NINDAT KEP TUHAN NICUKTI NYA 32:46 - ALLAH NIHYET MEM TUNGWATU NYA

⁴⁶ noni pai biyok “Suar jibit dicuk jeti di ditri tut bije njap di ammani hagom. Ma jingginau jimunggwom bat nya tut tuhan nicuk jeti nya hagom leu binhyepo iba ingon gom bibit nihyet.

NINDAT KEP TUHAN NICUKTI NYA 32:46 ပူးပေါင်းရင်းမြစ်များ

NIBOHON MBEN ISRAEL GI NIGOM 22:19

Gima rino suar jiba jingon titut kin jinnei titut kin jide nisindemti titut bibon jenti nok awak mem jide tuhan Allah. Ma jikinyon ei ningot ig mem tuhanti leu binhyepo jikes tuhan De Brua Gi Preu kin ndigban nindigsi nya hagom di jibiyai midyai pijum bitut nibon midut nibikuk je biNoniti hagom eisi.”

MAZMUR 78:5

Allah yai nikos tutti nya bak mben Israel biyai nicukti nya bak yo di intun Yakub him. Allah bidip huk idigup bat-idigai bat nya leu binhyepo ingginau imunggwom bat nya tut,

NIPINGOK NINGONTI 12:28

Ningon srenti ne puig di bie ndam njap di jei bibor ri. No di kak puig di kinei ningat rima ndam nimai.

YEHEZKIEL 40:4

Bipai bida “Na di tungwatu di ayaijo kikau bi e, angig atingou mem dihyet mungkun kei ba, angig ayai kep mun nyeng hagom di dindo bina. Lewo Allah buwak na kwei mem gima atri tut mun nyeng hagom di angat bou ayai him bak mben Israel.”

YEHEZKIEL 44:5

leu api tuhan pai bida, “Na di tungwatu di ayaijo kikau bi e, ma ayok ngon kep mun di angat kin mun di amiap dima nok mungkun kei. Midipai sut Ig dini nidimigsi kin niggai serti nya hagom bina. Ma angig ayai mungkun kei kep yo di disindui sut ba, icoi ei Ig dini kin yo di diggai ser yok nya.

AMOS 5:4

tuhan pai bak mben Israel “Ma jingkwei hanyen ndam Da leu api mijiyai niyaijo.

LUKAS 9:44

“Ma jiyok ngon kep dihyet dini lene ma jingon prion ser au! Lewo tungwatu nya mikes Munggwom Tungwatu Nipmot ei yo di isindem nya indati.”

NINDAT KEP TUHAN NICUKTI NYA 11:18

Ma jiyok ngon kep tuhan nicukti nya ba, jinyohou hagom mungkun kei. Jiba nicukti dima bingot jinda pang lene jikri kin jingwak cem leu binhyepo jiyok ngon.

NINDAT KEP TUHAN NICUKTI NYA 11:19

Ma jiba nicukti dima bingginau jimunggwom bat nya. Jisimbot kep tut nicukti dima ei ig bei cem kak puig sinon cem tirigi jibong kep jinghuisi cem tirigi jiyai kep jide midyai cem.

NINDAT KEP TUHAN NICUKTI NYA 32:45

Tirigi Musa kes nihyet hon biba tuhan nicuk yokti nya bingginau mben Israel tu lene,

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

NINDAT KEP TUHAN NICUKTI NYA 4:9

Ma jiyok ngon kep mun di jingat bou jiyai him kikau ug bipek jiyaijo ningwig honti lene ma jingon prion ser au. Ma jitri tut mun dima yok hagom bak jimunggwom bat nya kin jignyon bat-jidrot bat nya.

IBRANI 2:1

Gima rino suar ikrau kep nihyet di nijit-jau di imiap tu leu binhyepo ingkwei leu ba, israwir au.