NINDAT KEP TUHAN NICUKTI NYA 32:5 - ALLAH NIHYET MEM TUNGWATU NYA

⁵ Noro jingon gom tut Noni ba, dem mem Noni hig je nok Nide limwa nya bi. Lewo jinok mben di ibon sisar di kinei bibor ba, iris mun cem.

NINDAT KEP TUHAN NICUKTI NYA 32:5 ပူးပေါင်းရင်းမြစ်များ

NITRITI 6:12

Lene Allah ngig niyai kep dihyeisi dini bingat lo, dihyeisi mpung tut mun di kinei lewo tungwatu nya yahagom ibon munti nya kinei bibor.

MAZMUR 78:8

Leu binhyepo yoni midat idigup bat-idigai bat nya dino yaham imbuk kep Allah leu api igibit Nide nicukti nya bi dimati bi. Ndigpoi nipou dima iba ingon comti ngkiem ba, ingon gom tut Allah cem bi.

NEHEI LEUSI 32:7

Lene tuhan pai bak Musa “Abipbur ba, ajuk hanyen ndam ade limwa di abuwak yok kwei leu minu Mesir ug lewo icut ei sisarti ba, ingon mpo tut Da tu.

NIPINGOK NINGONTI 8:8

Mun di tibim ei duhui him sren kei ba, nihyet nitrowai kin nihyet dwei srigsi bi.

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 63:8

tuhan pai “Jit, yo dini ne Ditde limwa nya ba, munggwom di ibindei di dingon pus tut yok bi ri.” Gima rino Noni teu yok bingwes ngun,

HOSEA 9:9

Jibon munti nya kinei bibor bidem gi jibon ei minu ndig Gibea. Allah miyok ngon kep jitunggweisi bikes hukum ei je dip drek dip jide sisar.

ZEFANYA 3:7

Dikan ‘Nogindini Side limwa nya ibou cut biSa leu api iba ibou coi mem sipingok yokti bibit leu api igyok ngon kep mun nyeng hagom di sibingginau yok nya.’ Lo, ningat ne ibrim ingkek tut ide nibon mun di kinei biborti bidor tunggwei igyai munti di nipou nya bu.

MBEN ISRAEL IMBUT-MBUT NYEN 23:21

Dingat bou diyai him bipia Yakub mitug ndei mun di mbuk ei nidipti bu bi ba, mun di buhun mibuhun tak mben Israel bi. tuhan di nok ide Allah ningat rin bit yok. Yahagom isimbot dat bipia tuhan ne Nibou Ndig mem yo ri!

MATIUS 16:4

“Ei nijam dini ne tungwatu nya ingon rom bingkek ndok bibor cem. Jahara Da tut mindur e? Midibon mindur hi ter di ter leu mindur di Nabi Yunus bibon mem je bi.” Yesus pai biyok nok leu api kes yok bimbut leu yok.

MATIUS 17:17

Yesus buhup “Mei! Jiba jingon com Da haigtu bi ba, jingon tindak e? Suar diya tut je ba, doom dingon tut je njap pig bu i? Ausap apmot kwei biDa!”

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

LUKAS 9:41

Yesus buhup “Mei! Jiba jingon com Da haigtu bi ba, jingon tindak e? Diya tut je njap pig bu i? Doom dingon tut je njap pig bu i? Ausap apmot kwei biDa.”

YOHANES 8:41

Jiyai munti nya bram jicig niyai munti. Ibuhup “Ninok munggwom di isrek tug hon nibon sisarti bi. Nyeni nicig gom ngat di Allah Nongkom he.”

KISAH 2:40

Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.”

KISAH 7:51

Disut bat jen, jingkek ndok bibor! Nggruk bibor mem gima jibit Allah nihyet cem! Jitingou nam ser Allah nihyet! Jeni kin jide pung di jintun him nya jahagom jisrep tut Allah Ninnei ninno tu!

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

NINDAT KEP TUHAN NICUKTI NYA 31:29

Dikan tut bipia niabiati dimai leu yok tu lene mben Israel mikum ei ide mun di mbukti ba, ikou sut dipingok yokti nya cem. Gima rino mun di buhun mang bibor micut igkep yok ei nidipti bu lewo ibindei ba, tuhan ningon sibui sut yok drek dip gi ipigau hanjop bigyai kep igyai munti nya di Noni cuon ser tu.”

NINDAT KEP TUHAN NICUKTI NYA 32:20

Bipai ‘Mbro nok gino dingat igbit mun di mipek kep mem yok ei nidipti bu lo, midimpu yok bi sren. Lewo ingkek ndok ba, ingon gom tut Da bi.

NINDAT KEP TUHAN NICUKTI NYA 4:16

Gima rino ma jingon sok kep jenti leu binhyepo jibihi jibon kwar di nok nipinai kin nisop,

NINDAT KEP TUHAN NICUKTI NYA 4:25

Tirigi jibong kei jigwam kei ei minu dima wer ninno ba, jibon jimunggwom bat nya kin jignyon bat-jidrot bat nya tu lene ma jibon sisar tug hon gima jibon kwar di jikuk je bak hi bou jinda him au. Mun dima ne sisar ei tuhan niyai him rin lene mibindei ba, ningon sibui sut je.

NINDAT KEP TUHAN NICUKTI NYA 9:24

Habiei tirigi po dittau kep je ei minu Mesir kikau kwei bipek ammani kep lene jikiek jimig jou tut tuhan.

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,

NIJAM NIKEI NYA 2:19

Noro niabiati nibou pima mai leu yok tu lene yo dima ingkwei hanyen ndam igyai kepti di kinei nya lene ikou sut gi inggek tut igyai munti nya. Lewo ikuk yok bak nung nya kindi-kindok hanyen bu ba, ingkek ndok bibor.