NINDAT KEP TUHAN NICUKTI NYA 32:47 - ALLAH NIHYET MEM TUNGWATU NYA

⁴⁷ Nicuk jeti nya dima nok nihyet bu tan bi. Noro hagom mibindei ba, jiyaijo. Gino jibit hagom lene mijiyaijo jei bibor ei minu di sindi mijicoi ba, jiyai bijiyati ei Minyei Yordan nite dima ug.”

NINDAT KEP TUHAN NICUKTI NYA 32:47 ပူးပေါင်းရင်းမြစ်များ

NIPINGOK NINGONTI 3:18

Yo di ikrau kep ningon kiti nya igyaijo mpung tut ningat di kei di ntun yok him ba, ingon llei bibor cem.

NIPINGOK NINGONTI 3:22

Tug hon nisinati dima ne anyohou ayaijoti di kei bibor di biyai angon kei cem ba,

NIPINGOK NINGONTI 4:13

Ma ayok ngon kep ningginausi di ayai leu da tu nya kikau. Anyohou ya ser ningginausi dima mungkun. Lewo ningat di kei mintun him ayaijoti tug hon ningginausi dima.

NIPINGOK NINGONTI 4:22

Yo di ingon huk dihyetti mitug ndei niyaijoti kin ninghuisi kwesti.

YESAYA 45:19

Dimbrap ku bidiku mimun tut bi. Dicuk Ditde limwa di mben Israel ba, inggok ser Da mikui-kausi bi. Da di tuhan dihyet buhun biditri tut mun di nijit.”

IMAM NYA IDE MIDYAI 18:5

Ma jibit dimbrap tutti nya kin diggai serti nya di diyai bak jeni. Gino jiyai nok gima lene jingwes ngun. Dani ne tuhan ri.”

AMOS 5:4

tuhan pai bak mben Israel “Ma jingkwei hanyen ndam Da leu api mijiyai niyaijo.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

KISAH 7:38

Musa no rima kin mben Israel tirigi imbus yam ei iggum ndigsi. Noni ripo ya hacan mem malaikati di mbrap bit nyeni ide pung di intun him nya ei Nungug Sinai cem. Noni ripo yai nihyet di bit bon pror yon kan bi leu Allah leu binhyepo tri tut hanyen binye.

NINDAT KEP TUHAN NICUKTI NYA 30:16

Dicuk je njap di ammani leu binhyepo jingon ngakei tuhan di nok jide Allah ba, jibit nihyet bijiyok ngon kep nicuk jeti nya leu api mijibong kei mijigwam kei bijidigek kep mpia cem. tuhan di nok jide Allah miyai gi kei bije ei dihyei hanjop nsi di jei bi mijikieng kep.

NINDAT KEP TUHAN NICUKTI NYA 31:13

Tug hon nisinati dima lene jide nintun him yamti di bram yam nya ei nidipti bu di imiap tuhan di nok ide Allah nicukti bi sren nya yahagom imiap kep nihyet apino ibiyai hamem nihyet leu binhyepo ibit hagom kikau ba, ide njap ngwig ei minu di sindi jibong kep dima ei Minyei Yordan nite dima ug.”

NINDAT KEP TUHAN NICUKTI NYA 33:25

Iba ngkimom nitu bibon dimbou di itu ei ngug tig di bikrop ttai ide minu nya hagom cem. Leu binhyepo mun di kinei micut igkep yok bi ba, ibong kei igwam kei kikau.”

NINDAT KEP TUHAN NICUKTI NYA 4:40

Ma jibit Allah nicuk jeti nya di ditri tut bije njap di ammani apino jeni kin jide nintun him yamti di bram yam nya mijibong kei mijigwam kei ei minu di tuhan di nok jide Allah miyai bije nogindini ba, bijo ninno bijo kikau cem.”

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

NINDAT KEP TUHAN NICUKTI NYA 8:3

Noni sindui sut je bijinggum bibor leu api yai manna bije nok jide njita. Hon kep mpe dima nimo jug ne jeni kin jidigup bat-jidigai bat nya jiyem njita nok gima hi bi sren. Noni yai nok gima leu binhyepo bingginau je bipia tungwatu nya igyaijo tug hon njita he bi noro tug hon nihyet di tibim ei tuhan nuhui him cem hagom.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.

PETRUS GI NICAN 1:16

Tirigi ningginau je tut Tuhan Yesus Kristus nikwei hanyenti di bon ninyeng mem nye ne nindat kep mumpui di tungwatu nya itri tut bi. Noro ningat Kristus nikei-kau-keisi bou niyai him tu.

PETRUS GI NICAN 1:3

Allah de nisindemti di kei-kau bindei ba, nyeni igyai mun nyeng di isuar nya hagom mem gima igyaijo kin ingon di kwes. Noni bindei mbut mun dini yok tug hon ingon di dorti tut Kristus di hig nye leu binhyepo ipriet kin Nide nikei-kau-keisi kin ningon srenti.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.