NINDAT KEP TUHAN NICUKTI NYA 32:24 - ALLAH NIHYET MEM TUNGWATU NYA

²⁴ Yoni mitug ndei nimai tug hon ninggum di hwen yok kin ingkek di dut kin nsuwer mbrei di hwen yok. Midisindui sut mindhe di niten-pos nya kin wou piet nya biyaham yahagom bingwig.

NINDAT KEP TUHAN NICUKTI NYA 32:24 ပူးပေါင်းရင်းမြစ်များ

NITRITI 3:14

Gima ngwig leu api tuhan Allah pai bak wou dima “Midikes hukum ei na dip drek dip ade niyai munti dini. Dimbriom nangkom leu mindhe-ndhe nindigsi nya hagom apino hon kep ammani kui aba anghop bisrei ei dihyei ninjek dip ba, suar ayem dihyei ndung kikau ug bipek ayaijo ningwig honti kep.

NITRITI 49:15

Tirigi noni ngat lo, nibongti kei nigwati kei ba, nide minu cem kei bibor lene noni ba ningon di kei bikuk no mem gima ttei ndigban lene hiter nya mibidip huk noni biyai midyai nok awak.

AYUB 20:16

Noni dut krisieu nibinduk mun di buhun kep nonti bimai drek dip dem kep nok gino wou piet ham noni.

MAZMUR 120:4

Noni miba nikon pran cig de tibor di nggwen bibor kin hum mbom di cig-cai bikes hukum ei na dip!

MAZMUR 91:6

kin nsuwer ajar di hwen tungwatu nya mem nidinditi kin yo di isibut nya di ihwen kikep tungwatu nya mem mpia nicomti bu bi.

YESAYA 65:25

Nsien mbrei di niten-pos nya mitai njita bit domba mien nya. Singa nya mitai njita noyam kin sapi nya lene wou nya yaham tungwatu bu bi. Mun di mbuk kin nirom ndokti mijo ei Ditde nungug di kwes-kwau dima nisurti-nipekti bu bi.”

YEREMIA 14:18

Tirigi duug ei beisi nya lene dingat lo, tentara nya ingut mang bibor. Tirigi dicoi ug ei minu ndig nya lene dingat tungwatu nya di ninggum hwen yok. Nabi nya kin imam nya igyai kep ide midyai di suar igyai nya noro ingon dorti tut mun di igyai nya bi.”

YEREMIA 15:3

Da di tuhan dikos tut bipia hukum ninyeng bitai micut igkep yok. Yoni mikrop tug hon pran leu api nsien nya mikri ingut ba, ha nya mipuk ingut lene mindhe di iten-pos nya migya kep ingut bingwig.

YEREMIA 16:4

Ninggwen di buhun bibor mihwen yok bimai ba, imai nimbiam ei pranti cem imai ninggum cem. Tungwa hi dima pim tut yok ba, tig yok cem bi. Ingut jo sinsiou ei dihyei ninjek dip bidem kep mun di kroi di hwen dihyei ba, inok mun di ha nya kin mindhe di niten-pos nya igyem.

YEREMIA 8:17

tuhan pai “Jitou kep! Nogindini dipinak wou nya hwou ug ei jikieti leu binhyepo yaham je. Wou piet di dem mem tungwatu iba porei nya bipijuk ingonti bimuhup kan bi.”

NIBWOS-BWOS NYENTI 5:10

Niyai niwei tug hon ninggum apino ningkek dut bidem kep nok komfor di indig hum eisi o!

YEHEZKIEL 14:15

Hi rima dikes mindhe di niten-pos kwei mem gima ittem timiei di ibong ei minu dima leu api buhun bibor mem yok ba, hi di brim ningkek mem gima mbut binjiriek minu dima kan bi.

YEHEZKIEL 14:21

tuhan Di Ninyeng Jei Bibor pai “Midikes Ditde hukum di buhun bibor ninyeng bitai ug ei minu ndig Yerusalem dip mem gima dibicok tut tungwatu kin mindhe-ndhe nya. Ba, hukum dima yok rino pran kin ninggum di buhun bibor kin mindhe di niten-pos kin nsuwer ajar.

YEHEZKIEL 5:17

Ter leu ninggum di buhun bibor pima lene midiba nsuwer ajar di buhun bibor kin yo di isibut bibor kin pran bihwen ade timiei nya. Midiba mindhe di niten-pos biyai nimai bak amunggwom bat nya ningwig a. Da di tuhan disimbot dat tu.”

IMAM NYA IDE MIDYAI 26:22

Midipinak mindhe-ndhe di niten-pos nya kwei ei jikieti. Mindhe-ndhe dima yok mittem jimunggwom bat nya ba, yaham jide mindhe-ndhe di jihyen kep nya bimai bingwig ba, ibindei ngwig jeni cem. Apino jimangti poi mien he. Gima hagom mibindei ba, jide puig nya tereu nok mpia di ha he bong.

AMOS 9:3

Mbro nok gino iku yo nyahan ei Nungug Karmel nimbigdip anai bibor lo, midinggok ser yok bidikat yok. Mbro nok gino iku yo nyahan ei muk jou lo, midicuk naga di bong muk ngeisi ba, ham yok.

MIKHA 7:17

Yoni miba inghop bikak dihyei ei dihyei ndungti noyam kin wou di srei ba, ikes ide ig tentara nibousi di igya coi nya ei leu api iba ingon di digit kin ingwes mien binduk yam kwei ndam nyende tuhan Allah.

HABAKUK 3:5

Acuk nsuwer ajar bibie aho lene acuk minu nimai nya ide biya abia kep anghim dip.

NINDAT KEP TUHAN NICUKTI NYA 28:22

tuhan mibindei ba, ninggwenti di kieng kep tungwatu nya yahagom micut igkep jeni ba, jidwoi-dwoi nyen ba, jingkek dut bibor cem. Noni mibindei ba, ngei ndung cut bihwen mun di hagom bi ngak-cai cem hou di bindei ngkiong mun nyeng hagom mihwen jide gandum di ningat ntun him tu hagom bikinei bingwig. Mun di buhun bibor dima yok micut igkep je kikau ba, jibisar kep.

NINDAT KEP TUHAN NICUKTI NYA 28:48

Gima rino suar jikuk je bak siceu di tuhan mipinak yok kwei mem gima ihwen bit je. Mijicut ei ninggumti kin ninggobiauti kin ninda ngwakti cem ba, juhui mbum nindig bibor. tuhan mico kep jeni sindem kikau ba, jibisar.

NINDAT KEP TUHAN NICUKTI NYA 28:53

Tirigi jide siceu igyon ttai jide minu ndig nya lene ninggum mihwen je apino jingon cun bijibui jenti jimunggwom bat nya di jide tuhan Allah yai bije nok mikwau bijiyem.