NINDAT KEP TUHAN NICUKTI NYA 32:32 - ALLAH NIHYET MEM TUNGWATU NYA

³² Yo dima imbuk bibor dem kep nok mben Sodom kin mben Gomora. Inok ba anggur di mpo-mpam di ngat ningat di bindei nimai,

NINDAT KEP TUHAN NICUKTI NYA 32:32 ပူးပေါင်းရင်းမြစ်များ

AYUB 14:17

Mporo ma akos ser ditde sisar nya leu api acom hagom ba, aciu ser mun di diyai tunggwei di nipou nya hagom bingwig.

YESAYA 1:10

Je di mben Yerusalem e, jide nibou nya kin jide limwa nya jahagom jinok mben Sodom kin Gomora. Ma jimiap mun di tibim ei nyeni ide Allah nuhui him. Ma jingig jitingou mem nipingok jeti.

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

YEREMIA 2:21

Dita je bijinok ba anggur nikioi di kei bibor. Noro tini bu ne jinok ba anggur di ngoi-nga di bit bon ngat ningat kan bi.

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”

NIBWOS-BWOS NYENTI 4:6

tuhan kes hukum di buhun bibor ei ditde limwa nya dip dor njiriek timiei minu ndig Sodom di tuhan Nonti bindei timek yok kros dem kep igyai mpau di bingmai mbigom he. Mun di buhun dima cut igkep yok tug hon tungwatu igyai munti nya bi o!

MATIUS 11:24

Ma jiyok ngon kep bipia tirigi Njap dem mem Allah kes hukum ei tungwatu nya dip ne ningon minggriu bibor tut timiei minu ndig Sodom dor njiriek jeni.”

NINDAT KEP TUHAN NICUKTI NYA 29:18

Gima rino ma jiya ser jingonti leu binhyepo tungwagom leu jikieti nok pinai hi e, he sop hi e, he ig bei nsi nya gom e, he mben gom e, njap di ammani ma ingkwei leu ide tuhan Allah ba, ikuk yok bak ngkiai nya ide nung nya au. Niyai munti dima noyam kin biei nigau di hei ba, wer mun di iba inda ta di mpo lene wer krisieu di mpo cem ntun him.

NINDAT KEP TUHAN NICUKTI NYA 32:33

kin ba anggur ningei di bindei nimai dem kep nok wou piet di ham tungwatu nya.

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.