon ba, Yakub de Allah nisindemti nyohou na!

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

MAZMUR 78:70

Noni dimig Nide awak di Daud bisu ninda biyai noni leu nihyen kep dombati ba,

MAZMUR 78:68

Noro dimig keret Yehuda kin Mbigdip Sion di ningon ngakei.

MAZMUR 21:1

Doia Daud mem no di bie tut doia nimpung.

NIBOHON MBEN ISRAEL GI NIGOM 12:22

Tentara hi kin bu di sindi ikwei su nya ibicom yam bit Daud bikwop njap-njap. Apino jei bi lene Daud de tentara nya bikum eisi ba, imang bibor.

SAMUEL GI NICAN 5:24

Tirigi jimiap nibimbi di tibim kwei leu biei murbei dima ninggrupti dem kep nok tentara di injei bram yam lene ma jihwen tentara Filistin lewo midibie tut je bidibindei ba, yahagom micut bak jeni ug ri.”

SAMUEL GI NICAN 5:19

Lene Daud hig ser tuhan “tuhan e, suar dikon pran bit tentara Filistin dima yok e? Asindem tut da ba, abindei ba, icut bak dani e?” Lene tuhan buhup “I, akon pran bit yok lewo midibindei ba, icut bak nani ug ri!”

SAMUEL GI NICAN 5:1

Lene mben Israel yahagom induk yam ei Hebron ba, ipai bak Daud “Andigpoi e, nahagom nitig mbier tut na.

SAMUEL GI NICAN 3:1

Tentara nya di iba ingon com Saul kin nide bat nya kin tentara nya di iba ingon com Daud ikon pran bit yam kikau mem nijam di jei bibor. Daud de nisindemti kum eisi bu kikau noro nide siceu di ikon pran bit noni ide nisindemti cut bu.

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

MBEN ISRAEL IMBUT-MBUT NYEN 34:19

Yo dima ne Kaleb di Yefune nipmot di ntun keret Yuda him,

YOSUA 15:20

Daptar minu ndig dini jug nya tibim tut minu ndig di keret Yehuda itug ndei bigyati.

MAZMUR 89:24

Mididram nide siceu nya bidihwen yo di ingon mpo tut noni bitimek bingwig.