NINDAT KEP TUHAN NICUKTI NYA 32:39 - ALLAH NIHYET MEM TUNGWATU NYA

³⁹ Jingat i! Dani ne Allah Di Nijit ri. Allah hiter hi bi lewo Dangkom ngat he rino Allah. Dihwen tungwatu nya ba, imai. Diwin nimai hanyen bidibindei ba, tungwatu nya ibok leu api ibokti dima jut hanyen ba, bit bon hi bigen ser diyai munti nya kan bi.

NINDAT KEP TUHAN NICUKTI NYA 32:39 ပူးပေါင်းရင်းမြစ်များ

NIBOU NDIG NYA GI NICAN 20:5

bingkwei hanyen ndam Hizkia di ninyeng tak kep tuhan de limwa nya bitri tut tuhan nihyet di sok ei no dip bak “Dani ne tuhan Allah di adigai Daud kuk no bak ri. Ba, dimiap ade nadi bidingat ayai nggwei di kibor cem tu. Midibindei ba, akei hanyen leu api ug ei njap nitindur can bu lene akiju ba, aug coi Ditde ig ug ri.

NIBOU NDIG NYA GI NICAN 5:7

Lo bi lene tirigi nibou ndig mben Israel kwop srat bokti dima lene ningon buhun bibor birik nide sinsun nibou ndig leu api simbot dat “Ayo! Nggon rino nibou ndig mben Siria kan bipia disindem mem gima dibindei ba, no dini miyai ningkek ngun eisi hanyen i? Noni kan bipia dani ne Allah rin ba, dibindei ba, tungwatu nya igyai niyaijo kin nimai e? Jo nibreisi bipia noni ba srat dini biwaisi da!”

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

AYUB 10:13

Noro tini bu ne dikan tut bipia atin ei angon kanti nyahan mem da ei nijam pima leu binhyepo akes mun di buhun ei da dip.

AYUB 10:7

Ningat ne akan tut ba, angon huk niti cem bipia dibon mun di igbit he bidiyai mun tunggwei bi. Akan tut bipia bit bon hi dima sindem mem gima teu da leu anda nsi bidingwes ngun kan bi.

AYUB 5:18

Gino Noni bindei ba, abok lene Noni mingot kep abok dima hanyen bu. Gino Noni bui na lene Noni mikinding na hanyen bu.

MAZMUR 102:27

Gima yok hagom misar noro Nani ne Angat rin kikau. Gima yok hagom minok sre nghas di sgwa leu api acom nok icom sinsun timiei bisar.

MAZMUR 102:28

Noro Nani ne noyam kikau ba, ayaijoti ug hon nohonti bi sren.

MAZMUR 18:31

Allah nibon munti nya kei bibor kei. Bon nyeni iba ingon com Nide nipreu eisi nya cem. Noni dem kep mun di ibipukep tibor ninggwenti nya mem yo di igya coi Noni yahagom.

MAZMUR 50:22

Je di jiba jingha bak Allah e, ma jiyok ngon kep dihyet. Gi bi lene midibindei sar je leu ba, hi dima miteu je bijingwes ngun kan bi.

MAZMUR 51:8

Mun di bon ninyeng ei Na di Allah ayai him rino ningon di gom. Abindei ba, dingon bei mpung tut angon kiti.

MAZMUR 68:20

Ma jinggei sut tuhan lewo Noni ne Allah di teu nye di ingwes ngun bikon ide mun di buhun ei ninghat dip bikwop njap-njap cem ri.

MAZMUR 86:10

Lewo Nangkom he rino Allah ba, aba mimbri di kui angkek bibon mindur nya.

NEHEI LEUSI 15:26

Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”

NEHEI LEUSI 4:7

Lene tuhan cuk noni bu bipai “Asu anda hanyen ei ade sinsunti.” Lene noni yai mun bit leu nok tuhan nicuk noti bu. Tirigi noni brim ninda hanyen leu lene ngat lo, kei hanyen tu.

NIBA NINGON SRIP HUKTI 3:3

nituti mem igyai nimai bak kin nituti mem ibindei ba, nibok jut hanyen cem ba, nituti mem inggek mun kin nituti mem ingot mun cem ba,

YESAYA 19:22

tuhan mimbas mben Mesir noro Noni mibindei ba, ikei hanyen. Yoni mikiek ndam tuhan leu api Noni mibuhup ide nadi bibindei ba, ikei hanyen yo.

YESAYA 30:26

Bed mmun cem micom nimig bidem kep nok mpia njap di com nimig. Mpia njap mipiga kei mbimuhwindacan bram yam binjiriek leu nipiga kepti di piga ngan-ngan tu bidem kep nipigati ei njap muhwindacan bicom yam ei nok gom pimo. Mun dini yok hagom mipek kep mem je mpe dino tuhan ngot kep Nide limwa nya ibok di itug ndei nya ba, binjei mun di kei bak yoni.

YESAYA 41:4

Tou ribindei dino mun dini yok cut igkep tungwatu nya i? Tou ribindei ba, nibohon hagom bit leu nonti ningon kanti i? Da di tuhan dingat rin habiei ei nimbie him ba, midingat rin kikau ug bipek ningwig honti cem.

YESAYA 43:10

Ditde limwa jen e, jingat diyai munti nya bou jiyai him tu. Didimig je ei nok Ditde awak nya leu binhyepo jikan tut Da bijingon jo kep Da ba, jingon hukti tut Da lewo Dani ne Allah ri. Dangkom ngat he rino Allah. Leu nipou kwei bipek ammani kep ba, njap di ammani kui ug bipek ningwig honti ne Allah hiter nya hi bi.

YESAYA 43:12

Ditri tut mun di micut igkep je tu leu api dikwei teu je bijingwes ngun. Kwar di ngkiai nya ide di ikuk yok bak di srig jikieti hi yai nok gima bi sren. Jingat gini bou jiyai him tu. Dangkom ngat he rino Allah.

YESAYA 43:13

Dani ne Allah bijo ninno bijo kikau. Bit bon hi ningwes ngun leu Ditde nisindemti bi ba, bigen ser dingon kanti nya kan bi.”

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YESAYA 45:5

Dani ne tuhan ri. Allah hiter ningat rin bi. Dangkom ngat he rino Allah. Mbro nok gino akan tut Da haigtu bi lo, dibindei ba, akrau ade minggwen nya nok gi dem mem na.

YESAYA 46:4

Dinok jide Allah kikau ug bipek jinghim koi kep bidiya ser je kikau bijibou tiei kep. Dipai tes je ba, midinyohou je bidimpu je cem ba, miditeu je bijingwes ngun cem.

YESAYA 48:12

tuhan pai “Je di mben Israel di didimig je ei su e, ma jingig jitingou mem dihyet lewo Dani ne jide Allah bijo kikau ri. Dani ne gi nimbie him rin ba, Dani ne gi nohon keti rin cem.

YEHEZKIEL 37:12

Gima rino ma atri tut bak Ditde limwa di mben Israel bipia Da di tuhan Di Dinyeng Jei Bibor midikau dimbou leu ide jui dip bidiwin yok hanyen leu imai eisi. Midibuwak yok hanyen kwei ei itimieisi cem.

YEHEZKIEL 37:3

Noni hig ser da “Na di tungwatu di ayaijo kikau bi e, nimai njum dini yok mikiju biyai niyaijo hanyen e?” Dibuhup “Na di tuhan Di Anyeng Jei Bibor e, Nangkom he rino akan tut a.”

HOSEA 5:14

Midittem mben Israel kin mben Yehuda noyam kin mindhe singa di ttem mun di yem. Dangkom he rino dibriug-briug nyen yok leu api dikes yok ei bidimbut leu. Gino dittem yok bidikri yok ne bit bon hi teu yok bingwes ngun leu dindati kan bi.

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

MIKHA 5:8

Mben Israel mibindei timek ide siceu nya bicok tut yahagom ningwig a.

YOHANES 8:24

Gima ripo dipai bije bipia mijimai ei jide sisarti. Gino jingon jo kep bipia Dani ne No di ninyeng DANI DINGAT RIN bi ne mijimai ei jide sisarti.”

NINDAT KEP TUHAN NICUKTI NYA 32:12

tuhan Nongkom bie tut Nide limwa nya lo, kwar di ikuk yok bak hi mpu yok bi.

NINDAT KEP TUHAN NICUKTI NYA 4:35

Allah ndo mun dini yok hagom brei bije nok mun di bindo bipia Nongkom ne Allah rin lene kwar di tungwatu nya ikuk yok bak hi ningat rin bi.

NINDAT KEP TUHAN NICUKTI NYA 7:9

Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.

IBRANI 1:12

Akrop Ade nipai testi dini nok sinsun nda leu api aba nijep biluei bu. Noro tut Nani ne ayaijo kikau. Bit bon Ade njap ngwig hon kan bi sren.”

NINGAT-HI-NGAT NYA 1:11

Nihyet dima cuk da “Ma apas kep mun di angat dini hagom ei srat gomti leu api apinak bak mbusyamei ei minu ndig Efesus kin Smirna kin Pergamus kin Tiatira kin Sardis kin Filadelfia kin Laodikia.”

NINGAT-HI-NGAT NYA 2:8

“Apas srat dini bak malaikati di buhup tut mbusyamei ei minu ndig Smirna. Nipas kepti dini kwei leu No di nimbie him kin nohon keti ba, No di mai su kin No di kiju hanyen leu nimai eisi.

SAMUEL GI NIGOM 2:6

tuhan yai nimai bak tungwatu nya ba, win yok hanyen leu imai eisi cem. Noni pinak yok ug ei yo di imai su nya ikieti leu api sindem mem gima kon yok hanyen kwei leu mpia dima.