NINDAT KEP TUHAN NICUKTI NYA 33:12 - ALLAH NIHYET MEM TUNGWATU NYA

¹² Lene noni pai sut keret Benyamin bipai, “tuhan ningon ngakei keret Benyamin biya srak ko hagau yok bidem njap jei ba, Noni ningat rin bibong ei ikieti.”

NINDAT KEP TUHAN NICUKTI NYA 33:12 ပူးပေါင်းရင်းမြစ်များ

SAMUEL GI NICAN 12:24

Lene Daud gwam ser Batsyeba ningon. Yoni igyem njita tut yam leu api noni srek tut nipmot lene Daud jem ninyeng Salomo. tuhan ningon ngakei Salomo.

SAMUEL GI NICAN 12:25

Noni cuk Nabi Natan leu binhyepo jem mot dima ninyeng Yedija lewo tuhan ningon ngakei noni.

NIBOU NDIG NYA GI NIGOM 12:21

Tirigi Rehabeam ngkwei hanyen ug ei minu ndig Yerusalem tu lene noni nduk nide tentara di mimbri kui ingkek ibou sribu sratus gom ningot muhwindaningai leu Yehuda kin Benyamin ninyeng tak kepti kwei. Noni kos tut bipia mikon pran bit keret mben Israel di ibong bei mpia nijjai leu binhyepo ninyeng tak kep yok hanyen bu.

NIBOHON MBEN ISRAEL GI NICAN 11:1

Tirigi Nibou Ndig Rehabeam ngkwei hanyen ug ei minu ndig Yerusalem lene noni nduk nide tentara di ikon pran kan nya ibou sribu sratus gom ningot muhwindaningai di intun keret Yehuda kin keret Benyamin him kwei. Noni kos tut bipia mikon pran bit keret mben Israel di ibong ei nite bei mpia nijjai leu binhyepo ninyeng tak kep yok hanyen bu.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

MAZMUR 132:14

Noni pai “Midibong ser mpia dini bijo ninno bijo kikau. Dani dijoi sut minu dini binok nibousi mem Ditde ninyeng tak kep limwa nya.

MAZMUR 60:5

Asindui sut Ade limwa nya ba, icut ei ninghuisi wei di buhun biborti. Nibou ngwak sibui-sibui nyen nok no di dut pes di pu no pimo.

MAZMUR 91:4

Noni nyohou na dem kep nok ha di kieng ninyehei gau nimien bat nya leu binhyepo angwes ngun ba, angon jo nyahan. Noni ba ningon gomti biya srak ko hagau na binok bor ngug mem na cem,

NEHEI LEUSI 28:12

Lene noni kes tig permata cin dima ei mas kibiti leu api kon mas kibi dima tut bikes ei sinsun efod nimmam nibijuk ninghatti. Tug hon nisinati dima lene Harun mikon inyeng ei ninghat dip leu binhyepo Da di Allah midiyok ngon kep Ditde limwa nya bikwop mmun-njap.

YESAYA 37:22

tuhan pai “Sanherib e, minu ndig Yerusalem mipa tut nani ba, miba nihyet bicig na cem ri!

YESAYA 37:35

Mporo diya srak ko hagau minu ndig Yerusalem bidinyohou tug hon dinyeng di jei drek dip Ditde gi preu di dipreu ei mem Ditde awak di nibou ndig Daud tu.”

YESAYA 51:16

Dani rino diba Niban bijun mpia ei mpia-bbed him bidiprion dihyeisi dini nikiou cem tu. Dipai bak timiei Sion nya ‘Ditde limwa nya rijeni. Diyai Ditde ningginausi bije bidiba Ditde nisindemti binyohou je.’ ”

YEREMIA 12:7

tuhan pai “Dikes Ditde Ig ei su. Dikou sut mben Israel di didimig yok tu. Dikes Ditde limwa di dingon ngakei yok nya ei ide siceu indati tu.

MBEN ISRAEL IMBUT-MBUT NYEN 34:21

kin Elidad di Kislon nipmot di ntun keret Benyamin him,

MATIUS 23:37

“Ayo! Je di timiei minu ndig Yerusalem nya e, jikimukep nabi nya ba, jiba tig bihwen yo di Allah cuk yok kwei ndam je cem. Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

NINDAT KEP TUHAN NICUKTI NYA 12:10

Tirigi jisigon Minyei Yordan lene tuhan di nok jide Allah misindui sut gima jikieng kep minu dima ba, jibong eisi. Noni minyohou je ser nhyema jide siceu nya yahagom mihwen je bu bi apino mijibong kei mijigwam kei eisi.

NINDAT KEP TUHAN NICUKTI NYA 32:11

Dem kep nok hacam krubri di ngginau nimien nya tut notou idwop-dwop nyen leu api teu yok nyahan ei ninyehei dip tirigi icut bimba kan bi.

NINDAT KEP TUHAN NICUKTI NYA 33:11

tuhan e, ampu keret dini leu binhyepo igyai nisindemti leu api ajoi sut ide midyai nya. Lene ma abindei ba, ide siceu nya yahagom imai bingwig leu api ikiju hanyen bi.”

NINDAT KEP TUHAN NICUKTI NYA 4:37

Noni dimig je ei su lewo ningon ngakei jidigup bat-jidigai bat nya leu api buwak je bijingwes ngun leu minu Mesir tug hon Nide nisindemti di nindig bibor.

NIJAM NIKEI NYA 1:21

Noro bit bon tentara keret Benyamin ijji timiei Yebus leu minu ndig Yerusalem kan bi. Gima rino timiei Yebus nya ibong timiei ei sirima bit keret Benyamin.

SAMUEL GI NIGOM 10:20

Lene Samuel hig bibikwop keret dima yok bikwei ya ei Allah Noho bei sindam leu api Allah ndo keret Benyamin.