NINDAT KEP TUHAN NICUKTI NYA 32:3 - ALLAH NIHYET MEM TUNGWATU NYA

³ Dikon tuhan ninyeng leu api Nide limwa nya mipui sut Nide nisindemti!

NINDAT KEP TUHAN NICUKTI NYA 32:3 ပူးပေါင်းရင်းမြစ်များ

NIBOHON MBEN ISRAEL GI NIGOM 17:19

Abon mun di nindig bibor dini tut da bit leu Nanti ajoi sutti leu binhyepo ando nijam di dinyeng jei ei nidipti bu brei bida.

NIBOHON MBEN ISRAEL GI NIGOM 29:10

Mpe dima lene Nibou Ndig Daud kon tuhan ninyeng ei yo di imang bibor dima yoho bei bipai “tuhan Allah di nyeni nidigai Yakub kuk no bak e, dinggei sut anyeng bijo ninno bijo kikau.

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

NIBOHON MBEN ISRAEL GI NIGOM 29:13

Nyende Allah e, nipai sigyo nindig bibor biNani binikon anyeng di jei bibor cem.

MAZMUR 150:2

Ma inggei sut Noni tut nide midyai di bibon ninggap leusi nya. Ma inggei sut Noni lewo ninyeng jei bibor.

NEHEI LEUSI 20:24

Ma jiba dihyei bibon nimbar hum dok gom mem Dani. Ma jibui jide domba nya kin sapi nya bijindig kep hum eisi. Lene jiba mindhe-ndhe bihi bikuk je biDa ba, jiba mindhe-ndhe bihi biyai jingon kwes kin Da. Midihwou yai gi kei bije ei mpia ttou nsi di dindo bije mem gima jibikuk je biDa eisi hagom.

NEHEI LEUSI 33:19

Lene tuhan buhup “Midiba Ditde nikei-kau-keisi bimbut sin nati leu api midindat kep dinyeng di kwes-kwau leu binhyepo tibim ei atingou nsi. Dani ne tuhan rin ba, dingondut tungwatu nya di didimig yok ei su nya bidisingat tut yok.

NEHEI LEUSI 6:3

Mpe dima lene dipreu ei mem yok bipia ei nidipti bu lene mporo midiyai minu Kanaan po nipou yo igyaijo eisi nok ingkiaisi pima biyok nok ide minu ninda rom.

YEREMIA 10:6

tuhan di kwes-kwau e, hi di noyam kin Nani bi. Anyeng jei bibor bisindem bibor cem.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 17:6

Dibindei ba, yo di akes biDa ei dihyeisi dini ikan tut Na tu. Anyeng tak kep yok habiei leu api akes yok biDa. Yoni ibit ahyet tu ba,

EFESUS 1:19

jingon dorti tut Allah de nisindemti di mindur di sindem tut nye di ingon jo kep nya cem. Nisindemti dima noyam kin nisindemti di mindur,

NINDAT KEP TUHAN NICUKTI NYA 3:24

tuhan Di Ninyeng Jei e, dikan tut bipia gi ando bida dini ne sindi nimbie him leu abon munti di nindig bibor nya ba, mindur cem rin yo. Bit bon kwar di tungwatu nya ikuk yok bak ei mpia-bbed him kin dihyeisi dini bibon mindur di nindig bibor nok abibon bi ba, hi noyam kin Nani kan bi.

NINDAT KEP TUHAN NICUKTI NYA 5:24

Ba, ipai ‘Ide tuhan Allah ndo tut Nide nisindemti di nindig bibor kin Nide nikei-kau-keisi tirigi nimiap nihyet di tibim kwei leu hum njengti. Njap di ammani nyeni ningat bou niyai him bipia mbro nok gino Allah mbrap bit tungwatu nya lo, igyaijo yo lene imai drek dip bi.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.