NINDAT KEP TUHAN NICUKTI NYA 32:25 - ALLAH NIHYET MEM TUNGWATU NYA

²⁵ Ide siceu nya mihwen yok bingwig kak simpak ba, mun di buhun bibor micut igkep yok ei ide ig ba, ide pinjoi pilei nya kin sop pilei nya imai bingwig lene munggwom ngwoi nya kin andig-ndau nya cem misar bingwig.

NINDAT KEP TUHAN NICUKTI NYA 32:25 ပူးပေါင်းရင်းမြစ်များ

NIBOU NDIG NYA GI NICAN 7:5

Gima rino tirigi mpia jinjui su lene imbut ug ei tentara Siria ide prak meng yati. Ikwei krau lene ingat lo, tentara yahagom inang leu su,

NIBOHON MBEN ISRAEL GI NICAN 36:17

Gima rino tuhan pingok ei nibou ndig mben Babel ningonti leu binhyepo njei bihwen yok. Nibou ndig dima yai nimai bak limwa Yehuda nya di ipilei yo nya bitut yo di ingat rin ei tuhan De Ig nya cem ba, gingondut tungwagom ngat cem bi. Noro yai nimai bak andigpoi nya kin pilei nya bitut pinai-sop nya kin yo di inggwen nya kin yo di inghuisi kwes nya yahagom hak ug. Allah kes yo dima yahagom ei nibou ndig mem mben Babel ninda nsi.

YESAYA 30:16

Leu api jiba jingon com jingon kanti nok gino jibri kuda di imbut sindem bibor leu binhyepo jingwes ngun leu jide siceu nya. Kei bibor! Ningat ne suar ma jinang! Jikan bipia jide kuda nya imbut sindem noro yo di yuhuk bram je mibri kuda di imbut sindem bibor dor njiriek jide bu.

YEREMIA 44:7

Ba, nogindini Da di tuhan Di Disindem Bibor di Allah Israel dihig ser je bipia nggon rino jibon mun di binduk mun di buhun di nindig bibor dima ei jenti dip i? Jijoi sut gima jibindei sar pinai nya kin sop nya kin munggwom nya kin munggwom ngwoi nya yahagom leu ba, yo di ntun mben Israel him hi niyaijo bu bi e?

YEREMIA 44:8

Nggon rino jibon kep mun di bibon diggati nya i? Jikwei bong ei minu Mesir di jingkiaisi leu api jikuk je bak kwar nya hanyen bu. Jibon midut nindig mindhe-ndhe ei humti ba, jibikuk je bak timiei minu dini ide kwar nya! Nggon rima jibindei timek jenti bijibindei ba, ngkiai nya yahagom ighyet kinei sut je ba, iba jinyeng bisigion yam i?

YEREMIA 9:21

Lewo nibon kep nimai cig coi nyende kendera mihyet kwei su ba, tau ug ei nibou ndig de ig tu. Nimai kat munggwom nya kak simpak bou nya bihwen pinai pilei nya ei biyati cem.

NIBWOS-BWOS NYENTI 1:20

Na di tuhan o! Angig ayai kep da tut gi dingon bos-bos nyen cem dingon kku da cem dingon mbris cem tut gi dinjiriek cem tut danti diyai mun tunggwei angon kanti nya nipou pima cem o! Siceu igyai nimai bak tungwatu bidem simpak bou hagom ba, itot nindigsi nya ei ig bei nsi bimai su o!

NIBWOS-BWOS NYENTI 4:4

Bit bon ditde limwa nya igyai ido ngei bak munggwom ngwoi nya kan bi apino munggwom nya imai inggobiau ug o! Itindei hiter indati tut njita bigyem lo, hi di yai njita biyok bi ug o!

YEHEZKIEL 7:15

Pran cut bidem puig hagom ba, nsuwer ajar kin ninggum jo bidem ig hagom. Tungwa tou rino ningat rin ei minu ndig nisai mimai ei pranti. Tungwa tou rino bong ei minu ndig ninsi mimai tug hon nsuwer ajar kin ninggum.

HOSEA 11:6

Ide siceu nya mikon pran bit yok ei itimieisi binggek dimbou pmem nya hagom leu binhyepo ihwen Ditde limwa nya bibindei ba, itimek bingwig. Mun dini yok hagom micut igkep yok drek dip igyai munti nya hagom di bit leu yonti ingon kanti ba,

HOSEA 9:12

Mbro nok gino isrek tut munggwom nya ba, inyohou yok bindig lo, midikat yok ba, disindui sut munggwom gom ngat biniyaijo cem bi. Je di mben Israel e, tirigi diba dinghim bak je ne buhun bibor mem je!”

HOSEA 9:16

Midikes hukum ei mben Israel dip. Yoni midem kep biei kioi di ita di ngat ningat bi kin nigau di mui bingwig leu ba, imbun imunggwom bi. Mbro nok gino imbun munggwom lo, midiyai nimai bak imunggwom bat di ingon ngakei yok dima.”

IMAM NYA IDE MIDYAI 26:25

Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.

MIKHA 6:14

Mbro nok gino jiyem njita lo, njita dima ndei je bi leu api jinggum kikau. Mbro nok gino jipos ndigban leu tungwatu nya lo, bit bon jinyohou ndigban dima bijo kikau kan bi. Midibindei ba, ndigban di jinyohou dima timek bingwig tug hon pran.

KORINTUS GI NICAN 7:5

Tirigi nuug krau Makedonia pima ne bit bon nibong kep ninghuisi kan bi. Mun di buhun ngwig kep nye. Nimpung yo di hiter iliriem nye ba, nikrau ningon tut je.