NINDAT KEP TUHAN NICUKTI NYA 32:8 - ALLAH NIHYET MEM TUNGWATU NYA

⁸ Tirigi po No Di Ninyeng Jei kwas dihyei hanjop nsi nya leu yam pima lene Noni pek hanjop nsi bibikwop mben nya hagom. Lene Noni sindui sut mben hi gom hi gom ikuk yok bak ide kwar nya.

NINDAT KEP TUHAN NICUKTI NYA 32:8 ပူးပေါင်းရင်းမြစ်များ

NITRITI 10:15

Lene Kanaan nipmot mighumbou ninyeng Sidon ba, nikinjoi ninyeng Het.

NITRITI 10:25

Lene Eber yai nipmot bat nya ibou can. Gi mighumbou ninyeng Peleg lewo tirigi nide njap ngwig hon bigyo lene tungwatu ikwas yam bintek gimahap. Lene Peleg nikinjoi ninyeng Yoktan.

NITRITI 10:5

Yo dini inok pung dino yo di ibong mukti kin mios nya yahagom intun him. Ba, yahagom intun Yafet him leu api ikwas yam bit leu ide keret nya kin ide minu nya cem lewo bikwop keret dini ighyet ter leu yam.

NIBOHON MBEN ISRAEL GI NIGOM 16:18

tuhan pai bak “Midiyai minu Kanaan binani binok ade dihyei ninda rom.”

AYUB 15:19

Mpe dima lene ngkiai nya ibong timiei ei ide minu ba, hi di bindei srawir yok leu puig di Allah de bi.

MAZMUR 115:16

tuhan Nongkom nyeng tut mpia-bbed him noro Noni yai dihyeisi dini bak tungwatu nya.

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

MAZMUR 7:17

Gima rino ide nisibutti dima bindei ba, hukum cut igkep yok hanyen. Yonti ide ningon mbukti hwen bit yok hanyen cem.

MAZMUR 74:17

Adimig dihyeisi dini nohon keti nya kin nijam mpia ngei kin nijam mpia but nohon keti nya leu yam.

MAZMUR 82:6

Da di Allah Di Dinyeng Jei dipai bije bipia jeni ne awak di dipai tes nya rin ba, jinok dimunggwom bat nya.

MAZMUR 91:1

No di bisau ndam Allah Di Ninyeng Jei Bibor di miya srak ko hagau noni kin no di ya coi Allah Di Sindem Bibor,

MAZMUR 92:8

yo di itunggwei tuhan nihyet ikieng kep mpia nok minta di nnum kei ba, yo di isibut bibor inyeng tut ndigban bikum eisi cem ba, mun di isuar nya hagom dem mem yok lo, Allah mibindei sar yok bisar bihigom hak.

YESAYA 14:14

Apai bipia akui nig-nai ug ei bumbuhui nya dip dem kep nok No Di Ninyeng Jei Bibor.

DANIEL 4:17

Nye di malaikati di niput-put nyen binitindei ser mun di micut igkep nye nikos tut bak no dima tu. Gima rino suar tungwatu dihyeisi dini hagom ikan tut bipia Allah Di Ninyeng Jei Bibor sindem tut nibou ndig nya bitut inyeng tak kepti nya hagom. Nongkom he rino ta nibou nya bit leu Nonti ningon kanti. Gino joi sut lene Noni ta no di bon ninyeng bi binok nibou ndig bu.’

DANIEL 5:18

Allah Di Ninyeng Jei Bibor ta acig Nebukadnezar nok nibou ndig di ninyeng jei bibor bisindem bibor cem ba, tungwatu nya yahagom ikuk yok bak.

MIKHA 2:5

Tirigi tto bou dem mem tuhan de limwa nya ipek hanjop nsi ei ide minu dima hanyen ne Noni mingkwei jide hanjop nsi hanyen bije bi.

MBEN ISRAEL IMBUT-MBUT NYEN 23:9

Diya ei mbigdip dini bidicap yok tu. Dikui ug ei nipieti leu binhyepo diyok diyai kep yok. Jingat i! Yo dima ne keret di igya biyongkom rin ba, isrig keret hiter nya ikieti kan bi.

MBEN ISRAEL IMBUT-MBUT NYEN 24:16

Allah nihyet tibim ei ditingou nsi. No Di Ninyeng Jei Bibor ndo ningon kanti brei bida ba, diba diyai di piga hak bingat ningat-hi-ngat di Allah Di Sindem Bibor ndo bida.

KISAH 17:26

Noni ripo pai tes tungwagom nok ide pung di intun him lene bindei ba, tungwatu nya ibong bidem dihyeisi dini nisurti-nipekti. Nipou tirigi Noni pai tes yok bigyo ne Noni nyohou kos tut ide nijam di igyaijo kin mpia ttou nsi di ibong eisi cem.

KISAH 7:48

Gi nok lo, Allah Di Ninyeng Jei Bibor bong ser ig di tungwatu ingot bou inda him bi. Lewo nabi gom pas kep,

NINDAT KEP TUHAN NICUKTI NYA 33:28

Gima rino Yakub de nintun him yamti di bram yam nya ibong kei igwam kei ei dihyei hanjop nsi di mpung tut gandum kin ba anggur ningei. Ide dihyei ninjek dip hagom nnum bibor tug hon nggou di cut kwei leu mpia-bbed him.