NINDAT KEP TUHAN NICUKTI NYA 33:1 - ALLAH NIHYET MEM TUNGWATU NYA

¹ Nipou tirigi noni mai bigyo lene Musa di Allah pinak bak mben Israel ngat nadi tindei mun di kei mem yoni bipai,

NINDAT KEP TUHAN NICUKTI NYA 33:1 ပူးပေါင်းရင်းမြစ်များ

NITRITI 27:4

Lene ma abam mikwau di ninghap ngge kei nok gi dani dijoi sutti bida leu binhyepo diyem kep dikimam. Tirigi diyem bingwig lene midikes dinda ei na dip bidinjei mun di kei nya hagom bina di munggwom mighumbou nipou tirigi dimai bigyo.”

NITRITI 49:1

Lene Yakub nduk nipmot bat nya yahagom kwei bipai biyok “Jikwei ya kui da bidimbot kep tut mun di mipek kep mem je ei nidipti bu.

NITRITI 49:28

Yo dini ne pung di mben Israel ide keret simnaibrimigcan intun him ri. Icig tri tut nihyet dini mpe di po noni pigo bibikwop tungwagom-gom bihigom pima.

NIBOU NDIG NYA GI NIGOM 13:1

Mpe dima lene nabi gom ningat rin ei minu Yehuda. tuhan cuk noni leu binhyepo ug ei minu ndig Betel. Noni ug ba, ug krau hammi tirigi Yerobeam ya kui nimbar hum dok bibon midut nindig mindhe titut kep humti.

NIBOU NDIG NYA GI NIGOM 13:6

Lene Nibou Ndig Yerobeam hara nabi dima “Angat nadi tindei da bak ade tuhan Allah leu binhyepo Noni ngondut da bikinding dinda bikei hanyen!” Lene nabi dima ngat nadi tindei nibou ndig dima bak tuhan leu api ninda kei hanyen.

NIBOHON MBEN ISRAEL GI NIGOM 23:14

Ba, ibindei coi Allah de awak di Musa nipmot bat nya ei keret Lewiti.)

NIBOHON MBEN ISRAEL GI NICAN 8:14

Salomo nyohou dimig midyai di imam nya kin Lewi nya igyai kep bikwop njap ngwa hagom ba, suar ipai kep doia nya ba, ibikon tuhan ninyeng cem impu imam nya tut gima ibindei mbut midut nikuk no bak Allah eisi nya. Salomo dimig midyai dini ba, bibit leu nicig Daud nicukti nya. Noni kwas yo di igya ser tuhan De Ig ei nimpung poi mem gima igyok igyai kep dimbou pmem gom-gom dem igbit Allah de awak di Daud nicukti.

MAZMUR 90:1

Nadi Musa di Allah De awak. tuhan e, Nani ne mpia di niya coi habiei ei nimbie him kikau kwei bipek ammani kep ri.

YEREMIA 35:4

Dibuwak yok kwei ei tuhan De Ig binicoi ug ei yo di igya kui Nabi Hanan di Yigdalya nipmot ide ninsi. Ninsi dima jo Imam Maaseya di Salum nipmot de ninsi nidip hu kwei ba, dideu yo di igya kui nibou ndig nindigsi nya ide ninsi a. Maaseya ne no di ninyeng jei di ya ser dimbou pmem nya ei tuhan De Ig ri.

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

TIMOTIUS GI NIGOM 6:11

He na di Allah de awak e, ma ambres nanti leu mun pima yok hagom. Ma ahuk bram ningon srenti kin niyai munti bit leu Allah ningon kanti kin niba ningon com Kristusti kin ningon ngakei tungwatu nyati kin ningon nddongti kin ningon jo nyahanti.

2 TIMOTIUS GI NICAN 3:17

Allah nihyet bindei ba, Nide awak yai mun di noni suar leu binhyepo noni dem mem gima yai kep midyai di kei bibor nya hagom.

YOSUA 14:6

Mpe di gom lene yo di intun keret Yehuda him ikwei ngat Yosua ei Gilgal. Lene Kaleb di Yefune di nimbier kim Kenas ninsi de dima nipmot pai bak Yosua “Andigpoi e, akan kep mun di tuhan pai bak Nide awak di Musa ei Kades-Barnea tut sani e?

PETRUS GI NICAN 1:21

Lewo nihyet di nabi nya itri tut tibim kwei tug hon tungwatu nya ingon kanti bi sren. Noro Allah Ninnei bie tut yok tirigi itri tut nihyet di kwei leu Allah Nonti.

NIJAM NIKEI NYA 13:6

Lene sop dima ug pai bak nijjep “Allah pinak tungwagom bikwei ngat da bidingat lo, niimaisi dem kep nok malaikati leu gwamti apino dittin nindig bibor. Dihig ser noni tut nikwei leusi bi lene noni ndat kep ninyeng bida cem bi.

SAMUEL GI NIGOM 2:27

Mpe di gom bu lene nabi gom ttau kwei bisok kep Eli tut tuhan ningon kanti mem noni bipai “Tirigi po ade pung Harun kin nide bat nya inok awak mem nibou ndig mben Mesir pima lene Da di tuhan dindo Danti binoni.