NINDAT KEP TUHAN NICUKTI NYA 32:35 - ALLAH NIHYET MEM TUNGWATU NYA

³⁵ Noni mibirop hanyen biyok tug hon hukum di Noni mikes ei yok dip. Jei bi lene yoni misar bingwig. Ide njap ningwig honti dideu kwei su.

NINDAT KEP TUHAN NICUKTI NYA 32:35 ပူးပေါင်းရင်းမြစ်များ

ROMA 12:19

Disut bat jen, ma jingon nggrom kep yam au. Noro ma jibet jingon mem Allah di kes hukum ei tungwatu nya dip drek dip ide sisar nya. Lewo Allah Nihyet pai “Tuhan pai bipia Noni birop biyok tug hon hukum di kes ei yok dip.”

IBRANI 10:30

Lewo ikan tut No di pai “Midikes hukum ei tungwatu nya dip ba, dibirop hanyen biyok” kin No di pai “Tuhan mimbus Nide limwa nya ingonti.”

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

YEREMIA 23:12

Gima rino midibindei ba, imig dilleu ba, ide puig dindi cem apino yoni ikinoi ba, mun di buhun bibor cut igkep yok cem lewo nituti mem dikes hukum ei yok dip dideu kwei su. Da di tuhan disimbot dat tu.

MAZMUR 94:1

Allah e, Nani ne Allah di ba ningon sibuisi bibuhup bak yo di isibut nya ri. tuhan e, ando angon sibuisi dima brei binye.

NINDAT KEP TUHAN NICUKTI NYA 32:43

Je di ngkiai nya e, ma jinggei sut tuhan De limwa nya. Noni kes hukum ei tungwa tou rino hwen Nide limwa nya dip. Noni birop hanyen bak Nide siceu nya noro kos ser Nide limwa nya ide sisar.”

PETRUS GI NIGOM 2:8

Lene Allah nihyet hi bu pai “Tig mma dima mibindei bitungwatu nya indrat bicut.” Indrat lewo ingon jo kep nihyet bi. Lo, gima bit leu Allah ningon kanti mem yok.

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

YEREMIA 13:16

Suar jikon jide tuhan Allah ninyeng bijo nai nipou tirigi Noni pinak nidinditi kwei bigyo ba, nipou tirigi ba nidinditi biluei nipigati di jiyok ngon mem bigyo. Leu mpe dima lene mijindrat mpia bijikinoi ei nungug him.

YEREMIA 6:21

Midibindei ba, indrat ndiyok bikinoi. Pinai nya kin imunggwom bat nya kin yo di inttig-tta nya kin ide adig-ajoi nya yahagom misar bingwig.”

ROMA 13:4

Lewo nibou dima ne Allah de awak di yai midyai di bindei mun di kei bibor pek kep mem je ri. Gino jibon mun di kinei lene ma jidigit tut noni lewo noni yai nisindemti mikuisi bi noro mem gima kes hukum ei tungwatu nya dip. Noni ne awak mem Allah rin ba, Allah kes hukum ei yo di isibut nya dip tug hon noni.

YESAYA 60:22

Lene gima he bi. Lewo nitig mbier tut yamti hi di mien bibor di bon ninyeng bi rin lo, midigek kep mpia nok mben nindig bibor biyai nisindemti ba, ninyeng jei cem. Dani ne tuhan rin ba, midiyai dibou tut leu binhyepo gima pek kep mem na dem igbit tto boua.”

YESAYA 8:15

Imang bibor mindrat tig dima bicut ba, ibok-ba leu api ibiam bona.”

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

NIPINGOK NINGONTI 4:19

Noro puig di yo di isibut nya imbut kak dindi bidem kep mmun mau di dindi-kai ba, indrat mpia bicut lo, igikan tut mun di indrat bi.

NITRITI 4:23

Mpe dima lene Lamekh pai bak nitnem bat cin, “Ada kin Zila e, jimiap dihyet dini ug. Pinai pilei gom bui da ba, dani cem dibui noni drek dip ba, mai su.

NEHEI LEUSI 32:34

Suar aug ba, abuwak mben Israel ug ei minu po dipreu ei mem yok tu. Ditde malaikati mibie tut je. Noro ei nidipti bu lene tto bou midem mem gima dikes hukum ei mben Israel dip drek dip ide sisar.”

IMAM NYA IDE MIDYAI 19:18

Harin dima jeheu yam ba, jingon koi kep yam a. Noro ma jingon ngakei hiter bit leu nok jingon ngakei jenti. Dani ne tuhan bidinok jide Allah ri.

SAMUEL GI NIGOM 26:10

Lene Daud binut nihyet bu bisimbot dat “Dikan mungkun tug hon tuhan di niyaijo ninyeng bipia tuhan Nonti miyai nimai bak Saul tirigi nide njap ngon bou dem mem gi mai e, he tirigi ug kon pran lene bitug ndei nimai e.

NIBOU NDIG NYA GI NICAN 9:7

Suar ahwen ade andigpoi di Ahab kin nide ig bei nsi nya yahagom bisar ningwig ug. Tug hon nisinati dima midikes hukum ei Izebel dip drek dip gi po noni yai nimai bak Ditde nabi nya kin Ditde awak di nindigsi nya pima.

YEREMIA 8:12

Je di Ditde limwa nya e, suar ma jimmai sut gi jibon mun di kinei dima hagom. Noro jingkek ndok ba, jigikan tut jide nimmai sut jentiti bi. Gima rino mijimai nimbiam noyam kin nindigsi nya di imai su. Tirigi dikes hukum ei yok dip lene igyaijoti mingwig hon.

YEREMIA 20:11

Noro Na di tuhan asindem bibor ba, atti kin da tu. Yo di ihwen bit da micut lewo isindem bi. Leu api immai sut yonti kikau lewo ingon kanti dima cut igkep da bi. Yo di hiter mingon prion ser ide nimmai sut yontiti bi sren.

YEREMIA 51:56

Ikwei mem gima inggek minu Babel ba, ikat tentara nide nya leu api ibidahat minggwen di ide nya. Da di tuhan di dikes hukum ei yo di ibon mun di kinei nya dip bidibuhup bak minu Babel bit leu nibon munti nya.

YEHEZKIEL 7:5

tuhan Di Ninyeng Jei Bibor pai bak mben Israel “Mun di buhun mijo-jo yam dip kep na.

HOSEA 13:12

tuhan pai “Dipas kep mben Israel ide sisar kin ide mun di igyai tunggwei nya hagom ei su ba, dikon srat dima ei nijoti tu.

SAMUEL GI NICAN 22:48

Noni sindem tut da leu binhyepo dibindei timek ditde siceu nya ba, om ngkiai nya ei doho bei cem,

YESAYA 13:22

Nsien bigbehei kin nsien mbrei igyausi mibong yam dip bitibim kwei leu minu Babel de tentara nibousi di igya coi nya kin ig nibou ndig de cem. Tto bou mem gima minu Babel tug ndei nitimekti dideu kwei su. Nide njap dem tu. Hi dima om ei bu bi.”