NINDAT KEP TUHAN NICUKTI NYA 32:41 - ALLAH NIHYET MEM TUNGWATU NYA

⁴¹ midisien Ditde simeda di ninjeng srei leu binhyepo dikos tutti nya hagom sren-srau. Midibirop hanyen bak Ditde siceu nya leu api midikes hukum ei yo di ingon mpo tut Da dip.

NINDAT KEP TUHAN NICUKTI NYA 32:41 ပူးပေါင်းရင်းမြစ်များ

MAZMUR 149:9

leu binhyepo ikes hukum ei ngkiai nya dip bit leu Allah nicukti. Tug hon nisinati dima ne Allah de limwa di ningon ngakei yok nya ibindei timek ide siceu nya. Ma jinggei sut tuhan!

MAZMUR 31:23

Dingon tai-tai bousi bindei bidikan bigya tuhan com da leu Noho bei tu. Noro Noni miap dihyet mpe dino dahara bak.

MAZMUR 7:12

Allah ne nikei di ningon sren-srau rin ba, kes hukum ei yo di ibon mun di kinei nya dip bikwop nituti hagom.

MAZMUR 7:13

Gino ikes hon igyai munti di kinei dima bi ne Noni tin ei Nide minggwen ba, biyai nimai biyok. Noni sien Nide singau simeda lene ba tibor bicom bisinei leu api kri Nide tibor di cig-cai bikes ei nihim.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

YESAYA 1:24

Gima rino tuhan di nok mben Israel ide Allah Di Sindem Bibor pai biyok “Je di jinok siceu ndam Da e, midibirop hanyen bije leu binhyepo bit bon jibindin-ndin nyen Da bu kan bi.

YESAYA 27:1

Mpe dima lene tuhan miba nide singau simeda di sindem di ninggwenti nggres kei bikes hukum ei mindhe Lewiatan di srei di nghau-nghau nyen dima dip ba, yai nimai bak mindhe naga di bong muk ngeisi cem.

YESAYA 59:18

Noni mibirop bak Nide siceu nya bit leu ide nibon munti di ibon kep nya. Mben ngkiai di ibong bidem mios di ting nya cem yahagom mingwes ngun leu Nide hukum di kes ei yok dip bi.

YESAYA 66:16

Lewo Noni miba hum kin singau simeda bikes hukum ei yo di ide nitunggweisi nya jo brei niyai him dip apino imang bibor di itug ndei hukum dima imai drek dip.

YESAYA 66:6

Jimiap i! Nibimbiti di bong dihyeiti binok kru di cut no nugwei jo kep minu ndig a. Nihyet no tibim kwei leu Ditde Ig a. Nihyet dima ne tuhan nihyet di Noni kes hukum ei nide siceu nya dip ri!

YEREMIA 44:26

Noro je di mben Israel di jingat rin ei minu Mesir e, nogindini ma jingig jitingou mem mun di dipai bije. Da di tuhan deheng bitug hon Danti dinyeng di jei bipia midisindui sut ba, bit bon hi dima meheng bitug hon Da dinyeng bu kan bi.

YEREMIA 50:18

Gima rino Da di tuhan Di Disindem Bibor di Allah Israel midikes hukum ei Nibou Ndig Nebukadnezar kin nide minu dip noyam kin gi dikes hukum ei nibou ndig minu Asyur dip.

YEREMIA 50:28

Yo di inang leu minu Babel biyuug ei minu ndig Yerusalem ipui sut notou ide tuhan Allah birop bak mben Babel drek dip ide nibon munti bitut tuhan De Ig.)

YEREMIA 50:29

tuhan pai “Jicuk yo di ikri tibor kan nya ba, icoi minu Babel biprindei yok ba, imai ug. Bikwop yo di ikri tibor kan nya ma jinjei sut yok bijiyon ttai minu ndig dima. Ma jisindui sut tungwagom binang ba, ningwes ngun au. Ma jibirop ide nibon munti nya hagom. Ma jibibon yok bit leu ide niyai munti nya. Lewo ibon mun kinei-kinau tut Da di Allah mben Israel Di Dikwes-kwau tu.

YEHEZKIEL 21:20

Puig gi nigom bie ug ei mben Amon ide minu ndig nibousi Raba lene puig gi can bie ug ei minu ndig Yerusalem di bon tentara nibousi di igya coi nya.

YEHEZKIEL 25:14

Midiba Ditde mben Israel bibuhup tut dingon sibuisi bak mben Edom. Yoni mibibon mben Edom bit leu Ditde nigga biborti. Mben Edom mibikan tut Ditde nigga nicut igkep yok pijumti. Da di tuhan Di Dinyeng Jei Bibor disimbot dat tu.”

YEHEZKIEL 32:10

Midimem dinghat tut Ditde singau simeda bidibindei timek na apino nibou ndig nya kin ide limwa nya mingat Ditde niyai munti di bitut na dima. Mpe dima lene yoni migwam nidigitti ba, iji kibi-kibou yam lewo ittin tut gi imai a.”

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

ZEFANYA 2:12

tuhan mikes hukum nimai ei timiei minu Sudan nya cem dip.

MBEN ISRAEL IMBUT-MBUT NYEN 10:35

Bikwop mpe dino Brua Gi Preu sindi bie tut yok lene Musa ngat nadi bipai “tuhan e, ma akiju ba, ahwen Ade siceu nya ba, ajji yo di ingon mpo tut Na binang ningwig ug.”

MARKUS 1:2

Nihyet Di Kei nitriti bit leu nok Nabi Yesaya pas ei nipou su. “Allah pai ‘Midicuk tungwagom di tri tut dihyet bibie mem Na leu binhyepo noni mitin puig mem Nani yo.

ROMA 1:30

ipai yam nghapti cem ingon mpo tut Allah cem ighyet sem tut yam cem inggei-nggwang cem ingon jei cem igyok ighyet mem gima ibon sisar tug hon nisinati hagom cem ibit icig bat-ipmem bat nya ighyet bi cem,

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

NINDAT KEP TUHAN NICUKTI NYA 32:35

Noni mibirop hanyen biyok tug hon hukum di Noni mikes ei yok dip. Jei bi lene yoni misar bingwig. Ide njap ningwig honti dideu kwei su.

NINDAT KEP TUHAN NICUKTI NYA 5:9

Harin dima jikuk je bak kwar di nok gima bijinggei sut a. Lewo Dani ne jide tuhan Allah rin ba, dem tut gima jiba Da bingon mun nyeng hi cem bi. Lewo midikes hukum ei yo di ikinei sut Dani dip kin ide nintun him yamti di bram yam nya dip bitut ignyon bat-idrot bat nya kin yo di intun yok him bram yam cem dip.

NINDAT KEP TUHAN NICUKTI NYA 7:10

Noro Noni miba nihig ningon tut bisi bikes hukum ei yo di ingon mpo tut Noni dip.

2 TIMOTIUS GI NICAN 3:4

ibakilak yam cem ibon mun kindi-kindok cem ingon jei bibor cem ikes Allah ei leu ba, yuhuk bram mun di ingat ingwes eisi nya cem.